କେପଟାଉନ: ସାଉଥ ଆଫ୍ରିକାର ଜଣେ ଯୁବତୀଙ୍କ ନିର୍ବନ୍ଧ ମୁଦିକୁ ଭୁଲବଶତଃ ଗିଳିଦେଇଛି କୁକୁର 'ପିପର' । ବର୍ତ୍ତମାନ ପିପର ଭ୍ୟାଲି ଫାର୍ମ ଆନିମଲ ହସ୍ପିଟାଲରେ ଭର୍ତ୍ତି ହୋଇଛି । ପରେ ଜଣାପଡ଼ିଛି ଖୋଦ ନିଜ ମାଲିକର ମୁଦିକୁ ଗିଳି ଦେଇଛି କୁକୁର ପିପର ।
ସୂଚନା ଅନୁସାରେ, ପିପରର ଦେହ ଖରାପ ହେବାରୁ ତାକୁ ହସ୍ପିଟାଲ ନିଆଯାଇଥିଲା । ହେଲେ ସେଠାରେ ଡାକ୍ତର ପରୀକ୍ଷା ସହ କରିଥିଲେ ଏକ୍ସରେ, ଯାହା ଦେଖିଥିଲେ ଆଶ୍ଚର୍ଯ୍ୟ ହୋଇଯାଇଥିଲେ । କାରଣ ପିପର ପେଟରେ ଥଲା ମୁଦି । ଏହାପରେ ପିପରକୁ ଆଡମିଟ କରାଯାଇ ଚିକିତ୍ସା ଚାଲିଥିଲା । ଶେଷରେ ବାନ୍ତି ମାଧ୍ୟମରେ ମୁଦି ଟି ବାହାର କରିବାରେ ସଫଳ ହୋଇଛନ୍ତି ଡାକ୍ତରମାନେ ।
ତେବେ ଘଟଣା ବିଷୟରେ ନିଜ ଫେସବୁକ ପେଜରେ ସେୟାର କରଛନ୍ତି ପିପରର ମାଲିକାଣୀ । ଅତି ସୁନ୍ଦର ଭାବେ ସେ ଲେଖିଛନ୍ତି, ମୁଁ ପିପର , ମୁଁ ଟିକେ ଅସୁସ୍ଥ ଭଳି ଦିଶୁଛି । କାରଣ ଡାକ୍ତର ମୋତେ ବାନ୍ତି କରିବାର ଔଷଧ ଦେଇଛନ୍ତି । ମୋ ମାଆଙ୍କର ମୁଦି ମୁଁ ଭୁଲବଶତଃ ଗିଳି ଦେଇଛି ।
