ଫୁଲବାଣୀ: କନ୍ଧମାଳ ଓ ଗଞ୍ଜାମ ଜିଲ୍ଲା ସୀମାନ୍ତ କଳିଙ୍ଗା ଘାଟିରେ ଦୁର୍ଘଟଣା । ସୁରତରୁ ପ୍ରବାସୀ ଓଡିଆଙ୍କୁ ନେଇ ଆସୁଥିବା ବସଟି ଅନ୍ଧାରକୁଟି ତଳ ବୁଲାଣିରେ ଘାଟି ୱାଲରେ ବାଡେଇ ହୋଇ ଓଲଟିପଡିଛି । ଏଥିରେ ଜଣଙ୍କ ମୃତ୍ୟୁ ହୋଇଥିଲା ବେଳେ 20ରୁ ଅଧିକ ଯାତ୍ରୀ ଆହାତ ହୋଇଛନ୍ତି । ଏଥିସହ 4 ଜଣ ଗୁରୁତର ଅଛନ୍ତି ।
ସୁରତରୁ ଓଡ଼ିଆ ଶ୍ରମିକଙ୍କୁ ନେଇ ଆସୁଥିବା ବସ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିଲା ପଞ୍ଚମ ବୁଲାଣିରେ । ଅନ୍ଧାରକୁଟି ତଳ ବୁଲାଣିରେ ଘାଟି ୱାଲରେ ବାଡେଇ ହୋଇଥିଲା ବସଟି। ଏ ନେଇ ଖବର ପାଇ ଘୁ ଉଦୟଗିରି ପୋଲିସ ଏବଂ ଦମକଳ ବାହିନୀ ଉଦ୍ଧାର କାର୍ଯ୍ୟରେ ଲାଗିଛନ୍ତି । ଏସଡପିଓ ଓ ଅନ୍ୟ ଅଧିକାରୀ ଘଟଣା ସ୍ଥଳରେ ପହଞ୍ଚିଛନ୍ତି । ଆହତଙ୍କୁ ଗଞ୍ଜାମ ଭଞ୍ଜନଗର ଓ କନ୍ଧମାଳ ଘୁ ଉଦୟଗିରି ମେଡିକାଲକୁ ନିଆଯାଇଛି । ଏସଡିପିଓ ଜୟକୃଷ୍ଣ ବେହେରାଙ୍କ ସହିତ ପୋଲିସ ଓ ଦମକଳ ବାହିନୀ ଗାଡିରୁ ଲୋକଙ୍କୁ ଉଦ୍ଧାର କରିଛନ୍ତି । ଆହତ ଓ ମୃତକ ସଂଖ୍ୟା ବଢ଼ିପାରେ ବୋଲି କୁହାଯାଇଛି।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
