ହାଇଦ୍ରାବାଦ: ଆଜି ୩୫ ବର୍ଷରେ ପାଦ ଥାପିଛନ୍ତି ବଲିଉଡ ଅଭିନେତ୍ରୀ ପରିଣୀତି ଚୋପ୍ରା । ଗତ ସେପ୍ଟେମ୍ବରରେ ବିବାହ କରିଥିବା ପରିଣୀତିଙ୍କ ବିବାହ ପରେ ଏହା ପ୍ରଥମ ଜନ୍ମଦିନ ଅଟେ । ତେବେ ଏହି ଖାସ୍ୟ ଦିନରେ ଖାସ୍ ଅନ୍ଦାଜରେ ସ୍ତ୍ରୀ ପରିଣୀତିଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି ରାଘବ ଚଢା । ସୋସିଆଲ ମିଡିଆରେ ରାଘବ ଉଭୟଙ୍କ ବିବାହ ପୂର୍ବର ଫଟୋ ସେୟାର କରି ରୋମାଣ୍ଟିକ ଅନ୍ଦାଜ ସହ ପରିଣୀତିଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି ।
ରାଘବ ତାଙ୍କ ଇନଷ୍ଟାଗ୍ରାମରେ ତାଙ୍କ ଡେଟିଂ ଲାଇଫର ଫଟୋ ସେୟାର କରି ପରିଣୀତିଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ଏହି ଫଟୋ ଗୁଡ଼ିକ ସହ ସେ ଏକ ରୋମାଣ୍ଟିକ ନୋଟ୍ ସେୟାର କରିଛନ୍ତି । ସେ ଲେଖିଛନ୍ତି, "ତୁମେ ମୋ ଜୀବନକୁ ସୁପରଷ୍ଟାର ପରି ମୋ ଜୀବନରେ ଆଲୋକ ଭରି ଦେଇଛ, ପାରୁ ।" ତୁମର ଏକ ହସ ମୋର ସମସ୍ତ ଚିନ୍ତାକୁ ଦୂର କରିଦିଏ । ଏହା ଆମର ପ୍ରଥମ ବର୍ଷର ସୁନ୍ଦର ସମୟ ଅଟେ । ଆଶା କରୁଛି ଆମେ ପୂର୍ବ ଅପେକ୍ଷା ଅଧିକ ଖୁସି, ଭଲପାଇବା ସହ ସାଙ୍ଗରେ ସମୟ ବିତାଇବା । ଏହି ବିଶେଷ ଦିନରେ ମୁଁ ତୁମ ସହ ସେଲିବ୍ରେସନ ପାଳନ କରିବାକୁ ଚାହୁଁଛି । ଜନ୍ମଦିନର ଶୁଭେଚ୍ଛା ପତ୍ନୀ । ସେପଟେ ପରିଣୀତି ମଧ୍ୟ ରାଘବଙ୍କ ପୋଷ୍ଟ ଉପରେ ପ୍ରତିକ୍ରିୟା ଦେଇ ଲେଖିଛନ୍ତି, ତୁମ ପାଖକୁ ଫେରିବି । ତୁମେ ଆଶ୍ଚର୍ଯ୍ୟଜନକ ମଣିଷ ।
ସେୟାର ହୋଇଥିବା ପ୍ରଥମ ଫଟୋରେ ରାଘବ ଏବଂ ପରିଣୀତି ଏକ ହ୍ରଦ ନିକଟରେ ବସିଥିବାର ନଜର ଆସିଛନ୍ତି । ଦ୍ୱିତୀୟ ଫଟୋ ଏକ ରେସ୍ତୋରାଁର, ଯେଉଁଠାରେ ପରିଣୀତି ରାଘବଙ୍କୁ 'Reserved' ଲେଖା ଥିବା ଏକ ନେମପ୍ଲେଟ ଦେଖାଉଛନ୍ତି । ତୃତୀୟ ଫଟୋରେ ଏହି ଦମ୍ପତି ଲଣ୍ଡନ ରାସ୍ତାରେ ପୋଜ୍ କରୁଥିବା ନଜର ଆସିଛନ୍ତି, ଯେଉଁଠାରେ ପରିଣୀତି ଏବଂ ରାଘବ କାଜୁଆଲ ଲୁକରେ ପରସ୍ପର ପାଖରେ ଠିଆ ହୋଇଥିବା ନଜର ଆସିଛନ୍ତି । ପରବର୍ତ୍ତୀ ଫଟୋରେ ରାଘବ ତାଙ୍କ ପତ୍ନୀଙ୍କୁ ହଗ୍ କରୁଥିବା ଦେଖିବାକୁ ମିଳିଛି ।
ଏହା ମଧ୍ୟ ପଢନ୍ତୁ: 35ବର୍ଷରେ ପରିଣୀତି ଚୋପ୍ରା, ଖାସ୍ ଅନ୍ଦାଜରେ ବର୍ଥ ଡେ ୱିସ୍ କଲେ ଭଉଣୀ ପ୍ରିୟଙ୍କା
ପରିଣୀତି ଚୋପ୍ରା ଏବଂ ରାଘବ ଚଢା ଗତ ମାସରେ ରାଜସ୍ଥାନର ଉଦୟପୁରରେ ଘନିଷ୍ଠ ବନ୍ଧୁ ଏବଂ ପରିବାର ସଦସ୍ୟଙ୍କ ଉପସ୍ଥିତିରେ ବିବାହ କରିଥିଲେ । ଏହି ଦମ୍ପତି ସେଠାରେ ସେମାନଙ୍କର ହଲଦୀ, ସଂଗୀତ ଏବଂ ମେହେନ୍ଦୀ ସମାରୋହ ମଧ୍ୟ କରିଥିଲେ । ସେ ସେଠାରେ ତାଙ୍କ ପାଇଁ ଏକ ରିସେପ୍ସନ୍ ମଧ୍ୟ ଆୟୋଜନ କରିଥିଲେ । ସେମାନଙ୍କର ବିବାହ ରୀତିନୀତି ଦିଲ୍ଲୀର ଏକ ସୁଫି ରାତିରୁ ଆରମ୍ଭ ହୋଇଥିଲା । ସେମାନଙ୍କର ବିଶେଷ ଦିନରୁ ଫଟୋ ସେୟାର କରି ପରିଣୀତି ଏବଂ ରାଘବ ନିଜ ପୋଷ୍ଟରେ ଲେଖିଥିଲେ, "ଜଳଖିଆ ଟେବୁଲରେ ପ୍ରଥମ ବାର୍ତ୍ତାଳାପରୁ ଆମେ ପ୍ରେମରେ ପଡିଥିଲୁ । ଦୀର୍ଘ ଦିନ ଧରି ଏହି ଦିନକୁ ଅପେକ୍ଷା କରି ରହିଥିଲୁ .. ଶେଷରେ ମିଷ୍ଟର ଏବଂ ମିସେସ୍ ଶ୍ରୀମତୀ ହେବାର ସୌଭ୍ୟଗ୍ୟ ମିଳିଲା ।
