ଆସୁଛି ସ୍ତ୍ରୀ ଓ ଭେଡିଆ ଫିଲ୍ମର ପାର୍ଟ-2, ଜାଣନ୍ତୁ କେବେ ହେବ ରିଲିଜ

ଦୀନେଶ ବିଜନଙ୍କ ହରର୍-କମେଡି ଫିଲ୍ମ 'ସ୍ତ୍ରୀ' ରୁ ଆରମ୍ଭ ହୋଇ 'ରୁହି' ଏବଂ 'ଭେଡିଆ' ବେଶ ଲୋକପ୍ରିୟତା ହାସଲ କରିଥିଲା । ଏହାରି ମଧ୍ୟରେ ବର୍ତ୍ତମାନ ସ୍ତ୍ରୀ ୨ ଏବଂ ଭେଡିଆ ୨ ଆସିବା ନେଇ ଘୋଷଣା କରିଛନ୍ତି । ଯାହା 2024 ଏବଂ 2025ରେ ରିଲିଜ ହେବ । ଅଧିକ ପଢନ୍ତୁ

ମୁମ୍ବାଇ: ସିନେ ପ୍ରେମୀଙ୍କ ପାଇଁ ଖୁସି ଖବର । ଆସିବାକୁ ଯାଉଛି ବରୁଣ ଧୱନଙ୍କ ଅଭିନୀତ ଫିଲ୍ମ 'ଭେଡିଆ' ଏବଂ ଶ୍ରଦ୍ଧା କପୁର ଏବଂ ରାଜକୁମାର ରାଓଙ୍କ ଫିଲ୍ମ 'ସ୍ତ୍ରୀ'ର ସିକ୍ବେଲ । ବୁଧବାର, ଜିଓ ଷ୍ଟୁଡିଓ ପକ୍ଷରୁ ଭେଡିଆ ଏବଂ ସ୍ତ୍ରୀ'ର ସିକ୍ବେଲ ଆସିବା ନେଇ ଘୋଷଣା କରିଛନ୍ତି । ତେବେ ଉଭୟ ଫିଲ୍ମ 2024 ଏବଂ 2025ରେ ରିଲିଜ ହେବ ବୋଲି କୁହାଯାଇଛି । ଫିଲ୍ମ ରିଲିଜ ଖବର ଫ୍ୟାନ୍ସ ଉତ୍ସାହିତ ହୋଇଛନ୍ତି ।

ବୁଧବାର ମୁମ୍ବାଇରେ ଏକ ଇଭେଣ୍ଟରେ ଏହାର ଆଗାମୀ ଫିଲ୍ମ ଏବଂ ୱେବ୍ ସିରିଜ୍ ଘୋଷଣା କରିଛି ଜିଓ ଷ୍ଟୁଡିଓ । ଏହାରି ମଧ୍ୟରେ 'ଭେଡିଆ' ଏବଂ 'ସ୍ତ୍ରୀ'ର ସିକ୍ବେଲ ପ୍ରସ୍ତୁତ କରୁଥିବା ନେଇ ଘୋଷଣା କରିବା ସହ ରିଲିଜ ତାରିଖ ମଧ୍ୟ ଘୋଷଣା କରିଛନ୍ତି । ତେବେ 'ସ୍ତ୍ରୀ-2' 2024 ଅଗଷ୍ଟ 31ରେ ଫିଲ୍ମ ରିଲିଜ ହେବାକୁ ଥିବା ବେଳେ 'ସ୍ତ୍ରୀ-୨' ପରେ 'ଭେଡିଆ-୨' ରିଲିଜ ହେବ । 'ଭେଡିଆ-୨' 2025ରେ ରିଲିଜ ହେବା ନେଇ ଘୋଷଣା କରାଯାଇଛି । ଏହି ଖବର ଶୁଣି ଫ୍ୟାନ୍ସଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି ।

• Fasten your seat belts! Jio Studios, India’s biggest content studio, unveils its incredible content slate of 100 stories with the biggest stars and top makers from India as well as exciting new talent. https://t.co/ifnN8Cu2CW

  — Jio Studios (@jiostudios) April 12, 2023 " class="align-text-top noRightClick twitterSection" data="

  Fasten your seat belts! Jio Studios, India’s biggest content studio, unveils its incredible content slate of 100 stories with the biggest stars and top makers from India as well as exciting new talent. https://t.co/ifnN8Cu2CW

  — Jio Studios (@jiostudios) April 12, 2023

  ">

  Fasten your seat belts! Jio Studios, India’s biggest content studio, unveils its incredible content slate of 100 stories with the biggest stars and top makers from India as well as exciting new talent. https://t.co/ifnN8Cu2CW

  — Jio Studios (@jiostudios) April 12, 2023

ସୂଚନା ଥାଉ କି, ହରର୍-କମେଡି ଫିଲ୍ମ 'ସ୍ତ୍ରୀ'ର ପ୍ରଥମ ଭାଗରେ ବଲିଉଡ ଅଭିନେତ୍ରୀ ଶ୍ରଦ୍ଧା କପୁର ଏବଂ ଅଭିନେତା ରାଜକୁମାର ରାଓ ଏବଂ ପଙ୍କଜ ତ୍ରିପାଠୀଙ୍କ ଯୋଡି ଚତ୍ମକାର ଅଭିନୟ କରି ଦର୍ଶକଙ୍କ ମନ ଜିଣିପାରିଥିଲେ । ଏହି ଫିଲ୍ମଟି ଭାରତରେ 100 କୋଟି ଟଙ୍କାରୁ ଅଧିକ ବ୍ୟବସାୟ କରି ବେଶ ଲୋକପ୍ରିୟତା ହାସଲ କରିଥିଲା । ଏହାରି ମଧ୍ୟରେ ବର୍ତ୍ତମାନ ସ୍ତ୍ରୀର ସିକ୍ବେଲ ଆସିବାକୁ ଯାଉଛି । ଯାହା ପ୍ରଥମ ଭାଗ ରିଲିଜର 6 ବର୍ଷ ପରେ ରିଲିଜ ହେବ । ଏହି ସିକ୍ବେଲରେ ଶ୍ରଦ୍ଧା କପୁର, ରାଜକୁମାର ରାଓ ଏବଂ ପଙ୍କଜ ତ୍ରିପାଠୀ ଯଥାକ୍ରମେ ସ୍ତ୍ରୀ, ବିକି ଏବଂ ରୁଦ୍ରଙ୍କ ଭୂମିକାରେ ପୁଣି ଅଭିନୟ କରିବେ । ତେବେ ଭେଡ଼ିଆ ଫିଲ୍ମର ଠୁମକେଶ୍ବରୀ ଗୀତରେ ମଧ୍ୟ ସ୍ତ୍ରୀଙ୍କ ଚରିତ୍ର ଦେଖିବାକୁ ମିଳିଥିଲା ।

ସେହିପରି 'ସ୍ତ୍ରୀ-୨' ପରେ 'ଭେଡିଆ-୨' ରିଲିଜ ହେବ । ଭେଡିଆର ପ୍ରଥମ ଭାଗ ଭଳି ଦ୍ବିତୀୟ ଭାଗରେ ମଧ୍ୟ ବଲିଉଡ ଅଭିନେତା ବରୁଣ ଧୱନ ଏବଂ ଅଭିନେତ୍ରୀ କ୍ରିତି ସାନନ୍ ପୁଣି ଭାସ୍କର ଏବଂ ଡକ୍ଟର ଅଙ୍କିତାଙ୍କ ଭୂମିକାରେ ଅଭିନୟ କରିବେ । ତେବେ ଏହି ଫିଲ୍ମ 2025ରେ ମୁକ୍ତିଲାଭ କରିବ । ଆରଆଇଏଲ ମିଡିଆ ଏଣ୍ଡ କଣ୍ଟେଣ୍ଟ ବିଜନେସ ମୁଖ୍ୟ ଜ୍ୟୋତି ଦେଶପାଣ୍ଡେ ସ୍ଲେଟକୁ ନେଇ କହିଛନ୍ତି ଯେ, “ଆମେ ଭାରତୀୟ ମନୋରଞ୍ଜନର ସବୁଠାରୁ ଆକର୍ଷଣୀୟ ତଥା ଇଭେଣ୍ଟପୂର୍ଣ୍ଣ ଫେଜରେ ରହିଛୁ । ଯେଉଁଠି ଡିଜିଟାଲ ଯୁଗରେ କାହାଣୀ କହିବା କେନ୍ଦ୍ର ପର୍ଯ୍ୟାୟରେ ଅଛି । ପାଞ୍ଚ ବର୍ଷ ପୂର୍ବେ ଜିଓ ଷ୍ଟୁଡିଓସ୍ ଆରମ୍ଭରୁ ଲୋକଙ୍କୁ ମନୋରଞ୍ଜନ କରାଇବାରେ ବେଶ କଠିନ ପରିଶ୍ରମ କରିଛି । ଯାହା ଆଜି ପର୍ଯ୍ୟନ୍ତ ଜାରି ରହିଛି ।

ସେ ଆହୁରି ମଧ୍ୟ କହିଛନ୍ତି, 'ଆମେ ଭାରତରୁ ଆସିଥିବା ପ୍ରତ୍ୟେକ କାହାଣୀକୁ ଦୃଷ୍ଟି ଦେଉଛୁ । ଏବଂ ଆମେ ପ୍ରତ୍ୟେକ ଭାରତୀୟ ଭାଷାରେ ଏହି କାହାଣୀ ଗୁଡ଼ିକୁ ପ୍ରସ୍ତୁତ କରି ଲୋକଲୋଚନକୁ ଆଣିଥାଉ । ଏଥିସହ ଏହି କାହାଣୀଗୁଡିକୁ ମେକ୍ ଇନ୍ ଇଣ୍ଡିଆ ଏବଂ ସାରା ବିଶ୍ବକୁ ଦେଖାଇବା ଆମର ମିଶନ୍ ଅଟେ । ଯାହା କେବଳ ମନୋରଞ୍ଜନ କରାଏନାହିଁ ବରଂ ଲୋକଙ୍କୁ କିଛି ଶିକ୍ଷା ମଧ୍ୟ ପ୍ରଦାନ କରିଥାଏ।