ମୁମ୍ବାଇ: ବିଗ୍ବସ୍ ଇତିହାସରେ ପ୍ରଥମ । ବିଗ୍ବସ୍ ଓଟିଟି ସିଜିନ-2ର ଟ୍ରଫି ହାତେଇଲେ ଓ୍ବାଇଲ୍ଡ କାର୍ଡ ପ୍ରତିଯୋଗୀ। ୟୁଟ୍ୟୁବର ଏଲଭିସ ଯାଦବ ବିଗବସ ଓଟିଟି ସିଜିନ ଟୁର ବିଜେତା ହୋଇଛନ୍ତି। ଟ୍ରଫି ସାଙ୍ଗକୁ ତାଙ୍କୁ 25 ଲକ୍ଷ ଟଙ୍କାର ପୁରସ୍କାର ରାଶି ମଧ୍ୟ ପ୍ରଦାନ କରାଯାଇଛି । ସେହିପରି ପ୍ରଥମ ରନର୍ସ ଅପ୍ ହୋଇଛନ୍ତି ୟୁଟ୍ୟୁବର ଅଭିଷେକ ମଲାନ ଓ ଦ୍ବିତୀୟ ରନର୍ସ ଅପ ହୋଇଛନ୍ତି ସୋସିଆଲ ମିଡିଆ ଇନଫ୍ଲ୍ୟୁଏନ୍ସର ମନିଶା ରାନୀ । ଲଗାତାର 2 ମାସ ଧରି ଜିଓ ସିନେମାରେ ବିଗବସ ଓଟିଟି ସିଜିନ-2 ପ୍ରସାରିତ ହେବା ପରେ ଗତକାଲି ଶେଷ ହୋଇଛି ।
ପ୍ରତି ସିଜିନରେ ବିଗବସ ଫାଇନାଲ ରବିବାର ହୋଇଥାଏ । କିନ୍ତୁ ଚଳିତ ଥର ପ୍ରଥମ ଥର ପାଇଁ ସୋମବାର ଫାଇନାଲ ଏପିସୋଡ ହୋଇଥିଲା । ବିଗ୍ବସ୍ ଓଟିଟି ସିଜିନ 2ରେ ଦୃଢ ପ୍ରତିଦ୍ବନ୍ଦିତା ଦେଖିବାକୁ ମିଳିଥିଲା । ଯଦି ଦେଖା ଯାଏ ସୋସିଆଲ ମିଡିଆ ଷ୍ଟାର୍ଙ୍କ କ୍ରେଜ୍ ଅଧିକ ରହିଥିଲା । ସେମାନଙ୍କ କଣ୍ଟେଣ୍ଟ୍ ଦର୍ଶକଙ୍କୁ ଅଧିକ ପସନ୍ଦ ଆସିଥିଲା । ନାମୀଦାମୀ ଟିଭି ଷ୍ଟାରଙ୍କୁ ପଛରେ ପକାଇ ଅଧିକ ଲୋକପ୍ରିୟତା ହାସଲ କରିଥିଲେ ସୋସିଆଲ ମିଡିଆ ଷ୍ଟାର । ବିଗ୍ବସ୍ ଓଟିଟି ସିଜିନ-2 ଜିଓ ସିନେମାରେ ବେଶ ଲୋକପ୍ରିୟତା ହାସଲ କରିଥିଲା । ତେଣୁ ଏହାକୁ ଅଧିକ 2 ସପ୍ତାହ ପର୍ଯ୍ୟନ୍ତ ବୃଦ୍ଧି କରାଯାଇଥିଲା । 4 ସପ୍ତାହ ଧରି ସୋ' ଚାଲିବା ପରେ ଓ୍ବାଇଲ୍ଡକାର୍ଡ ଏଣ୍ଟ୍ରି ହୋଇଥିଲା । ଏଲଭିସ୍ ଓ ଆଶିକା ବିଗ୍ବସ ହାଉସରେ ଓ୍ବାଇଲ୍ଡକାର୍ଡ ଭାବେ ଏଣ୍ଟ୍ରି କରିଥିଲେ। ଏଲଭିସଙ୍କ ବ୍ୟକ୍ତିତ୍ୱ ଦର୍ଶକଙ୍କୁ ବେସ ପସନ୍ଦ ଆସିଥିଲା ।
ଏହା ମଧ୍ୟ ପଢନ୍ତୁ-Bigg Boss OTT 2: ଫାଇନାଲ ପୂର୍ବରୁ ହସ୍ପିଟାଲରେ ଅଭିଷେକ ମାଲହାନ୍ ଭର୍ତ୍ତି, ଚିନ୍ତାରେ ଫ୍ୟାନ୍ସ
ସୋମବାର ରାତି 9ଟା ସମୟରେ ଆରମ୍ଭ ହୋଇଥିଲା ବିଗ୍ବସ୍ ଓଟିଟି ସିଜିନ-2ର ଫାଇନାଲ । ଟପ-5ରେ ରହିଥିଲେ, ପୂଜା ଭଟ୍ଟ, ବେବିକା, ମନିଶା , ଏଲଭିସ ଓ ଅଭିଶେକ । ଫାଇନଲ ପୂର୍ବରୁ ଅଭିଷେକ ହସ୍ପିଟାଲରେ ଆଡମିଟ ହୋଇଥିଲେ । ତେଣୁ କିଛି ସମୟ ପାଇଁ ତାଙ୍କୁ ଫାଇନାଲରେ ଦେଖିବାକୁ ମିଳିନଥିଲା । ସୋ'ର ମଧ୍ୟ ଭାଗରେ ସେ ହସ୍ପିଟାଲରୁ ସିଧା ବିଗ୍ବସ୍ ହାଉସକୁ ଆସିଥିଲେ । ରଙ୍ଗାରଙ୍ଗ କାର୍ଯ୍ୟକ୍ରମ ମଧ୍ୟ ଜାରି ରହିଥିଲା । ପ୍ରଥମେ ପୂଜା ଭଟ୍ଟ ବିଗ୍ବସ୍ ହାଉସ ବାହାରକୁ ଆସିଥିବା ବେଳେ ପରେ ବେବିକା ଓ ମନିଶା ବାହାରକୁ ଆସିଥିଲେ । ଏହାପରେ ଟପ 2ରେ ରହିଥିଲେ ଅଭିଷେକ ଓ ଏଲଭିସ । ଶେଷରେ ସଲମାନ ଖାନ ଟପ-2ଙ୍କୁ ବିଗବସ ହାଉସରୁ ବିଦାୟ ନେଇ ବାହରକୁ ଆସିବାକୁ କହିଥିଲେ । କିଛି ସମୟ ପରେ ବିଜେତାଙ୍କ ନାମ ଘୋଷଣା କରି ଏଲଭିସଙ୍କୁ ଟ୍ରଫି ଦେଇଥିଲେ ସୋ'ର ହୋଷ୍ଟ ସଲମାନ । ଚଳିତ ସିଜିନରେ ଏଲଭିସ, ଅଭିଷେକ ଓ ମନିଷାଙ୍କ ବନ୍ଧୁତ୍ବ ଦର୍ଶକଙ୍କୁ ବେଶ ପସନ୍ଦ ଆସିଥିଲା ।
