ହାଇଦ୍ରାବାଦ: ବଲିଉଡ ଅଭିନେତ୍ରୀ ଆଲିଆ ଭଟ୍ଟ ବର୍ତ୍ତମାନ 'ହାର୍ଟ ଅଫ୍ ଷ୍ଟୋନ' ସହ ହଲିଉଡରେ ଡେବ୍ୟୁ କରିଛନ୍ତି । ଅଗଷ୍ଟ 11ରେ ଏହି ଫିଲ୍ମ ନେଟଫ୍ଲିକ୍ସରେ ରିଲିଜ ହୋଇଥିଲା । ଏବେ ଅମୂଲ ଏକ ସ୍ୱତନ୍ତ୍ର ପୋଷ୍ଟର କରି ଆଲିଆ ଭଟ୍ଟଙ୍କ ଡେବ୍ୟୁ ନେଇ ସେଲିବ୍ରେସନ କରିଛି । ଅମୂଲ ଏଥର ଆଲିଆ ଭଟ୍ଟ ଏବଂ ଗାଲ ଗାଡୋର୍ଟଙ୍କ ଏକ କାର୍ଟୁନ୍ ପ୍ରସ୍ତୁତ କରି ଏହାକୁ ସୋସିଆଲ ମିଡିଆରେ ସେୟାର କରିଛି ।
ଅମୂଲ ସେୟାର କରିଥିବା ପୋଷ୍ଟରେ ଫିଲ୍ମର ଏକ ସିନ୍ ଦର୍ଶା ଯାଇଛି । ଫିଲ୍ମର ଏକ ସିନ୍ରେ ଆଲିଆ ଏବଂ ଗଲ ଗଡୋଟ ଆକାଶରୁ ମରୁଭୂମିରେ ପଡ଼ନ୍ତି ଏବଂ ପରେ ସେଠାରୁ କୌଣସି ମତେ ବାହାରି ଆସନ୍ତି । ଅମୂଲର ପୋଷ୍ଟରରେ ଫିଲ୍ମର ଏହି ସିନ୍ର ଝଲକ ଦେଖିବାକୁ ମିଳିଛି । ତେବେ ଅମୂଲ ସେୟାର କରିଥିବା କାର୍ଟୁନ ପୋଷ୍ଟ୍ରେ ଉଭୟ ସେଲଫି ନେଉଥିବାର ଦେଖିବାକୁ ମିଳିଛି । ଏହି ଚଳଚ୍ଚିତ୍ରରେ ଆଲିଆ ଭଟ୍ଟ ଏକ ସାଇଡ୍ ରୋଲରେ ନଜର ଆସିଥିବା ବେଳେ ତାଙ୍କ ଅଭିନୟକୁ ବେଶ ପସନ୍ଦ କରିଛନ୍ତି ଫ୍ୟାନ୍ସ ।
ଅମୂଲ ନିଜ ଇନ୍ଷ୍ଟାଗ୍ରାମରେ ଏହି ସ୍ବତନ୍ତ୍ର ପୋଷ୍ଟ ସେୟାର କରିଛି । ପୋଷ୍ଟ୍ରେ ଆଲିଆଙ୍କୁ ୱାଣ୍ଡର ୱିମେନ୍ ଭାବେ ଦର୍ଶା ଯାଇଛି । ବାସ୍ତବରେ ଗଲ୍ ଗଡୋଟ ଡିସିର ଏକ୍ସେଣ୍ଡେଡ ୟୁନିଭର୍ସରେ ୱାଣ୍ଡର୍ ୱିମ୍ୟାନ୍ ଭୂମିକାରେ ଅଭିନୟ କରିଛନ୍ତି । ଏହା ବ୍ୟତୀତ ହାର୍ଟ ଅଫ୍ ଷ୍ଟୋନ୍ ଫିଲ୍ମର ନାମ ମଧ୍ୟ ଏଥିରେ ବ୍ୟବହୃତ ହୋଇଛି । ଏଥିରେ ଅମୂଲ ହାର୍ଟ ଅଫ୍ ଟେଷ୍ଟ ଲେଖାଯାଇଛି । ନେଟଫ୍ଲିକ୍ସ ଇଣ୍ଡିଆ ଏହି ପୋଷ୍ଟରକୁ ନିଜ ଇନ୍ଷ୍ଟାଗ୍ରାମ ଷ୍ଟୋରୀରେ ସେୟାର କରି ଲେଖିଛି, "ଦୁଇ ଜଣ ଦମଦାର ବ୍ୟକ୍ତିତ୍ୱ ଯେଉଁମାନେ ଆମ ହାର୍ଟକୁ ତରଳାଇଛନ୍ତି ।"
ଫିଲ୍ମ ବିଷୟରେ କହିବାକୁ ଗଲେ ଆଲିଆ ଭଟ୍ଟ ଏବଂ ଗଲ ଗଡୋଟଙ୍କ ଏହି ଫିଲ୍ମ ଆଶାନୁରୂପ ରିଭ୍ୟୁ ପାଇ ପାରିନି । ଏହି ଚଳଚ୍ଚିତ୍ରକୁ ଟମ ହାପର୍ ନିର୍ଦ୍ଦେଶନା ଦେଇଛନ୍ତି ଏବଂ ଜୈମି ଡର୍ନାନ୍ ମଧ୍ୟ ଏଥିରେ ଅଭିନୟ କରିଛନ୍ତି । ଆଲିଆ ଭଟ୍ଟ ତାଙ୍କ ହଲିଉଡ ଡେବ୍ୟୁ ସହିତ ବିଶେଷ କିଛି କମାଲ କରି ପାରିନାହାଁନ୍ତି । ଏଥି ସହିତ ଅନେକ ଚଳଚ୍ଚିତ୍ର ସମୀକ୍ଷକ ଏହି ଫିଲ୍ମକୁ ମାତ୍ର 2ରୁ 2.50 ଷ୍ଟାର୍ ଦେଇଛନ୍ତି । କେବଳ ଏତିକି ନୁହେଁ, ଏହି ସିରିଜକୁ ପ୍ରିୟଙ୍କା ଚୋପ୍ରାଙ୍କ ପୂର୍ବ ରିଲିଜ୍ ସିରିଜ୍ 'ସିଟାଡେଲ୍'ର ଏକ କପି ମଧ୍ୟ କୁହାଯାଉଛି ।
ଏହା ମଧ୍ୟ ପଢନ୍ତୁ: ହଲିଉଡ ଡେବ୍ୟୁ ଫିଲ୍ମରେ ଚାଲିଲାନି ଆଲିଆ ଭଟ୍ଟଙ୍କ ଯାଦୁ
ସୂଚନା ଥାଉ କି, ନିକଟରେ ଆଲିଆ ଭଟ୍ଟ "ରକି ଔର ରାନୀ କି ପ୍ରେମ କାହାଣୀ"ରେ ଅଭିନୟ କରିଥିଲେ । ଫ୍ୟାନ୍ସ ଫିଲ୍ମରେ ରାନୀଙ୍କ ଚରିତ୍ରକୁ ପସନ୍ଦ କରିଥିଲେ ଏବଂ ଫିଲ୍ମ ବକ୍ସ ଅଫିସରେ ମଧ୍ୟ ଦମଦାର କଲେକ୍ସନ୍ କରିଥିଲା । ରବିବାର "ରକି ଔର ରାନୀ କି ପ୍ରେମ କାହାଣୀ" 4 କୋଟି ଟଙ୍କାରୁ ଅଧିକ ବ୍ୟବସାୟ କରିଥିଲା ।
