ହାଇଦ୍ରାବାଦ: ବଲିଉଡ ଅଭିନେତା ଅନୀଲ କପୁରଙ୍କ ଇନଷ୍ଟାଗ୍ରାମରେ ସେୟାର ହୋଇଥିବା ସମସ୍ତ ପୋଷ୍ଟ ସହ ଡିସପ୍ଲେ ଫଟୋ ଡିଲିଟ ହୋଇଛି । ଏନେଇ ଅନିଲ କପୁରଙ୍କ ଝିଅ ତଥା ଅଭିନେତ୍ରୀ ସୋନମ କପୁରଙ୍କ ଆଶ୍ଚର୍ଯ୍ୟଜନକ ପ୍ରତିକ୍ରିୟା ସୋସିଆଲ ମିଡିଆରେ ସାମ୍ନାକୁ ଆସିଛି । ଏହା ପରେ ଫ୍ୟାନ୍ସ ମଧ୍ୟ ଏହା ଦେଖି ଆଶ୍ଚର୍ଯ୍ୟ ହୋଇଛନ୍ତି । ଏପରି ପୋଷ୍ଟ ଡିଲିଟ ନେଇ ଅନେକ ମିଷ୍ଟର ଇଣ୍ଡିଆ ସହ ସଂଯୋଗ କରି ମିଷ୍ଟର ଇଣ୍ଡିଆ ୨ ଆସିବା ନେଇ ଚର୍ଚ୍ଚା ଜୋର ଧରିଛି ।
ମିଡିଆ ରିପୋର୍ଟ ଅନୁସାରେ, ଅନୀଲ କପୁରଙ୍କ ସୋସିଆଲ ମିଡିଆ ଗାଏବ ହେବା ୧୯୮୭ର ମିଷ୍ଟର ଇଣ୍ଡିଆରେ ସେ ଅଭିନୟ କରିଥିବା ଭୂମିକା ସହ ଜଡିତ କରାଯାଇଛି । ଏବଂ ଏହାର ସିକ୍ବେଲ ଆସିବା ନେଇ କଳ୍ପନାଜଳ୍ପନା କରୁଛନ୍ତି । ମିଷ୍ଟର ଇଣ୍ଡିଆ ଓରଫ ଅନୀଲ କପୁରଙ୍କ ପାଖରେ ଅଦୃଶ୍ୟ ହେବାର ଶକ୍ତି ଥିଲା । ତେବେ ଏହି ପଦକ୍ଷେପ ତାଙ୍କ ଚରିତ୍ରର ଦକ୍ଷତାର ଏହାର ସିକ୍ବେଲରେ ଉପସ୍ଥାପନା ଭାବେ ଦେଖାଇବେ ବୋଲି କୁହାଯାଉଛି । କିନ୍ତୁ ଏହି ପ୍ରସଙ୍ଗରେ ଅର୍ଥାତ୍ ଫିଲ୍ମର ସିକ୍ବେଲ ନେଇ ମିଷ୍ଟର ଇଣ୍ଡିଆ ଫିଲ୍ମ ନିର୍ମାତା ବୋନି କପୁର ଏବଂ ଅଭିନେତା ଅନୀଲ କପୁର କୌଣସି ପ୍ରତିକ୍ରିୟା ଦେଇନାହାନ୍ତି । ପ୍ରକାଶ ଥାଉ କି, 1987 ରେ ମିଷ୍ଟର ଇଣ୍ଡିଆ ମୁକ୍ତିଲାଭ କରିଥିଲା । ଏଥିରେ ସ୍ୱର୍ଗତା ଅଭିନେତ୍ରୀ ଶ୍ରୀଦେବୀ ଜଣେ ସାମ୍ବାଦିକ ଭୂମିକାରେ ଅଭିନୟ କରିଥିଲେ । ଫିଲ୍ମରେ ଶ୍ରୀଦେବୀ ଏବଂ ଅନୀଲଙ୍କ ଅଭିନୟକୁ ବେଶ ପ୍ରଶଂସା କରାଯିବା ସହ ଫିଲ୍ମଟି ବେଶ ଲୋକପ୍ରିୟତା ହାସଲ କରିଥିଲା ।
ସେପଟେ ଅନୀଲ କପୁରଙ୍କ ଝିଅ ସୋନମ କପୁର ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ବାପାଙ୍କ ଖାଲି ଇନଷ୍ଟାଗ୍ରାମ ଆକାଉଣ୍ଟର ସ୍କ୍ରିନସଟ ସେୟାର କରି କ୍ୟାପସନରେ "ବାପା !! ??" ବୋଲି ଲେଖି କ୍ୟାପସନ କରି ଆଶ୍ଚର୍ଯ୍ୟ ପ୍ରକଟ କରିଛନ୍ତି । ସେପଟେ ଅନେକ ଫ୍ୟାନ୍ସ ମଧ୍ୟ ଏହାକୁ ଦେଖି ଚକିତ ହୋଇଛନ୍ତି । ସୂଚନା ଥାଉ କି, ଅନୀଲ କପୁରଙ୍କ ଇନଷ୍ଟାଗ୍ରାମ ଆକାଉଣ୍ଟରେ 5.8 ମିଲିୟନ ଫୋଲର୍ସ ଅଛନ୍ତି ।
ଏହା ମଧ୍ୟ ପଢନ୍ତୁ: ମୋଶନ ପୋଷ୍ଟର ଆଉଟ୍, ପାଇଲଟ୍ ଭୂମିକାରେ ଅନୀଲ କପୁର, ଦୀପିକା ଓ ହ୍ରିତିକ
ଅନୀଲ କପୁରଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ତାଙ୍କୁ ନିକଟରେ ରିଲଜ ହୋଇଥିବା ଫିଲ୍ମ 'ଥ୍ୟାଙ୍କ ୟୁ ଫର କମିଙ୍ଗ' ରେ ଦେଖିବାକୁ ମିଳିଛି। ଅନିଲ କପୁରଙ୍କ ଆଗାମୀ ସନ୍ଦୀପ ଭଙ୍ଗା ରେଡ୍ଡୀ ଫିଲ୍ମ 'ଆନିମଲ' ମଧ୍ୟ ଡିସେମ୍ବର ୨ ରେ ରିଲିଜ ହେବାକୁ ପ୍ରସ୍ତୁତ। ଫିଲ୍ମରେ ଅନୀଲ କପୁରଙ୍କ ସହ ରଣବୀର କପୁର ଏବଂ ରଶ୍ମିକା ମନ୍ଦନା ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ଏହାସହ ଅଭିନେତା ସିଦ୍ଧାର୍ଥ ଆନନ୍ଦଙ୍କ ନିର୍ଦ୍ଦେଶିତ ଫିଲ୍ମ 'ଫାଇଟର୍' ରେ ମଧ୍ୟ ନଜର ଆସିବେ। ଚଳଚ୍ଚିତ୍ର ଅଭିନେତାଙ୍କ ସହ ହ୍ରିତିକ ରୋଶନ ଏବଂ ଦୀପିକା ପାଦୁକୋନଙ୍କୁ ମଧ୍ୟ ଦେଖିବାକୁ ମିଳିବ ।
