ହାଇଦ୍ରାବାଦ: ବଲିଉଡର ବାଦଶାହଙ୍କ ପତ୍ନୀ ଗୌରୀ ଖାନ ଏବଂ କିଙ୍ଗ ଖାନ ଶାହାରୁଖ ସୋସିଆଲ ମିଡିଆରେ ଏକ ସୁନ୍ଦର ପୋଷ୍ଟ ସେୟାର କରିଛନ୍ତି। ଗୌରୀ ଖାନ ମଧ୍ୟ ଏହି ପୋଷ୍ଟରେ ଦୁଇଟି ସୁନ୍ଦର ଫଟୋ ସେୟାର କରିଛନ୍ତି । ଏହି ଫଟୋଗୁଡ଼ିକ ମଧ୍ୟରୁ ଗୋଟିଏ ହେଉଛି ସୁହାନା ଖାନଙ୍କର । ଗୌରୀ ଖାନ ଏହି ପୋଷ୍ଟ ମାଧ୍ୟମରେ ଜଣାଇବାକୁ ଚେଷ୍ଟା କରିଛନ୍ତି, କେମିତି ତାଙ୍କ ଲାଡଲି ଝିଅ ସୁହାନା ମାତୃ ଦିବସ ଶୁଭେଚ୍ଛା ପଠାଇଛନ୍ତି ।
ଇଣ୍ଟେରିୟର ଡିଜାଇନର୍ ଗୌରୀ ଖାନ୍ ସୋସିଆଲ୍ ମିଡିଆରେ ପ୍ରାୟତଃ ସକ୍ରିୟ ଥାଆନ୍ତି । ସେ ତାଙ୍କ ଇନଷ୍ଟା ଓ୍ବାଲରେ କାମ ସହିତ ଜଡିତ ଭିଡିଓ ଏବଂ ଫଟୋ ସେୟାର କରନ୍ତି । ମାତୃ ଦିବସ ପରଦିନ ଅର୍ଥାତ ଆଜି ଗୌରୀ ଖାନଙ୍କ ଏହି ପୋଷ୍ଟ ଲାଇମଲାଇଟକୁ ଆସିଛି । ଗୌରୀ ଖାନ ଝିଅ ସୁହାନାର ଫଟୋ ସହିତ ଅନ୍ୟ ଏକ ଫଟୋ ସେୟାର କରିଛନ୍ତି, ଯେଉଁଥିରେ ସୁହାନା ଖାନ ତାଙ୍କୁ ମାତୃ ଦିବସରେ ଅଭିନନ୍ଦନ ଜଣାଇଛନ୍ତି ।
ଗୌରୀ ଖାନ ଏହି ଫଟୋଗୁଡ଼ିକୁ ସେୟାର କରି ସୁହାନା ଖାନଙ୍କ ନାଁ ସହିତ ଏକ ହୃଦୟ ଇମୋଜି ସେୟାର କରିଛନ୍ତି । ଗୌରୀ ଖାନଙ୍କ ଏହି ସୁନ୍ଦର ପୋଷ୍ଟରେ ଜାହ୍ନବୀ କପୁରଙ୍କ ସାନ ଭଉଣୀ ଖୁସୀ କପୁର, ଅମିତାଭ ବଚ୍ଚନଙ୍କ ଝିଅ ଶ୍ୱେତା ବଚ୍ଚନଙ୍କ ପୁଅ ଅଗସ୍ତ୍ୟ ନନ୍ଦା ଜୋୟା ଅଖତରଙ୍କ ସମେତ ଅନେକ ତାରକା ମନ୍ତବ୍ୟ ଦେଇଛନ୍ତି।
ସୂଚନାଯୋଗ୍ୟ ଯେ, ଜୋୟା ଅଖତରଙ୍କ ଫିଲ୍ମ ପାଇଁ ସୁହାନା ଖାନ ଏବଂ ଅଗସ୍ତ୍ୟଙ୍କୁ ସୁଟିଂ ସ୍ଥାନରେ ଦେଖିବାକୁ ମିଳିଥିଲା । ଅଭିନେତା ଫରହାନ ଅଖତରଙ୍କ ଭଉଣୀ ଜୋୟା ଅଖତର ଅଭିନେତା ଶାହରୁଖ ଖାନଙ୍କ ଝିଅ ସୁହାନା ଖାନ ଏବଂ ଅମିତାଭ ବଚ୍ଚନଙ୍କ ନାତୁଣୀ ଅଗସ୍ତ୍ୟଙ୍କୁ ଏକାଠି ନେଇ ଫିଲ୍ମ ଲଞ୍ଚ କରୁଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
