ହାଇଦ୍ରାବାଦ: ବଲିଉଡ ଅଭିନେତ୍ରୀ ଶ୍ରଦ୍ଧା କପୁର ନିଜର କ୍ୟୁଟନେସ ଏବଂ ଫିଟନେସ ପାଇଁ ବେଶ ଜଣାଶୁଣା । ତାଙ୍କର କ୍ୟୁଟନେସ ପ୍ରଶଂସକମାନଙ୍କୁ ପାଗଳ କରିଦିଏ । ଶ୍ରଦ୍ଧା ତାଙ୍କ ଫ୍ୟାନ୍ସଙ୍କୁ ଅନେକ ସମୟରେ ଭେଟିଥାଆନ୍ତି । ତେବେ ନିକଟରେ ଶ୍ରଦ୍ଧାଙ୍କୁ ବିମାନବନ୍ଦରରେ ଦେଖିବାକୁ ମିଳିଥିଲା । ଏହି ସମୟରେ ତାଙ୍କୁ ଦେଖି ଜଣେ ପ୍ରଶଂସକ ତାଙ୍କୁ ପ୍ରପୋଜ କରିଥିଲେ । ତାଙ୍କର ଏହି ପ୍ରଶଂସକ ଶ୍ରଦ୍ଧାଙ୍କୁ ବିମାନବନ୍ଦରରେ ପୁଷ୍ପଗୁଚ୍ଛ ନେଇ ଭେଟିବାକୁ ଆସିଥିଲେ । ଶ୍ରଦ୍ଧାଙ୍କ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି, ଲୋକମାନେ ଏହି ଭିଡିଓରେ ବେଶ୍ କମେଣ୍ଟ କରୁଛନ୍ତି ।
ବିମାନବନ୍ଦରରେ ଶ୍ରଦ୍ଧା କପୁରଙ୍କୁ ହ୍ୱାଇଟ୍ ହଟ୍ ପ୍ୟାଣ୍ଟ୍ ଏବଂ ହ୍ୱାଇଟ୍ ଫୁଲ୍ ସ୍ଲିଭ୍ ଟପ୍ ପିନ୍ଧିଥିବାର ନଜର ଆସିଥିଲେ । ସେ ଏହି ଲୁକ୍ରେ ଖୁବ ସୁନ୍ଦର ଦେଖାଯାଉଥିଲେ । ଏହି ସମୟରେ ଜଣେ ପ୍ରଶଂସକ ବିମାନବନ୍ଦରରେ ତାଙ୍କୁ ଭେଟିବା ସହ ଶ୍ରଦ୍ଧାଙ୍କୁ ପୁଷ୍ପଗୁଚ୍ଛ ଦେଇ ଆଣ୍ଠୁ ମାଡି ବସି ପ୍ରପୋଜ କରିଥିଲେ । ଶ୍ରଦ୍ଧା ମଧ୍ୟ ତାଙ୍କ ଉପହାରକୁ ଗ୍ରହଣ କରି ସେହି ଫ୍ୟାନ୍ସଙ୍କ ସହ ଫଟୋ ଉଠାଇଥିଲେ । ତେବେ ଏହି ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।
ଏହା ମଧ୍ୟ ପଢନ୍ତୁ: ହରର କମେଡି ଫିଲ୍ମ ସ୍ତ୍ରୀ-2ର ସୁଟିଂ ଆରମ୍ଭ, ଏହି ଦିନ ରିଲିଜ ହେବ ଫିଲ୍ମ
ଭାଇରାଲ ଭିଡିଓକୁ ଏହାକୁ ଅନେକ ଲାଇକ କରିବା ସହ ପ୍ରତିକ୍ରିୟା ଦେଇଛନ୍ତି । ଜଣେ ଲେଖିଛନ୍ତି, ଆରେ, ଏହି ଲପୁ ଜିଙ୍ଗୁ ପରି ବାଳକ ସଚିନ୍ କେଉଁଠାରୁ ଆସିଛ ? ଅନ୍ୟଟି ଲେଖିଛନ୍ତି, ଶ୍ରଦ୍ଧା ଏତେ ନମ୍ର ଏବଂ ଫିଟ୍ । ଆଉ ଜଣେ ଲେଖିଛନ୍ତି, ମୋର ଅଧା ଗାର୍ଲଫ୍ରେଣ୍ଡ ହୋଇଯାଅ । ଅନ୍ୟ ଜଣେ ଲେଖିଛନ୍ତି- ସ୍କୁଲ ଯାଇ ପାଠ ପଢ ଭାଇ, ଏତେ କମ୍ ବୟସରେ ସେ ସେଲିବ୍ରିଟିକୁ ପ୍ରପୋଜ କରୁଛ ।
ଇଣ୍ଡଷ୍ଟ୍ରିରେ 13 ବର୍ଷ ପୂରଣ କରିଥିବା ଏହି ଅଭିନେତ୍ରୀଙ୍କ ଦେଶରେ ଅନେକ ଫ୍ୟାନ୍ସ ରହିଛନ୍ତି । ଏବଂ ଇନ୍ଷ୍ଟାଗ୍ରାମରେ ଶ୍ରଦ୍ଧାଙ୍କ 81.8 ମିଲିୟନ ଫୋଲର୍ସ ରହିଛନ୍ତି । ସେପଟେ ଶ୍ରଦ୍ଧାଙ୍କ ୱାର୍କଫ୍ରଣ୍ଟ କଥା କହିବାକୁ ଗଲେ, ଶ୍ରଦ୍ଧାଙ୍କୁ ଶେଷ ଥର ପାଇଁ ଲଭ ର଼ଞ୍ଜନଙ୍କ ନିର୍ଦ୍ଦେଶିତ ଫିଲ୍ମ 'ତୁ ଝୁଟି ମେ ମକାର'ରେ ରଣବୀର କପୁରଙ୍କ ସହ ଦେଖିବାକୁ ମିଳିଥିଲା । ଏହି ଫିଲ୍ମ ବକ୍ସ ଅଫିସରେ ଅଧିକ ଆୟ କରିବା ସହ ଲୋକପ୍ରିୟତା ହାସଲ କରିଥିଲା। ତେବେ ଆଗାମୀ ଫିଲ୍ମ ସ୍ତ୍ରୀର ସିକ୍ୱେଲରେ ଶ୍ରଦ୍ଧାଙ୍କୁ ଦେଖିବାକୁ ମିଳିବ । ସେ ରାଜକୁମାର ରାଓଙ୍କ ସହ ପୁଣି ସ୍ତ୍ରୀ-2ରେ ଧମାକା କରିବେ ।
