ହାଇଦ୍ରାବାଦ୍: ତାମିଲ ସୁପରଷ୍ଟାର ଅଜିତ କୁମାରଙ୍କ ଘର କାନ୍ଥ ଭାଙ୍ଗିଲା ପ୍ରଶାସନ । ସ୍ଥାନୀୟ ଅଞ୍ଚଳରେ ଟ୍ରାଫିକ ଓ ଡ୍ରେନେଜ ସମସ୍ୟା ଉପୁଜିବା କାରଣରୁ ରାସ୍ତା ସମ୍ପ୍ରସାରଣ ପାଇଁ ମହାନଗର ନଗମ ଭାଙ୍ଗିଛି ସୁପରଷ୍ଟାର ଅଜିତଙ୍କ ଘର କାନ୍ଥ । ତେବେ କିଛି ସମୟ ପୂର୍ବରୁ ଅଜିତ କୁମାର ତାଙ୍କ ପରିବାର ସହ ଚେନ୍ନାଇର ଇଞ୍ଜାମବାକ୍କାମକୁ ସିଫ୍ଟ କରିଥିଲେ । ହେଲେ ଏବେ ଇଞ୍ଜାମବାକ୍କାମରେ ଅଭିନେତା ବିଭିନ୍ନ ସମସ୍ୟାର ସମ୍ମୁଖୀନ ହୋଇଛନ୍ତି । ଇଞ୍ଜାମବାକ୍କାମରେ ରାସ୍ତାର ସମ୍ପ୍ରସାରଣ ଏବଂ ନୂତନ ଡ୍ରେନେଜ କାମ ପାଇଁ ଅଭିନେତାଙ୍କ ଘରର କାନ୍ଥର ଏକ ଅଂଶ ଭାଙ୍ଗି ଦିଆଯାଇଛି । ରାସ୍ତାକୁ ପ୍ରସସ୍ତିକରଣ କରିବା ପାଇଁ ଏପରି କାର୍ଯ୍ୟନୁଷ୍ଠାନ ଗ୍ରହଣ କରାଯାଇଥିବା ମହାନିଗମ ପକ୍ଷରୁ ସୂଚନା ଦିଆଯାଇଛି ।
ତେବେ 2017 ମିସିହାରେ ଅଜିତ ତାଙ୍କ ଇଞ୍ଜାମବାକ୍କାମରେ ଥିବା ଘରକୁ ରିଡେକୋରେଟ କରିଥିଲେ । କଣ୍ଟେପ୍ରାରୀ ଷ୍ଟାଇଲରେ ଘରକୁ ନିର୍ମାଣ କରିବା ପାଇଁ ଏକ ଇଣ୍ଟେରିୟର ଡିଜାଇନରଙ୍କୁ ନିଯୁକ୍ତି କରିଥିଲେ । ଘରକାମ ସମୟରେ ଅଜିତ ଅସ୍ଥାୟୀ ଭାବରେ ତାଙ୍କ ପରିବାର ସହ ଏକ ଭଡା ଘରେ ରହୁଥିଲେ । ତେବେ ଏହି ଆଲିସାନ ଘରେ ତାଙ୍କ ପୁଅଙ୍କ ଅଭ୍ୟାସ ଓ ନୃତ୍ୟ ପାଇଁ ଏକ ସ୍ବତନ୍ତ୍ର ରୁମ୍ ନିର୍ମାଣ କରିଥିଲେ ଅଜିତ ।
ଏହା ମଧ୍ୟ ପଢନ୍ତୁ...ତାରା ସୁତାରିଆଙ୍କୁ ଡେଟ୍ କରୁଛନ୍ତି କାର୍ତ୍ତିକ ଆର୍ଯ୍ୟନ ! ଡିନର ଡେଟରେ ଆସିଲେ ନଜର
ଅଜିତ କୁମାର ତାମିଲ ଇଣ୍ଡଷ୍ଟ୍ରିର ସୁପରଷ୍ଟାର ହୋଇଥିବା ବେଳେ ତାଙ୍କ ଜୀବନ ଶୈଳୀକୁ ସବୁବେଳେ ଚର୍ଚ୍ଚାରେ ରହିଥାନ୍ତି । ସେ ବର୍ଷକୁ ମାତ୍ର ଗୋଟିଏ ଫିଲ୍ମ କରୁଥିବା ବେଳେ ତାଙ୍କ ସବୁ ଫିଲ୍ମ ବକ୍ସ ଅଫିସରେ ବେଶ ଭଲ କଲେକ୍ସନ କରିଥାଏ । ଏହାସହ ଏହା ଫ୍ୟାନ୍ସ ଓ କ୍ରିଟିକ୍ସଙ୍କ ଠାରୁ ମଧ୍ୟ ବେଶ ପ୍ରଶଂସା ସାଉଁଟି ଥାଏ । ଅଜିତଙ୍କ ନୂଆ ଫିଲ୍ମ ‘ଥିନିଭୁ’ ଜାନୁଆରୀରେ ରିଲିଜ ହେବ । ସେ ନିଜ ଫିଲ୍ମ ଜୀବନକୁ କିଛି ସମୟର ବ୍ରେକ୍ ନେବା ପାଇଁ ବାଇକ୍ ଟୁର କରିବା ପାଇଁ ପସନ୍ଦ କରିଥାନ୍ତି । ତେବେ ତାଙ୍କ ଆଗାମୀ ଫିଲ୍ମ ମଧ୍ୟରେ ‘ବିଦ୍ୟୁତଥଲାଇ’ ବଡ ପରଦାରେ ଆସିବ, ଯାହା ମଗିଜ ଥିରୁମେନିଙ୍କ ଦ୍ବାରା ନିର୍ଦ୍ଦେଶିତ । ତେବେ ଏବର୍ଷ ଅଜିତଙ୍କ ପରିବାର ଏକ ଦୁଃଖଦ ସମୟ ଦେଇ ଗତି କରିଥିଲା । ଏହି ବର୍ଷ ଅଜିତଙ୍କ ପତା ପି. ସୁଭ୍ରମନିୟମ ମାନିଙ୍କ ବାର୍ଦ୍ଧକ୍ୟ ଜନିତ ସମସ୍ଯା କାରଣରୁ ପରଲୋକ ଘଟିଥିଲା । ଏହି ଘଟଣାରେ ପୁର ପରିବାର ଭାଙ୍ଗି ପଡିଥିଲା । ଏବେ ପୁଣି ପ୍ରଶାସନ ପାଇଁ ସମସ୍ୟାରେ ଅଜିତଙ୍କ ପରିବାର ।
ବ୍ୟୁରୋ ରିପୋର୍ଟ, ଇଟିଭି ଭାରତ
