ମୁମ୍ବାଇ: ସରିଲା ଅଭିନେତ୍ରୀ ତୁନିଷା ଶର୍ମା (Tunisha Sharma Death)ଙ୍କ ଅନ୍ତିମ ସଂସ୍କାର । ତୁନିଷାଙ୍କ ମୃତ୍ୟୁକୁ ୩ ଦିନ ବିତିଯାଇଥିଲେ ସୁଦ୍ଧା ଆଜି ତାଙ୍କର ଅନ୍ତିମ ସଂସ୍କାର କରାଯାଇଛି (Tunisha Sharma cremated) । ମୁମ୍ବାଇର ମୀରା ରୋଡ ସ୍ଥିତ ଗୋଦେବ ଶଶ୍ମାନରେ ୩ଟା ବେଳେ ତାଙ୍କର ଅନ୍ତିମ ସଂସ୍କାର ହୋଇଥିଲା । ତୁନିଷା ଆତ୍ମହତ୍ୟା ଜନିତ ମାମଲାରେ ପୋଲିସ ସବୁ ଦିଗରୁ ଯାଞ୍ଚ କରୁଛି । ତୁନିଷା ଆତ୍ମହତ୍ୟା ଜନିତ ମାମଲାରୁ ପ୍ରତିଦିନ ନୂଆ ଅପଡେଟ୍ ସାମ୍ନାକୁ ଆସୁଛି । ଅଭିନେତ୍ରୀଙ୍କ ମା’ଙ୍କ ଅଭିଯୋଗ ପରେ ତୁନିଷାଙ୍କ ସହ-ଅଭିନେତା ଶିଜାନ ଖାନଙ୍କୁ ଗିରଫ କରାଯାଇଛି। ଆଜି ଅନ୍ତିମ ସଂସ୍କାର ବେଳେ ସାଥୀ କଳାକାରଙ୍କ ସମେତ ପରିବାର ବର୍ଗ ଅଶ୍ରୁଳ ବିଦାୟ ଦେଇଛନ୍ତି ।
ଅନ୍ତିମ ସଂସ୍କାର ସମୟରେ ଝିଅକୁ ଏପରି ଅବସ୍ଥାରେ ଦେଖି ତାଙ୍କ ମାଆ ଚେତାଶୂନ୍ୟ ହୋଇପଡ଼ିଥିଲେ । ସେପଟେ ତୁନିଷାଙ୍କ ବଏଫ୍ରେଣ୍ଡ ଶିଜାନ ଖାନଙ୍କ ପରିବାର ମଧ୍ୟ ଏହି ଶେଷକୃତ୍ୟ କାର୍ଯ୍ୟକ୍ରମରେ ଯୋଗଦେଇଥିଲେ । ଶିଜାନଙ୍କ ଭଉଣୀ ଫଲକ ନାଜ ତୁନିଷାଙ୍କ ଘନିଷ୍ଠ ଥିଲେ । ସେ ନିଜର ବନ୍ଧୁର ମୃତ୍ୟୁକୁ ସହଜରେ ଗ୍ରହଣ କରିପାରିନଥିବା ବେଳେ ଖୁବ ଜୋରରେ କାନ୍ଦୁଥିବା ଦେଖିବାକୁ ମିଳିଥିଲା । ସେପଟେ ଟେଲି ଜଗତର ଅନେକ ଲୋକପ୍ରିୟ କଳାକାର ତୁନିଷାଙ୍କ ଅନ୍ତିମ ସଂସ୍କାର ବେଳେ ଉପସ୍ଥିତ ଥିଲେ । ସେପଟେ ତୁନିଷାଙ୍କ ମୃତ୍ୟୁ ପରର ଏକ ଭିଡ଼ିଓ ଭାଇରାଲ ହେବାରେ ଲାଗିଛି । ଏଥିରେ ତୁନିଷାଙ୍କ ସହିତ ବଏଫ୍ରେଣ୍ଡ ଶିଜାନ ନଜର ଆସୁଛନ୍ତି । ତୁନିଷାଙ୍କୁ ଜଣେ ବ୍ୟକ୍ତି ଧରିଥିବା ବେଳେ ଶିଜାନ ତାଙ୍କ ସହିତ ଥିବା ଦେଖିବାକୁ ମିଳିଛି ।
-
Maharashtra | Mortal remains of TV actor Tunisha Sharma being taken out of JJ Hospital in Mumbai
— ANI (@ANI) December 26, 2022 " class="align-text-top noRightClick twitterSection" data="
Her last rites will be performed tomorrow at a crematorium ground in the Mira Road area. pic.twitter.com/JFrlCbl6zC
">Maharashtra | Mortal remains of TV actor Tunisha Sharma being taken out of JJ Hospital in Mumbai
— ANI (@ANI) December 26, 2022
Her last rites will be performed tomorrow at a crematorium ground in the Mira Road area. pic.twitter.com/JFrlCbl6zCMaharashtra | Mortal remains of TV actor Tunisha Sharma being taken out of JJ Hospital in Mumbai
— ANI (@ANI) December 26, 2022
Her last rites will be performed tomorrow at a crematorium ground in the Mira Road area. pic.twitter.com/JFrlCbl6zC
ଛୋଟ ପରଦାରେ ଲୋକପ୍ରିୟ ଅଭିନେତ୍ରୀ ତୁନିଷା ଶର୍ମା ଗତ ୨୪ ତାରିଖରେ ଆତ୍ମହତ୍ୟା କରିଥିବା ନେଇ ଖବର ଆସିଥିଲା । ତାଙ୍କ ମୃତ୍ୟୁରେ ସମସ୍ତେ ଚକିତ ହୋଇପଡ଼ିଥିଲେ । ମାତ୍ର ୨୦ବର୍ଷ ବୟସରେ ତୁନିଷା ଆତ୍ମହତ୍ୟା କରିବେ ଏହି ଖବରକୁ କେହି ବିଶ୍ବାସ କରି ପାରୁନାହାନ୍ତି। ଆଜି ତୁନିଷା ଶର୍ମା ପଞ୍ଚଭୂତରେ ବିଲୀନ ହେବେ। ଡିସେମ୍ବର 24 ଶନିବାର ଦିନ ତୁନିଷା ତାଙ୍କ ସୋ 'ଅଲି ବାବା: ଦାସ୍ତାନ-ଏ-କାବୁଲ'ର ସେଟରେ ମେକଅପ୍ ରୁମରେ ଫାଶୀ ଲଗାଇ ଆତ୍ମହତ୍ୟା କରିଥିଲେ। କେହି ବିଶ୍ୱାସ କରିବାକୁ ସକ୍ଷମ ନୁହଁନ୍ତି ଯେ ବର୍ତ୍ତମାନ ତୁନିଷା ଏହି ଦୁନିଆରେ ଆଉ ନାହାଁନ୍ତି ।
ସୋମବାର ବିଳମ୍ବିତ ସନ୍ଧ୍ୟାରେ ତୁନିଷାଙ୍କ ପରିବାର ପକ୍ଷରୁ ଏକ ବିବୃତ୍ତି ଜାରି କରାଯାଇଥିଲା । ଯେଉଁଥିରେ ଲେଖା ଯାଇଥିଲା, ଦୁଃଖର ସହ ଆମେ ଆପଣଙ୍କୁ ଜଣାଇ ଦେଉଛୁ ଯେ 24 ଡିସେମ୍ବର 2022 ରେ ଆମର ପ୍ରିୟ ତୁନିଷା ଶର୍ମା ଆମକୁ ସବୁଦିନ ପାଇଁ ଛାଡିଚାଲିଗଲେ। ଆମେ ଚାହୁଁଛୁ ସମସ୍ତେ ଆସନ୍ତୁ ଏବଂ ଦିବଂଗତ ଆତ୍ମାକୁ ଅନ୍ତିମ ବିଦାୟ ଦିଅନ୍ତୁ । ଆଜି, ଡିସେମ୍ବର 27 ରେ, ତୁନିଷାଙ୍କ ଅନ୍ତି ସଂସ୍କାର ମୁମ୍ବାଇର ମୀରା ରୋଡ ସ୍ଥିତ ଗୋଦେବ ଶଶ୍ମାନରେ ଅନୁଷ୍ଠିତ ହେବ। ଅନ୍ତିମ ଯାତ୍ରା ମଧ୍ୟାହ୍ନରୁ ଆରମ୍ଭ ହେବ।
ଏହା ବି ପଢନ୍ତୁ: Tunisha Death Case: ଶ୍ରଦ୍ଧା ହତ୍ୟାକାଣ୍ଡ ଲାଗି ହୋଇଥିଲା ଅଭିନେତ୍ରୀଙ୍କ ବ୍ରେକ୍ଅପ୍ !
ପରିବାର ପକ୍ଷରୁ ଏହା ମଧ୍ୟ କୁହାଯାଇଛି, ତୁନିଷାଙ୍କ ମାଉସୀ ଇଂଲଣ୍ଡରେ ରୁହନ୍ତି। ତେଣୁ ସେଠାରେ ସେ ଆସିବା ବିଳମ୍ବ ହେବା ଯୋଗୁଁ ତୁନିଷାଙ୍କ ଅନ୍ତିମ ସଂସ୍କାରରେ ବିଳମ୍ବ ହେଉଛି । ତୁନିଷା ପରିବାରର ଗେହ୍ଲା ଝିଅ ରହିଥିବାରୁ ତାଙ୍କ ଆତ୍ମହତ୍ୟାକୁ ସହଜରେ କେହି ଗ୍ରହଣ କରିପାରୁନାହାନ୍ତି । ତୁନିଷାଙ୍କ ଆତ୍ମହତ୍ୟା ଘଟଣାରେ ପୋଲିସ ଲଗାତାର ଯାଞ୍ଚ କରୁଛି। ସବୁଠୁ ଆଶ୍ଚର୍ଯ୍ୟକର ଘଟଣା ହେଉଛି ବହୁଚର୍ଚ୍ଚିତ ଶ୍ରଦ୍ଧା ୱାକର ହତ୍ୟାକାଣ୍ଡକୁ ନେଇ ଉଭୟଙ୍କ ମଧ୍ୟରେ ବ୍ରେକ୍ଅପ୍ ହୋଇଛି । ଏହି ଘଟଣାରେ ଅଭିନେତ୍ରୀଙ୍କ ମାଆଙ୍କ ଅଭିଯୋଗ ଆଧାରରେ ପୋଲିସ ଶିଜାନଙ୍କୁ ଗିରଫ କରିବା ସହିତ ତଦନ୍ତ ଜାରି ରଖିଛି ।
ଶ୍ରଦ୍ଧା ୱାକର ହତ୍ୟାକାଣ୍ଡ ଯୋଗୁଁ ବ୍ରେକ୍ଅପ୍
ଅଭିଯୁକ୍ତ ଶିଜାନ ପୋଲିସକୁ ଦେଇଥିବା ସୂଚନା ଅନୁସାରେ ଦିଲ୍ଲୀର ବହୁଚର୍ଚ୍ଚିତ ଶ୍ରଦ୍ଧା ୱାକର ହତ୍ୟାକାଣ୍ଡକୁ ନେଇ ସେ ଚିନ୍ତାରେ ଥିଲେ । ଏହାପରେ ସେ ତୁନିଷା ସହିତ ବ୍ରେକ୍ଅପ୍ ନେଇ କହିଥିଲେ । ଶିଜାନ ମୁସଲିମ ହୋଇଥିବା ବେଳେ ତୁନିଷା ହିନ୍ଦୁ । ଆଗକୁ ଉଭୟଙ୍କ ବିବାହ ଲାଗି କିଛି ସମସ୍ୟା ଉପୁଜିବା ଆଶଙ୍କା କରି ସେ ବ୍ରେକ୍ଅପ୍ ପାଇଁ କହିଥିଲେ । ଏହାପରେ ତୁନିଷା ଡିପ୍ରେସନକୁ ଚାଲିଯିବା ସହ ଆତ୍ମହତ୍ୟା କରିବା ଲାଗି କହୁଥିବା କହିଛନ୍ତି ଶିଜାନ । ତୁନିଷା ପୂର୍ବରୁ ମଧ୍ୟ ଆତ୍ମହତ୍ୟା କରିବାକୁ ଅନେକ ଥର ଉଦ୍ୟମ କରିଥିଲେ । ମାତ୍ର ଶିଜାନ ତାଙ୍କୁ ଅଟକାଇଥିବା ସେ ପୋଲିସକୁ କହିଛନ୍ତି ।
