ହାଇଦ୍ରାବାଦ: ଶାହାରୁଖ ଖାନଙ୍କ 'ଜବାନ' ସାମ୍ନାରେ ବକ୍ସ ଅଫିସରେ କୌଣସି ଚଳଚ୍ଚିତ୍ର ଚାଲି ପାରୁନାହିଁ । ନିକଟରେ ପ୍ରେକ୍ଷାଳୟରେ ମୁକ୍ତିଲାଭ କରିଥିବା ଭିକି କୌଶଲଙ୍କ ଫିଲ୍ମ 'ଦି ଗ୍ରେଟ୍ ଇଣ୍ଡିଆନ୍ ଫ୍ୟାମିଲି' ଏବଂ ଶିଳ୍ପା ଶେଟ୍ଟୀଙ୍କ ଫିଲ୍ମ 'ସୁଖୀ' ଟିକେଟ୍ ୱିଣ୍ଡୋରେ ଖରାପ ସ୍ଥିତିରେ ଗତି କରୁଛି । ଚାରି ଦିନ ମଧ୍ୟରେ 'ଜବାନ୍' ଉଭୟ ଫିଲ୍ମକୁ ପଛରେ ପକାଇ ଦେଇଛି । ବିଶେଷକରି ଶିଳ୍ପା ଶେଟ୍ଟୀଙ୍କ ଫିଲ୍ମ 'ସୁଖୀ' ପ୍ରେକ୍ଷାଳୟରେ ଦର୍ଶକଙ୍କୁ ଆକର୍ଷିତ କରିପାରୁନାହିଁ । ଏହା ସହିତ ଏହି ଚଳଚ୍ଚିତ୍ର ଟଙ୍କା ରୋଜଗାର କରିବାରେ ସକ୍ଷମ ନୁହେଁ । ଆସନ୍ତୁ ଜାଣିବା ଏଠାରେ 'ସୁଖୀ' ଏବଂ 'ଦି ଗ୍ରେଟ୍ ଇଣ୍ଡିଆନ୍ ଫ୍ୟାମିଲି' ରିଲିଜ୍ର ଚତୁର୍ଥ ଦିନରେ ଅର୍ଥାତ୍ ସୋମବାର କେତେ ଟଙ୍କା ରୋଜଗାର କରିଛି ?
ଚତୁର୍ଥ ଦିନରେ କେତେ ରୋଜଗାର କଲା 'ଦି ଗ୍ରେଟ୍ ଇଣ୍ଡିଆନ୍ ଫ୍ୟାମିଲି' ?
'ଧୁମ୍' ଫେମ୍ ବିଜୟ କୃଷ୍ଣ ଆଚାର୍ଯ୍ୟଙ୍କ ଦ୍ବାରା ଲିଖିତ ଏଭଂ ନିର୍ଦ୍ଦେଶିତ ପାରିବାରିକ ଡ୍ରାମା ଚଳଚ୍ଚିତ୍ର 'ଦି ଗ୍ରେଟ୍ ଇଣ୍ଡିଆନ୍ ଫ୍ୟାମିଲି' ବକ୍ସ ଅଫିସରେ ବହୁତ ଖରାପ ପ୍ରଦର୍ଶନ କରୁଛି। ଏହି ଚଳଚ୍ଚିତ୍ରରେ ବିକି କୌଶଲ ଏବଂ ମାନୁଷି ଚିଲର ମୁଖ୍ୟ ଭୂମିକାରେ ଅଭିନୟ କରିଛନ୍ତି । ରୋଜଗାର ବିଷୟରେ କହିବାକୁ ଗଲେ ଫିଲ୍ମ ରିଲିଜ୍ ହେବାର ପ୍ରଥମ ଦିନରେ 1.3 କୋଟି ଟଙ୍କା କଲେକ୍ସନ କରିଥିଲା । ଏହାପରେ ଶନିବାର ଦିନ ଫିଲ୍ମର ଆୟ 1.7 କୋଟି ଏବଂ ରବିବାର ଦିନ ଫିଲ୍ମ 2 କୋଟି ଟଙ୍କା କଲେକ୍ସନ କରିଛି । ବର୍ତ୍ତମାନ 'ଦି ଗ୍ରେଟ୍ ଇଣ୍ଡିଆନ୍ ଫ୍ୟାମିଲି' ରିଲିଜ୍ ହେବାର ଚତୁର୍ଥ ଦିନ ଅର୍ଥାତ ମନ୍ଡେ’ ଚେଷ୍ଟର ରେଜଲ୍ଟ ମଧ୍ୟ ଆସି ସାରିଛି । ଯାହା ଅନୁଯାୟୀ ଫିଲ୍ମର ଆୟ ଆହୁରି ହ୍ରାସ ପାଇଛି ।
ସାକ୍ନିକ୍ର ପ୍ରାରମ୍ଭିକ ଟ୍ରେଣ୍ଡ୍ ରିପୋର୍ଟ ଅନୁଯାୟୀ, 'ଦି ଗ୍ରେଟ୍ ଇଣ୍ଡିଆନ୍ ଫ୍ୟାମିଲି' ରିଲିଜ୍ ହେବାର ଚତୁର୍ଥ ଦିନରେ 75 ଲକ୍ଷ ଟଙ୍କା କଲେକ୍ସନ କରିଛି । ଏହା ସହିତ ଚାରି ଦିନରେ 'ଦି ଗ୍ରେଟ୍ ଇଣ୍ଡିଆନ୍ ଫ୍ୟାମିଲି'ର ମୋଟ ଆୟ ବର୍ତ୍ତମାନ 5.75 କୋଟି ଟଙ୍କା ହୋଇଛି ।
ଚତୁର୍ଥ ଦିନରେ କେତେ ରୋଜଗାର କଲା 'ସୁଖୀ' ?
ଶିଳ୍ପା ଶେଟ୍ଟୀଙ୍କ ଅଭିନୀତ ଚଳଚ୍ଚିତ୍ର 'ସୁଖୀ' ଏହି ଶୁକ୍ରବାର ପ୍ରେକ୍ଷାଳୟରେ ମୁକ୍ତିଲାଭ କରିଥିଲା । ଫିଲ୍ମଟି ପ୍ରଥମ ଦିନରେ ବକ୍ସ ଅଫିସରେ ଖରାପ ପ୍ରଦର୍ଶନ କରୁଛି । ଏହି ଚଳଚ୍ଚିତ୍ର ପ୍ରେକ୍ଷାଳୟରେ ଦର୍ଶକଙ୍କୁ ଆକର୍ଷିତ କରିପାରୁନାହିଁ ଏବଂ ରିଲିଜ୍ ହେବାର 4 ଦିନ ପରେ ମଧ୍ୟ 'ସୁଖୀ' 2 କୋଟି ଟଙ୍କା କଲେକ୍ସନ କରିପାରିନାହିଁ । ରୋଜଗାର ବିଷୟରେ କହିବାକୁ ଗଲେ 'ସୁଖୀ' ମାତ୍ର 30 ଲକ୍ଷ ଟଙ୍କାରେ ଓପନିଂ କରିଥିଲା । ଏହାପରେ ଏହାର ଦ୍ୱିତୀୟ ଦିନରେ ଅର୍ଥାତ୍ ଶନିବାର ଦିନ ଫିଲ୍ମ 43 ଲକ୍ଷ ଟଙ୍କା କଲେକ୍ସନ୍ କରିଥିଲା ଏବଂ ରବିବାର ଦିନ ଫିଲ୍ମର ଆୟ 48 ଲକ୍ଷ ଟଙ୍କା ଥିଲା । ବର୍ତ୍ତମାନ ରିଲିଜ୍ ହେବାର ଚତୁର୍ଥ ଦିନରେ ଅର୍ଥାତ୍ ସୋମବାର ମଧ୍ୟ 'ସୁଖୀ' ରୋଜଗାରର ପ୍ରାରମ୍ଭିକ ଆକଳନ ଆସିଛି ।
ସାକ୍ନିକ୍ର ପ୍ରାରମ୍ଭିକ ଟ୍ରେଣ୍ଡ୍ ରିପୋର୍ଟ ଅନୁଯାୟୀ, 'ସୁଖୀ' ରିଲିଜ୍ ହେବାର ଚତୁର୍ଥ ଦିନରେ ମାତ୍ର 28 ଲକ୍ଷ ଟଙ୍କା କଲେକ୍ସନ୍ କରିଛି । ଏହାପରେ ଚାରି ଦିନ ମଧ୍ୟରେ 'ସୁଖୀ'ର ମୋଟ ଆୟ 1.49 କୋଟିରେ ପହଞ୍ଚିଛି ।
ଏହା ମଧ୍ୟ ପଢନ୍ତୁ: Sukhee: ଶିଳ୍ପା ସେଟ୍ଟୀଙ୍କ ଆଗାମୀ ଫିଲ୍ମର ପ୍ରଥମ ଲୁକ୍ ଆଉଟ୍, ଏହି ଦିନ ରିଲିଜ ହେବ ଫିଲ୍ମ
ବକ୍ସ ଅଫିସରେ 'ଦି ଗ୍ରେଟ୍ ଇଣ୍ଡିଆନ୍ ଫ୍ୟାମିଲି' ଏବଂ 'ସୁଖୀ'
'ଦି ଗ୍ରେଟ୍ ଇଣ୍ଡିଆନ୍ ଫ୍ୟାମିଲି' ଏବଂ 'ସୁଖୀ' ରିଲିଜ୍ ହେବାର ଚାରି ଦିନ ବିତିଗଲାଣି ଏବଂ ଏହି ଚଳଚ୍ଚିତ୍ରଗୁଡ଼ିକ ବକ୍ସ ଅଫିସରେ କମାଲ ଦେଖାଇ ପାରୁନାହାନ୍ତି । ଯଦିଓ ବିକି କୌଶଲଙ୍କ ଫିଲ୍ମ 5 କୋଟିରୁ ଅଧିକ ଆୟ କରିଛି, କିନ୍ତୁ ଶିଳ୍ପା ଶେଟ୍ଟୀଙ୍କ ଫିଲ୍ମର ଅବସ୍ଥା ଅତ୍ୟନ୍ତ ଖରାପ । ବର୍ତ୍ତମାନ ଉଭୟ ଚଳଚ୍ଚିତ୍ର ବକ୍ସ ଅଫିସରେ କଲେକ୍ସନ କରିବା କଷ୍ଟକର ହୋଇପଡ଼ିଛି ।
