ମୁମ୍ବାଇ: ଆଜିକାଲି ଲୋକପ୍ରିୟ ଅଭିନେତ୍ରୀ ତମନ୍ନା ଭାଟ୍ଟିଆ ଫିଲ୍ମ ବ୍ୟତୀତ ଲଭ ଲାଇଫକୁ ନେଇ ଚର୍ଚ୍ଚାରେ ରହିଛନ୍ତି । ଅଭିନେତ୍ରୀ ଅଭିନେତା ବିଜୟ ଭର୍ମାଙ୍କ ସହ ସମ୍ପର୍କ ପାଇଁ ଶିରୋନାମାରେ ରହିଛନ୍ତି । ତମନ୍ନା ସାଉଥ ବ୍ୟତୀତ ବଲିଉଡରେ ମଧ୍ୟ ନିଜ ଅଭିନୟର ଯାଦୁ ଦେଖାଇ ଦର୍ଶକଙ୍କୁ ଦିୱାନା କରିଛନ୍ତି । ଯାହା ଫଳରେ ଫ୍ୟାନ୍ସଙ୍କ ମନରେ ତମନ୍ନାଙ୍କ ପାଇଁ ସ୍ବତନ୍ତ୍ର ସ୍ଥାନ ରହିଛି । ଏହାରି ମଧ୍ୟରେ ବର୍ତ୍ତମାନ ଜଣେ ଫ୍ୟାନ୍ସଙ୍କୁ ଭେଟିଛନ୍ତି ତମନ୍ନା । ଯାହା ପରେ ସେ ବେଶ ଭାବବିହ୍ବଳ ହୋଇପଡିଛନ୍ତି । ତମନ୍ନାଙ୍କ ଏହି ଫ୍ୟାନ ଜଣଙ୍କ ନିଜ ହାତରେ ତାଙ୍କ ଟାଟୁ କରିଛନ୍ତି । ଯାହାକୁ ଦେଖି ଭାବୁକ ହୋଇଛନ୍ତି ତମନ୍ନା ।
ନିକଟରେ ମୁମ୍ବାଇ ବିମାନବନ୍ଦରରେ ତମନ୍ନା ଭାଟିଆ ଜଣେ ଫ୍ୟାନ୍ସଙ୍କୁ ଭେଟିଛନ୍ତି । ତମନ୍ନାଙ୍କ ଏହି ଫ୍ୟାନ ଜଣଙ୍କ ନିଜ ହାତରେ ତାଙ୍କ ଟାଟୁ କରିଛନ୍ତି । ଏଥିସହ ତମନ୍ନାଙ୍କ ପାଦ ଛୁଇଁଛନ୍ତି ଫ୍ୟାନ ଜଣଙ୍କ । ଫ୍ୟାନଙ୍କ ଏଭଳି ଭଲପାଇବା ଦେଖି ତାଙ୍କୁ ଆଲିଙ୍ଗନ କରିବା ସହ ଭାବବିହ୍ବଳ ହୋଇଯାଇଛନ୍ତି ତମନ୍ନା । ତେବେ ଏହି ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ଫ୍ୟାନ୍ସ ଏହାକୁ ଲାଇକ କରିବା ସହ ପ୍ରଶଂସା କରିଛନ୍ତି । ପ୍ରତିକ୍ରିୟା ଦେଇ ଜଣେ ଲେଖିଛନ୍ତି, ଯେ ମୁଁ 13 ବର୍ଷ ଧରି ତମନ୍ନାଙ୍କୁ ଜାଣେ ତାଙ୍କର ବହୁତ ଭଲ ହୃଦୟ । ଅନ୍ୟ ଜଣେ ଲେଖିଛନ୍ତି, ଯେତେବେଳେ କେହି ଆପଣଙ୍କ ପାଇଁ ଟାଟୁ କରନ୍ତି ସେତେବେଳେ ସେହି ଅନୁଭବ ହୁଏ। ଆଉ ଜଣେ ଲେଖିଛନ୍ତି, ତମନ୍ନା ବହୁତ ଭାଗ୍ୟବାନ ।
ନିକଟରେ ଅରୁଣିମା ଶର୍ମାଙ୍କ ନିର୍ଦ୍ଦେଶିତ ତଥା ଦୀନେଶ ଭାଇଜାନଙ୍କ ମ୍ୟାଡକ୍ ଫିଲ୍ମ ଦ୍ୱାରା ନିର୍ମିତ ୱେବ୍ ସିରିଜ୍ 'ଜି କରଦା' ରେ ତମନ୍ନା ଅଭିନୟ କରିଥିଲେ । ଏହି ଧାରାବାହିକଟି ହୁସେନ୍ ଦଲାଲ ଏବଂ ଅବ୍ବାସ ଦଲାଲଙ୍କ ଦ୍ୱାରା ଲିଖିତ ଏବଂ ଏଥିରେ ଆଶୀମ ଗୁଲାଟି, ସୁହେଲ ନାୟାର, ଅନୟା ସିଂ, ହୁସେନ୍ ଦଲାଲ, ସାୟାନ ବାନାର୍ଜୀ ଏବଂ ସାମବେଦନା ସୁୱାଲ୍କା ପ୍ରମୁଖ ଭୂମିକାରେ ଅଭିନୟ କରିଛନ୍ତି। ଜୁନ୍ 15 ରେ ଏହି ସିରିଜ୍ ପ୍ରାଇମ୍ ଭିଡିଓରେ ପ୍ରିମିୟର୍ ହୋଇଥିଲା । ତେବେ ତାଙ୍କୁ ପରବର୍ତ୍ତୀ ସମୟରେ ଲଷ୍ଟ ଷ୍ଟୋରୀ 2ରେ ଦେଖିବାକୁ ମିଳିବ। ଯେଉଁଥିରେ ସେ ଅଭିନେତା ବିଜୟ ଭର୍ମାଙ୍କ ସହ ନଜର ଆସିବେ । ଯାହା ଜୁନ୍ 29 ରେ OTTରେ ରିଲିଜ କରିବାକୁ ଯାଉଛି ।
ଏଥିସହ ତମନ୍ନା ଫିଲ୍ମ ଜେଲରରେ ମଧ୍ୟ ନଜର ଆସିବେ । ନିକଟରେ ଫିଲ୍ମର ସୁଟିଂ ଶେଷ ହୋଇଛି । ଫିଲ୍ମକୁ ନିର୍ଦ୍ଦେଶନା ଦେଇଛନ୍ତି ନେଲସନ ଦିଲ୍ଲୀପ କୁମାର । ଫିଲ୍ମରେ ତମନ୍ନାଙ୍କ ସହ ସାଉଥ ସୁପରଷ୍ଟାର ରଜନୀକାନ୍ତ ନଜର ଆସିବେ । ଏହା ବ୍ୟତୀତ ଏଥିରେ ଶିବରାଜକୁମାର, ମୋହନଲାଲ, ଜ୍ୟାକି ଶ୍ରଫ ଏବଂ ରାମିଆ କୃଷ୍ଣନଙ୍କୁ ମଧ୍ୟ ଦେଖିବାକୁ ମିଳିବ । ଏହି ଫିଲ୍ମ ଅଗଷ୍ଟ 10ରେ ରିଲିଜ ହେବ ।
