ହାଇଦ୍ରାବାଦ: ସନ୍ନି ଦେଓଲ ଏବଂ ଅମୀଷା ପଟେଲଙ୍କ ଅଭିନୀତ ଫିଲ୍ମ 'ଗଦର-2'କୁ ନେଇ ଶିରୋନାମାରେ ରହିଛନ୍ତି । ଆଜିକାଲି ଉଭୟ ଫିଲ୍ମ ପ୍ରମୋସନରେ ବ୍ୟସ୍ତ ଅଛନ୍ତି । ବର୍ତ୍ତମାନ ଏହି ଯୋଡ଼ି ଅମୃତସରର ଅଟାରୀ-ୱାଘା ସୀମାରେ ଯବାନଙ୍କ ସହ ଗଦର-2 ଚଳଚ୍ଚିତ୍ରର ପ୍ରମୋସନ କରିଛନ୍ତି । ଏକ କାର୍ଯ୍ୟକ୍ରମରେ 'ଉଡଜା କାଲେ କାୱା' ଗୀତରେ ଡ୍ୟାନ୍ସ କରିଛନ୍ତି ।
ଆଜିକାଲି ଫିଲ୍ମର ପ୍ରମୋସନକୁ ନେଇ ସନ୍ନି ଓରଫ ତାରା ସିଂ ଏବଂ ଅମୀଷା ଓରଫ ସକିନା ଖୁବ୍ ବ୍ୟସ୍ତ ଅଛନ୍ତି । ସେ ଦେଶର ବିଭିନ୍ନ ରାଜ୍ୟ ପରିଦର୍ଶନ କରି ଫିଲ୍ମର ଜୋରସୋରରେ ପ୍ରୋମୋସନ କରୁଛନ୍ତି । ବର୍ତ୍ତମାନ ଅମୀଷା ପଟେଲ ୱାଘା ସୀମାରେ ଯବାନମାନଙ୍କ ସହ ଫିଲ୍ମକୁ ପ୍ରୋତ୍ସାହିତ କରିଥିଲେ । ଯାହାର ଫଟୋ ଏବଂ ଭିଡିଓ ସେ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି । ଅମୀଷା ଓରଫ ସକିନା ଏକ ନୀଳ ସୁଟରେ ସୁନ୍ଦର ଦେଖାଯାଉଥିବାବେଳେ ସନ୍ନି ଏକ ହଳଦିଆ କୁର୍ତ୍ତା ପାଇଜାମାରେ ନଜର ଆସିଥିଲେ । ତେବେ ଉଭୟ ଏହି ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଗଦର-2 ହେଉଛି ଗଦର ଏକ ପ୍ରେମ କଥାର ସିକ୍ୱେଲ୍ ଯାହା 2001ରେ ମୁକ୍ତିଲାଭ କରିଥିଲା । ଏହି ଚଳଚ୍ଚିତ୍ର ଭାରତ ଏବଂ ପାକିସ୍ତାନ ବିଭାଜନ ଉପରେ କାହାଣୀ ନିର୍ମିତ ହୋଇଥିଲା ଏବଂ ଏହି ଫିଲ୍ମ ଜରିଆରେ ସକିନା ନାମକ ଜଣେ ମୁସଲମାନ ଝିଅ ଏବଂ ଜଣେ ଭାରତୀୟ ଶିଖ୍ ଯୁବକ ତାରା ସିଂଙ୍କ ପ୍ରେମ କାହାଣୀକୁ ଦର୍ଶାଯାଇଥିଲା । ପ୍ରଥମ ଚଳଚ୍ଚିତ୍ରରେ ତାରା ସିଂ ନିଜ ପତ୍ନୀଙ୍କୁ ଫେରାଇ ଆଣିବା ପାଇଁ ସୀମା ପାର କରିଥିଲେ । କିନ୍ତୁ 2ୟ ଭାଗରେ ନିଜ ପତ୍ନୀଙ୍କୁ ନୁହ ବରଂ ନିଜ ପୁଅକୁ ଫେରାଇ ଆଣିବାକୁ ଆଣିବାକୁ ସୀମା ପାର କରିବେ ତାରା ସିଂ ।
ଏହା ମଧ୍ୟ ପଢନ୍ତୁ: 'ମେନ୍ ନିକ୍ଲା ଗଡି ଲେକେର ନୂଆ ଭର୍ସନ, ପୁରୁଣା ଅନ୍ଦାଜରେ ନଜର ଆସିଲେ ତାରା ସକିନା
ଗତ ସପ୍ତାହ ଆରମ୍ଭରେ ନିର୍ମାତାମାନେ ଫିଲ୍ମର ଟ୍ରେଲର ରିଲିଜ କରିଥିଲେ । ଟ୍ରେଲରରୁ ଜଣାପଡିଛି ଯେ ସନ୍ନି ଏବଂ ଅମୀଷା ତାରା ସିଂ ଏବଂ ସକିନା ଭାବେ ନଜର ଆସିବେ । ଏହି ଦମ୍ପତି ଏକ ସୁଖମୟ ଜୀବନଯାପନ କରୁଥିବା ବେଳେ ସେମାନଙ୍କର ପୁଅ ଚରଣ ଜିତ ସିଂ (ଉତ୍କର୍ଷ ଶର୍ମା) ବର୍ତ୍ତମାନ ବଡ଼ ହୋଇଯାଇଛନ୍ତି । ତେବେ କୌଣସି କାରଣରୁ ଚରଣ ପାକିସ୍ତାନରେ ପହଞ୍ଚିଛନ୍ତି । ଭିଡିଓରେ ଦର୍ଶାଯାଇଛି ଯେ ସେଠାରେ ତାଙ୍କୁ ନିର୍ଯାତନା ଦିଆଯାଉଛି । ତାଙ୍କ ପୁଅକୁ ବଞ୍ଚାଇବା ପାଇଁ ତାରା ସିଂ ପାକିସ୍ତାନ ଯାଉଛନ୍ତି । ତେବେ ଫିଲ୍ମର ନିର୍ଦ୍ଦେଶନା ଦେଇଛନ୍ତି ନିର୍ଦ୍ଦେଶକ ଅନିଲ ଶର୍ମା । ନିର୍ଦ୍ଦେଶକ ଅନିଲଙ୍କ ପୁଅ ଉତ୍କଳ ଶର୍ମା ଗଦରରେ ଚରଣଜିତ ଭୂମିକାରେ ନଜର ଆସିବେ । ଫିଲ୍ମରେ ସନ୍ନି ଦେଓଲ ଏବଂ ଅମୀଷା ପଟେଲଙ୍କ ବ୍ୟତୀତ ଗୌରବ ଚୋପ୍ରା, ଉତ୍କର୍ଷ ଶର୍ମା ଏବଂ ଲଭ୍ ସିହ୍ନା ନଜର ଆସିବେ । ଏହି ଚଳଚ୍ଚିତ୍ରଟି ଅଗଷ୍ଟ 11ରେ ରିଲିଜ ହେବାକୁ ଯାଉଛି ।
