ହାଇଦ୍ରାବାଦ: ବଲିଉଡର ଆକ୍ସନ୍ ନିର୍ଦ୍ଦେଶକ ରୋହିତ ଶେଟ୍ଟୀଙ୍କ ପ୍ରଶଂସକଙ୍କ ପାଇଁ ଏକ ଖୁସି ଖବର ଅଛି । ଦୀର୍ଘ ଦିନ ଧରି ରୋହିତ ଏବଂ ରଣଭୀର ସିଂଙ୍କ ଫିଲ୍ମ ସର୍କସ ବିଷୟରେ ଗୁଜବ ସୃଷ୍ଟି ହେଉଥିଲା । ପ୍ରଶଂସକମାନେ ଉତ୍ସାହର ସହିତ ଏହି ଚଳଚ୍ଚିତ୍ରକୁ ଅପେକ୍ଷା କରିଥିଲେ । ଫିଲ୍ମ 'ସିମ୍ବା'ର ସଫଳତା ପରଠୁ ରୋହିତ ଏବଂ ରଣଭୀର ଫିଲ୍ମ ସର୍କସରେ କାମ କରୁଥିଲେ। ବର୍ତ୍ତମାନ ରୋହିତ ରଣଭୀର ସିଂଙ୍କ ଅଭିନୀତ ତାଙ୍କ ଫିଲ୍ମ 'ସର୍କସ'ର ସୁଟିଂ ଶେଷ କରିଛନ୍ତି । ବର୍ତ୍ତମାନ କେବଳ ଫିଲ୍ମର ପ୍ରମୋସନ କାମ ବାକି ଅଛି । ରଣଭୀର ସିଂ ସୋସିଆଲ ମିଡିଆରେ ଏ ବିଷୟରେ ସୂଚନା ଦେଇଛନ୍ତି ଏବଂ ସେଟରୁ କିଛି ଫଟୋ ମଧ୍ୟ ସେୟାର କରିଛନ୍ତି।
- " class="align-text-top noRightClick twitterSection" data="
">
ମାଷ୍ଟର ରୋହିତଙ୍କ ମାଷ୍ଟରପ୍ଲାନ
ସୋସିଆଲ ମିଡିଆରେ ଫଟୋ ସେୟାର କରି ରଣଭୀର ସିଂ ଲେଖିଛନ୍ତି, 'Shooting khatam, Promotion ki planning shuru! Mass-ter filmmaker ke Mass-ter plans!!!' ଏହା ପ୍ରଥମ ଥର ହେବ, ଯେତେବେଳେ ରଣଭୀରଙ୍କୁ ଏହି ଚଳଚ୍ଚିତ୍ରରେ ଏକ ଡବଲ୍ ଭୂମିକାରେ ଦେଖିବାକୁ ମିଳିବ । ଏହି ଫଟୋରେ ନିର୍ଦ୍ଦେଶକ ରୋହିତ ଶେଟ୍ଟୀ ଏବଂ କମେଡି ଅଭିନେତା ବରୁଣ ଶର୍ମା ରଣଭୀର ସିଂଙ୍କ ସହ ନଜର ଆସିଛନ୍ତି । ଏହି ଚଳଚ୍ଚିତ୍ର ଚଳିତ ବର୍ଷ ଖ୍ରୀଷ୍ଟମାସ ଅବସରରେ ମୁକ୍ତିଲାଭ କରିବାକୁ ଯାଉଛି।
ଏହା ବି ପଢନ୍ତୁ: Saif Ali Khan Son Debut: ବଲିଉଡ୍ରେ ଡେବ୍ୟୁ କରିବେ ଇବ୍ରାହିମ୍ ଅଲି ଖାନ
ଫିଲ୍ମର ଷ୍ଟାର୍ କାଷ୍ଟ୍
ଫିଲ୍ମ 'ସର୍କସ'ରେ ମୁଖ୍ୟ ଭୂମିକାରେ ରଣଭୀର, ଦକ୍ଷିଣ ଅଭିନେତ୍ରୀ ପୂଜା ହେଗଡେ ଏବଂ ଜ୍ୟାକଲିନ ଫର୍ଣ୍ଣାଣ୍ଡିଜଙ୍କୁ ଦେଖିବାକୁ ମିଳିବ । ଏହା ବ୍ୟତୀତ ଫିଲ୍ମକୁ ଆହୁରି ମସଲାଦାର୍ କରିବା ପାଇଁ ଅଜୟ ଦେବଗନ୍ ଏବଂ ଦୀପିକା ପାଦୁକୋନଙ୍କ ଗେଷ୍ଟ ରୋଲ୍ ମଧ୍ୟ ପ୍ରସ୍ତୁତ ହୋଇଛି । ଉଲ୍ଲେଖନୀୟ କଥା ହେଉଛି, ଫିଲ୍ମ 'ସର୍କସ' ପୁରୁଣା କମେଡି ଫିଲ୍ମ 'ଅଙ୍ଗୁର' ଉପରେ ଆଧାରିତ ।
