ହାଇଦ୍ରାବାଦ: ବଲିଉଡ ବାଦଶାହା ଶାହାରୁଖ ଖାନ ଦୀର୍ଘ ୪ ବର୍ଷ ପରେ ଚଳିତ ବର୍ଷ(୨୦୨୩) ରେ ଫିଲ୍ମ 'ପଠାନ' ସହ ପରଦାକୁ ଫେରିଥିଲେ । ଏହି ଫିଲ୍ମ ବ୍ଲକବ୍ଲଷ୍ଟର ହେବା ସହ ବେଶ ଲୋକପ୍ରିୟତା ହାସଲ କରିଥିଲା । ଏହାପରେ ଶାହାରୁଖଙ୍କ ଅଭିନୀତ ୨ୟ ଫିଲ୍ମ 'ଜବାନ' ଏହି ବର୍ଷ ହିଁ ରିଲିଜ ହୋଇଥିଲା । ଏହା ମଧ୍ୟ ସୁପରହିଟ୍ ହୋଇଥିଲା । ଏହି ଉଭୟ ଫିଲ୍ମ ରିଲିଜ ପୂର୍ବରୁ ବୈଷ୍ଣୋ ଦେବୀ ମନ୍ଦିର ପରିଦର୍ଶନ କରିଥିଲେ କିଙ୍ଗ ଖାନ । ବର୍ତ୍ତମାନ ସେ ଏହି ବର୍ଷର ୩ୟ ଫିଲ୍ମ 'ଡଙ୍କି' ସହ ପୁଣି ଧମାକା କରିବାକୁ ଯାଉଛନ୍ତି । ଏହି ଫିଲ୍ମ ଡିସେମ୍ବର ୨୧ ବିଶ୍ବରେ ରିଲିଜ ହେବାକୁ ଥିବାବେଳେ ଡଙ୍କିର ସଫଳତା ପାଇଁ ବୈଷ୍ଣୋ ଦେବୀଙ୍କ ମନ୍ଦିରରେ ପହଞ୍ଚି ଆର୍ଶୀବାଦ ନେଇଛନ୍ତି ଶାହାରୁଖ । ଯାହାର ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେଉଛି ।
- " class="align-text-top noRightClick twitterSection" data="">
ଶାହାରୁଖ ଖାନ ତାଙ୍କ ମ୍ୟାନେଜର ପୂଜା ଦଦଲାନି ଏବଂ ଅଙ୍ଗରକ୍ଷୀଙ୍କ ସହ ଯାଉଥିବାର ନଜର ଆସିଛନ୍ତି । ଶାହରୁଖ ସରକାର ଦେଇଥିବା Y ପ୍ଲସ୍ ବର୍ଗର ସୁରକ୍ଷା ବଳୟ ମଧ୍ୟରେ ବୈଷ୍ଣୋ ଦେବୀଙ୍କ ଦର୍ଶନ କରିଛନ୍ତି । ଶାହାରୁଖ ଖାନ ଏକ ବ୍ଲାକ ଜ୍ୟାକେଟ ସହ ମୁହଁ ଲୁଚାଇ ବୈଷ୍ଣୋ ଦେବୀଙ୍କ ମନ୍ଦିରରେ ପହଞ୍ଚିଥିଲେ ଏବଂ ଡଙ୍କିର ସଫଳତା ପାଇଁ ମାଆଙ୍କ ଆର୍ଶୀବାଦ ନେଇଛନ୍ତି । କିଙ୍ଗ ଖାନଙ୍କ ଏହି ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେଉଛି ।
-
SRK Again Visited Vaishno Devi Temple For #Dunki Success
— Prince Raj (@PrinceSRKian_2) December 12, 2023 " class="align-text-top noRightClick twitterSection" data="
Most Secular Person In The Worldpic.twitter.com/rI1ENoSANV
">SRK Again Visited Vaishno Devi Temple For #Dunki Success
— Prince Raj (@PrinceSRKian_2) December 12, 2023
Most Secular Person In The Worldpic.twitter.com/rI1ENoSANVSRK Again Visited Vaishno Devi Temple For #Dunki Success
— Prince Raj (@PrinceSRKian_2) December 12, 2023
Most Secular Person In The Worldpic.twitter.com/rI1ENoSANV
ସୂଚନା ଥାଉ କି, 'ପଠାନ' ୨୫ ଜାନୁୟାରୀ ୨୦୨୩ରେ ଏବଂ ଜବାନ ୭ ସେପ୍ଟେମ୍ବର ୨୦୨୩ରେ ମୁକ୍ତ କରାଯାଇଥିଲା । ଉଭୟ ଚଳଚ୍ଚିତ୍ର ହିନ୍ଦୀ ସିନେମାର ଦୁଇଟି ବଡ଼ ସଫଳ ଚଳଚ୍ଚିତ୍ର ହୋଇପାରିଛି । ଦଙ୍ଗଲ ପରେ ହିନ୍ଦୀ ସିନେମାରେ 'ଜବାନ' ସର୍ବାଧିକ (1150 କୋଟିରୁ ଅଧିକ) ଏବଂ 'ପଠାନ' (1000 କୋଟିରୁ ଅଧିକ) ରୋଜଗାର କରି ଇତିହାସ ରଚିଥିଲା । ତେବେ ଶାହାରୁଖ ଖାନଙ୍କ ଫିଲ୍ମ 'ଡିଙ୍କି' ୨୧ ଡିସେମ୍ବରରେ ସାରା ବିଶ୍ବରେ ରିଲିଜ ହେବ । ଏହି ଫିଲ୍ମରେ ରାଜକୁମାର ହିରାନୀ ନିର୍ଦ୍ଦେଶନା ଦେଇଥିବା ବେଳେ ଶାହରୁଖଙ୍କ ବ୍ୟତୀତ ବିକି କୌଶଲ, ତାପସୀ ପନ୍ନୁ, ବୋମନ ଇରାନୀ, ସତୀଶ ଶାହାଙ୍କ ପରି ବଲିଉଡ ଅଭିନେତାମାନେ ଅଭିନୟ କରିଛନ୍ତି । ରାଜକୁମାର ହିରାନୀ ଏବଂ ତାପସୀ, ବିକିଙ୍କ ସହ ଶାହାରୁଖ ପ୍ରଥମ ଥର ପାଇଁ ଏହି ଫିଲ୍ମରେ କାମ କରିଛନ୍ତି ।
ଏହା ମଧ୍ୟ ପଢନ୍ତୁ: ଡଙ୍କି କିପରି ସାଇନ କଲେ ଶାହାରୁଖ ? ଫ୍ୟାନ୍ସଙ୍କୁ ମଜାଳିଆ ଢଙ୍ଗରେ ଉତ୍ତର ଦେଲେ କିଙ୍ଗ ଖାନ
ତେବେ ୨ଟି ଫିଲ୍ମ ହିଟ୍ ହୋଇଥିବା ବେଳେ ବର୍ତ୍ତମାନ ଡଙ୍କିରୁ ମଧ୍ୟ ସମାନ ସଫଳତା ଆଶା କରୁଛନ୍ତି ଶାହାରୁଖ । କିଙ୍ଗ ଖାନଙ୍କ ଫିଲ୍ମ 'ଡଙ୍କି' ପ୍ରଭାସଙ୍କ ଫିଲ୍ମ 'ସାଲାର' ସହ କଡା ପ୍ରତିଦ୍ବନ୍ଦ୍ବିତା କରିବ । ପ୍ରଶାନ୍ତ ନୀଲଙ୍କ ନିର୍ଦ୍ଦେଶିତ 'ସାଲାର' ୨୨ ଡିସେମ୍ବରରେ ମୁକ୍ତିଲାଭ କରିବାକୁ ଯାଉଛି । ତେବେ ଶାହାରୁଖ ଏବଂ ପ୍ରଭାସ ଫିଲ୍ମ ଇଣ୍ଡଷ୍ଟ୍ରିର ଲୋକପ୍ରିୟ ତାରକା ହୋଇଥିବା ବେଳେ ବକ୍ସ ଅଫିସରେ ଉଭୟଙ୍କ ଫିଲ୍ମର ଦମଦାର ଟକ୍କର ଦେଖିବାକୁ ମିଳିବ ।
