ହାଇଦ୍ରାବାଦ: ଅତୀତରେ ମୁକ୍ତିଲାଭ କରିଥିବା ସାଉଥ ଇଣ୍ଡଷ୍ଟ୍ରିର ଶାନଦାର ଚଳଚ୍ଚିତ୍ର ପ୍ରଶଂସକଙ୍କ ହୃଦୟ ଜିତିଥିଲା, ସେହି ଦିନଠାରୁ ଦକ୍ଷିଣ ଚଳଚ୍ଚିତ୍ର ଦର୍ଶକଙ୍କ ମଧ୍ୟରେ ହଇଚଇ ସୃଷ୍ଟି କରିଥିଲା । ଏଥିସହିତ ବର୍ତ୍ତମାନ ସାଉଥ ଇଣ୍ଡଷ୍ଟ୍ରିର ସୁପରଷ୍ଟାର ମହେଶ ବାବୁଙ୍କ ଫିଲ୍ମ 'Sarkaru Vaari Paata ' ମଧ୍ୟ ରିଲିଜ ହେବାକୁ ଯାଉଛି। ଫିଲ୍ମର ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି ଏବଂ ଏହି ସମୟରେ ଫିଲ୍ମର ଟ୍ରେଲର ରିଲିଜ୍ ହୋଇଛି, ଯେଉଁଥିରେ ମହେଶ ବାବୁ ଆକ୍ସନ୍ ମୁଡ୍ରେ ନଜର ଆସିଛନ୍ତି ।
- " class="align-text-top noRightClick twitterSection" data="">
'ସରକାରୁ ଭାରୀ ପାଟା'ର ଟ୍ରେଲର ହେଉଛି 2 ମିନିଟ୍ 36 ସେକେଣ୍ଡର, ଯେଉଁଥିରେ ଆକ୍ସନ୍ ସିନ ଭରି ହୋଇରହିଛି । ଟ୍ରେଲର ଆରମ୍ଭ ଜବରଦସ୍ତ ଆକ୍ସନରୁ ଆରମ୍ଭ ହେଉଛି, ଯାହା ଫିଲ୍ମର ଏକ ଛୋଟଝଲକ । ଟ୍ରେଲରଟି ଏକ ଚାବି ଗୁଚ୍ଛାରୁ ଆରମ୍ଭ ହୋଇଛି, ଯାହା ଲଢେଇରେ ମହେଶ ବାବୁଙ୍କର ଅସ୍ତ୍ର ଅଟେ ଏବଂ ଅଭିନେତା ତାଙ୍କ ଶତ୍ରୁମାନଙ୍କୁ ଧୂଳି ଚଟାଇ ଦିଅନ୍ତି । ତେବେ ଆକ୍ସନ୍ ସହିତ ରୋମାନ୍ସ ଏବଂ କମେଡି ମଧ୍ୟ ଯୋଡି ହୋଇଛି । ମହେଶ ବାବୁ ଏବଂ କିର୍ତ୍ତୀ ସୁରେଶଙ୍କର ସୁନ୍ଦର ସିନ ଅଛି, ଯେଉଁଥିରେ ଉଭୟଙ୍କ କେମେଷ୍ଟ୍ରି ସ୍ପଷ୍ଟ ଦେଖାଯାଉଛି ।
ଫିଲ୍ମର କାହାଣୀ
ଏହି ଚଳଚ୍ଚିତ୍ରରେ ମହେଶ ବାବୁ ଜଣେ ବ୍ୟାଙ୍କ ମ୍ୟାନେଜର ଭୂମିକାରେ ଅଭିନୟ କରୁଛନ୍ତି, ଯିଏ ବ୍ୟାଙ୍କ ଠକେଇର ଶିକାର ହେଉଛନ୍ତି। ଏହି ବ୍ୟକ୍ତି ଜଣେ ପ୍ରସିଦ୍ଧ ଶିଳ୍ପପତି, ଯିଏ 100 କୋଟି ଟଙ୍କା ଠକିବା ପରେ ଦେଶ ଛାଡି ପଳାଇଥିଲେ। ବର୍ତ୍ତମାନ ମହେଶ ବାବୁ ଏହାକୁ ଦେଶକୁ ଫେରାଇ ଆଣିବା ପାଇଁ ଏକ ମିଶନ ସହିତ ବିଦେଶ ଯାଇଛନ୍ତି । ବର୍ତ୍ତମାନ ସେ କିପରି ଏହି ବ୍ୟବସାୟୀଙ୍କୁ ଧରୁଛନ୍ତି, ତାହା ଫିଲ୍ମ ରିଲିଜ୍ ପରେ ହିଁ ଜଣାପଡିବ ।
କେବେ ରିଲିଜ୍ ହେବ ଚଳଚ୍ଚିତ୍ର
ଫିଲ୍ମ 'Sarkaru Vaari Paata' ମେ 12 ରେ ପ୍ରେକ୍ଷାଳୟରେ ମୁକ୍ତିଲାଭ କରୁଛି । ଏହି ଚଳଚ୍ଚିତ୍ରଟି ପରଶୁରାମ ପେଟଲାଙ୍କ ଦ୍ୱାରା ନିର୍ଦ୍ଦେଶିତ ଏବଂ ଏଥିରେ ମହେଶ ବାବୁଙ୍କ ସହ କିର୍ତ୍ତୀ ସୁରେଶ ଅଭିନୟ କରିବେ। ଫିଲ୍ମରେ ଉଭୟଙ୍କର ସୁନ୍ଦର ରୋମାଣ୍ଟିକ୍ ସିନ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
