ବିଚ୍ଛେଦର ବର୍ଷକ ପରେ ପୁଣି ଏକାଠି ନଜର ଆସିବେ ନାଗା-ସାମନ୍ଥା !

ସାମନ୍ଥା ରୁଥ୍ ପ୍ରଭୁ ଓ ନାଗା ଚୈତନ୍ୟ ଛାଡପତ୍ର ପରେ ପୁଣି ଏକାଠି ନଜର ଆସିବେ । ଦୁହେଁ ମିଶି ଏକ ପ୍ରୋଜେକ୍ଟରେ କାମ କରୁଛନ୍ତି । ତେବେ ଆଗକୁ ଦୁହିଁଙ୍କୁ ଏକାଠି କୌଣସି ଫିଲ୍ମରେ ଦେଖିବାକୁ ମିଳିବ । ଅଧିକ ପଢନ୍ତୁ

ହାଇଦ୍ରାବାଦ: ସାଉଥ୍ ସୁପରଷ୍ଟାର ନାଗା ଚୈତନ୍ୟ ଓ ସାମନ୍ଥା ରୁଥ ପ୍ରଭୁଙ୍କ ଭିତରେ ବିବାହ ବିଚ୍ଛେଦକୁ ନେଇ କିଛି ମାସ ପୂର୍ବରୁ ଖବର ଆସିଥିଲା । ଦୁହେଁ ଗଣମାଧ୍ୟମରେ ଏହି ଖବରକୁ ସୁନିଶ୍ଚିତ କରିବା ସହିତ ଫ୍ୟାନ୍ସଙ୍କୁ ମଧ୍ୟ ବଡ ଝଟକା ଦେଇଥିଲେ । ହେଲେ ବର୍ତ୍ତମାନ ସେମାନେ ପୁଣି ଥରେ ଏକାଠି ହେବା ଖବର ସାମ୍ନାକୁ ଆସିଛି । ବିଚ୍ଛେଦ ହେବା ପରେ ଅଟୋ- ଇମ୍ୟୁନୋ ରୋଗରେ ପୀଡିତ ହୋଇ ଚିକିିତ୍ସିତ ହେଉଥିବା ନିଜେ ସାମନ୍ଥା ସୋସିଆଲ ମିଡିଆରେ ପୋଷ୍ଟ କରିଥିଲେ । ଏହି ଖବର ସାମ୍ନାକୁ ଆସିବା ପରେ ସମସ୍ତେ ତାଙ୍କ ପାଇଁ ଚିନ୍ତିତ ଥିଲେ ।

ଏପରିକି ସାମନ୍ଥା ଯେତେବେଳେ ଏହି ପୋଷ୍ଟ ସେୟାର କରିଥିଲେ, ସେତେବେଳେ ପୂର୍ବତନ ସ୍ବାମୀ ନାଗା ଚୈତନ୍ୟ ଏବଂ ତାଙ୍କ ପିତା ନାଗାର୍ଜୁନ ତାଙ୍କୁ ଦେଖା କରିବାକୁ ପ୍ଲାନ କରିଥିଲେ । ତେବେ ବର୍ତ୍ତମାନ ପର୍ଯ୍ୟନ୍ତ ଉଭୟ ସାମନ୍ଥାଙ୍କୁ ଭେଟିଛନ୍ତି କି ନାହିଁ ସେ ସମ୍ପର୍କରେ କୌଣସି ସୂଚନା ମିଳିନାହିଁ । ଏହା ନିଶ୍ଚିତ ଯେ ନାଗା ଚୈତନ୍ୟ ସାମନ୍ଥାଙ୍କୁ ଫୋନ୍‌ କରି ତାଙ୍କ ସ୍ବାସ୍ଥ୍ୟ ବିଷୟରେ ପଚାରି ବୁଝିଛନ୍ତି ।

ସାମନ୍ଥା-ନାଗାଙ୍କୁ ଏକାଠି ଦେଖିବାକୁ ମିଳିପାରେ

ବଲିଉଡ ଲାଇଫ ରିପୋର୍ଟ ଅନୁଯାୟୀ, ଉଭୟ ସାମନ୍ଥା ରୁଥ ପ୍ରଭୁ ଏବଂ ନାଗା ଚୈତନ୍ୟଙ୍କ ଛାଡପତ୍ର ପରଠାରୁ ପରସ୍ପର ସହିତ ପ୍ରଫେସନାଲ ବ୍ୟବହାର କରୁଛନ୍ତି । କୁହାଯାଉଛି ଯେ, ବର୍ତ୍ତମାନ ଉଭୟ ଏକାଠି ମିଶି ଏକ ପ୍ରୋଜେକ୍ଟରେ କାମ କରିବେ । ଅର୍ଥାତ, ପ୍ରଶଂସକମାନେ ପୁଣି ଥରେ ବଡ଼ ପରଦାରେ ଉଭୟଙ୍କ ଯୋଡି ଦେଖିବାକୁ ପାଇବେ । ବଲିଉଡ ଲାଇଫକୁ ସୂଚନା ପ୍ରଦାନ କରି ସୂତ୍ର କହିଛି, "ପ୍ରଶଂସକଙ୍କ ମଧ୍ୟରେ ଏହି ଯୋଡି କେତେ ହିଟ୍ ହୋଇଛି ତାହା ଉଭୟ ଭଲ ଭାବରେ ଜାଣିଛନ୍ତି । ନାଗା ଚୈତନ୍ୟ ସାମନ୍ଥାଙ୍କ ପ୍ରତି ଯେପରି ଚିନ୍ତା ପ୍ରକଟ କରିଛନ୍ତି, ଏଥିରୁ ସ୍ପଷ୍ଟ ଯେ ଛାଡପତ୍ର ପରେ ମଧ୍ୟ ଉଭୟଙ୍କ ମଧ୍ୟରେ ବନ୍ଧୁତା ରହିଛି । ଉଭୟ ପରସ୍ପର ସହିତ ବୃତ୍ତିଗତ ଭାବରେ କାମ କରିବାକୁ ଚାହାଁନ୍ତି ।"

ଉଲ୍ଲେଖନୀୟ ଯେ, ଦୀର୍ଘ ଦିନ ଦୁହେଁ ପରସ୍ପରକୁ ଡେଟ୍ କରିବା ପରେ ସାମନ୍ଥା ଏବଂ ନାଗା ଚୈତନ୍ୟ ବିବାହ କରିଥିଲେ । ଉଭୟ ଏକାଠି ଅନେକ ଫିଲ୍ମରେ ନଜର ଆସିଛନ୍ତି । ପ୍ରଶଂସକଙ୍କ ମଧ୍ୟ ସେମାନଙ୍କ ଯୋଡିକୁ ବହୁତ ପସନ୍ଦ କରନ୍ତି । ଉଭୟ 'ଓଃ ବେବି', 'ମଜିଲି' ଏବଂ 'ୟେ ମାୟା ଚେସାବେ' ଭଳି ହିଟ୍ ଫିଲ୍ମ ଦେଇଛନ୍ତି । 2021 ମସିହାରେ ଉଭୟ ଗଣମାଧ୍ୟମରେ ଛାଡପତ୍ର ହେବା ନେଇ ଖବର ଦେଇଥିଲେ । ଏକ ସୋସିଆଲ ମିଡିଆ ପୋଷ୍ଟ ଜରିଆରେ ପ୍ରଶଂସକଙ୍କ ଝଟକା ଦେଇ କହିଥିଲେ କି, ସେମାନେ ନିଜ ନିଜ ରାସ୍ତା ଅଲଗା କରିନେଇଛନ୍ତି ।