ମୁମ୍ବାଇ: ବଲିଉଡ ସୁପରଷ୍ଟାର ସଲମାନ ଖାନ ସୋସିଆଲ ମିଡିଆରେ ନିଜ ତଥା ତାଙ୍କ ପ୍ରଡକ୍ସନ ହାଉସ ପକ୍ଷରୁ ଏକ ଅଫିସିଆଲ ନୋଟିସ ଜାରି କରିଛନ୍ତି । ଏଥିରେ ସ୍ପଷ୍ଟ କରାଯାଇଛି ଯେ ସେ କିମ୍ବା ତାଙ୍କ ପ୍ରଡକ୍ସନ୍ ହାଉସ୍ ବର୍ତ୍ତମାନ କୌଣସି ଫିଲ୍ମ ପାଇଁ କାଷ୍ଟିଂ କରୁନାହାଁନ୍ତି । ଏଥିସହ ସେ କହିଛନ୍ତି ଯେ ଯଦି ତାଙ୍କ ନାଁର କିମ୍ବା ତାଙ୍କ କମ୍ପାନୀର ନାମର ଅପବ୍ୟବହାର କରନ୍ତି, ତେବେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
ସଲମାନ ଖାନ ତାଙ୍କ ଇନ୍ଷ୍ଟାଗ୍ରାମରେ ତାଙ୍କ ପ୍ରଶଂସକଙ୍କ ସହ ଏହି ନୋଟିସ ସେୟାର କରିଛନ୍ତି । ଯେଉଁଥିରେ ସୂଚନା ଦିଆଯାଇଛି ଯେ, ସଲମାନ ଖାନ କିମ୍ବା ସଲମାନ ଖାନ ଫିଲ୍ମସ ବର୍ତ୍ତମାନ କୌଣସି ଫିଲ୍ମ ପାଇଁ କାଷ୍ଟିଂ କରୁନାହାଁନ୍ତି । ଭବିଷ୍ୟତର କୌଣସି ଫିଲ୍ମ ପାଇଁ ଆମେ କାଷ୍ଟିଂ ଏଜେଣ୍ଟଙ୍କୁ ନିଯୁକ୍ତି ଦେଇନାହୁଁ । ଦୟାକରି, ଯଦି ଆପଣ କାଷ୍ଟିଂ ସମ୍ବନ୍ଧୀୟ କୌଣସି ମେଲ୍ କିମ୍ବା ମେସେଜ ପାଆନ୍ତି, କୌଣସି ମେଲ୍ କିମ୍ବା ମେସେଜକୁ ବିଶ୍ବାସ କରନ୍ତୁ ନାହିଁ। ଯଦି କେହି ସଲମାନ ଖାନ ଏବଂ ସଲମାନ ଖାନ ଫିଲ୍ମସ ନାମ ବ୍ୟବହାର କରୁଛନ୍ତି ତେବେ ତାଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
2020 ପୂର୍ବରୁ ମଧ୍ୟ ଖବର ସାମ୍ନାକୁ ଆସିଥିଲା ଯେ, ସଲମାନ ଖାନ୍ ତାଙ୍କ ଚଳଚ୍ଚିତ୍ର ପାଇଁ କାଷ୍ଟିଂ କରୁଛନ୍ତି ଏବଂ ସେ କାଷ୍ଟିଂ ଏଜେଣ୍ଟ ନିଯୁକ୍ତ କରିଛନ୍ତି । କିନ୍ତୁ ସେହି ସମୟରେ ସଲମାନ ଖାନ ଏହି ସବୁ ଖବର ଗୁଜବ ବୋଲି କହିଥିଲେ । ସେହି ସମୟରେ ବି ସଲମାନ କହିଥିଲେ ଯେ ଏଭଳି ଗୁଜବକୁ ବିଶ୍ୱାସ କରନ୍ତୁ ନାହିଁ । ଏବେ ପୁଣି ସେହିଭଳି ଘଟଣାର ପୁନରାବୃତ୍ତି ହୋଇଥିବାରୁ ସଲମାନ ବର୍ତ୍ତମାନ ଅଫିସିଆଲ ନୋଟିସ ଜାରି କରିଛନ୍ତି ।
ଏହା ମଧ୍ୟ ପଢନ୍ତୁ: ସରିଛି ସ୍କ୍ରିପ୍ଟିଂ ଶୀଘ୍ର ଆରମ୍ଭ ସୁଟିଂ, ପୁଣି ଡେଭିଲ ସାଜି ବଡ଼ ପରଦାକୁ ଫେରିବେ ଭାଇଜାନ
ସଲମାନ ଖାନଙ୍କ ୱାର୍କପ୍ରଣ୍ଟ ବିଷୟରେ କହିବାକୁ ଗଲେ ସେ ରିଆଲିଟି ଶୋ' ବିଗ୍ ବସ୍ OTT 2ରେ ସଲମାନଙ୍କୁ ଦେଖିବାକୁ ମିଳିଛି । ଅଭିନେତାଙ୍କ ଚଳଚ୍ଚିତ୍ର ବିଷୟରେ କହିବାକୁ ଗଲେ, ତାଙ୍କୁ ଶେଷ ଥର ପାଇଁ 'କିସି କା ଭାଇ କିସି କି ଜାନ'ରେ ଦେଖିବାକୁ ମିଳିଥିଲା । ଫିଲ୍ମଟି ଲୋକପ୍ରିୟତା ହାସଲ କରିବାରେ ସଫଳ ହୋଇ ପାରିନଥିଲା । ଯାହା ଫଳରେ ଫିଲ୍ମଟି ବକ୍ସ ଅଫିସରେ ଫ୍ଲଫ୍ ହୋଇଥିଲା ।
ତେବେ ବର୍ତ୍ତମାନ ସଲମାନ ଖାନ ମନୀଶ ଶର୍ମାଙ୍କ ଦ୍ୱାରା ନିର୍ଦ୍ଦେଶିତ ଆଗାମୀ ଫିଲ୍ମ ଟାଇଗର 3ରେ ନଜର ଆସିବେ । ଫିଲ୍ମର ସୁଟିଂ ଚାଲିଛି । ଏହି ଚଳଚ୍ଚିତ୍ରରେ ସଲମାନଙ୍କ ବିପକ୍ଷରେ କ୍ୟାଟ୍ରିନା କୈଫଙ୍କୁ ଦେଖିବାକୁ ମିଳିବ । ଫିଲ୍ମରେ ଇମ୍ରାନ ହାଶମୀ ମଧ୍ୟ ନଜର ଆସିବେ । ଏହି ଫିଲ୍ମରେ ଇମ୍ରାନଙ୍କୁ ଖଳନାୟକ ଭୂମିକାରେ ଦେଖିବାକୁ ମିଳିବ । ଏଥିସହ ଏହି ଆକ୍ସନ୍ ପ୍ୟାକ୍ ହୋଇଥିବା ଫିଲ୍ମରେ ଶାହାରୁଖ ଖାନ ମଧ୍ୟ ପଠାନ ଭାବେ କ୍ୟାମିଓ ରୋଲରେ ଦେଖିବାକୁ ମିଳିବ । ଫିଲ୍ମଟି ଚଳିତବର୍ଷ ଦୀପାବଳୀରେ ରିଲିଜ କରିବ।
