ହାଇଦ୍ରାବାଦ: 'ଆନିମଲ' ପରେ ବର୍ତ୍ତମାନ ପୋଲିସ ଭୂମିକାରେ ଦର୍ଶକଙ୍କ ମନ ଜିତିବାକୁ ଆସୁଛନ୍ତି ବଲିଉଡ ଅଭିନେତା ରଣବୀର କପୁର । ଅଭିନେତାଙ୍କୁ ନିକଟରେ କିଛି ଫଟୋ ସୋସିଆଲ ମିଡିଆରେ ବେଶ ଭାଇରାରଲ ହେଉଛି । ଯେଉଁଥିରେ ସେ ପୋଲିସ ୟୁନିଫର୍ମ ଲୁକରେ ନଜର ଆସିଛନ୍ତି । ଏଥିସହ ସେ ବଲିଉଡ ଲୋକପ୍ରିୟ ନିର୍ଦ୍ଦେଶକ ରୋହିତ ଶେଟ୍ଟୀଙ୍କ ସହ ପୋଜ ଦେଇଥିବା ମଧ୍ୟ ଦେଖିବାକୁ ମିଳିଛି । ତେବେ ବର୍ତ୍ତମାନ ରଣବୀର ରୋହିତ ଶେଟ୍ଟୀଙ୍କ କପ୍ ୟୁନିଭର୍ସରେ ସାମିଲ ହୋଇଥିବା କୁହାଯାଉଛି । କିନ୍ତୁ ଫଟୋ ଫଛର ସତ୍ୟତା ଭିନ୍ନ ରହିଛି ।
ରଣବୀର କପୁର ପୋଲିସ ୟୁନିଫର୍ମ ସହ ରୋହିତ ଶେଟ୍ଟୀଙ୍କ ସହ ସୁଟିଂ କରିଛନ୍ତି । ହେଲେ ଏହା କୌଣସି ଫିଲ୍ମ ପାଇଁ ନୁହଁ ବା ରୋହିତଙ୍କ କପ ୟୁନିଭର୍ସ ପାଇଂ ନୁହଁ ବରଂ ଏକ ବିଜ୍ଞାପନ ପାଇଁ ଉଭୟ ଏକାଠି ସୁଟିଂ କରିଛନ୍ତି । ପୋଲିସ ଅଧିକାରୀ ରୂପରେ ରଣବୀରଙ୍କ ଏହି ଫଟୋ ଏକ୍ସରେ ତାଙ୍କ ଫ୍ୟାନ ପେଜରେ ସେୟାର କରାଯାଇଛି । ଗୋଟିଏ ଫଟୋରେ ରଣବୀର ଚେୟାର ଉପରେ ବସି ସଟ୍ ପାଇଁ ଅପେ? କରୁଥିବା ନଜର ଆସିଛନ୍ତି । ଏଥିସହ ଆଉ ଏକ ଫଟୋରେ ରଣବୀର ସେଟରେ ଚାଲୁଥିବାର ନଜର ଆସିଛନ୍ତି । ଆଉ ଏକ ଫଟୋରେ ସେ ରୋହିତଙ୍କ ସହ ପୋଜ ଦେଇଛନ୍ତି ।
ଏହି ଫଟୋ ସୋସିଆଲ ମିଡିଆରେ ଭାଇରାଲ ହେବା ପରେ ଫ୍ୟାନ୍ସ କମେଣ୍ଟ ବର୍ଷା କରିଛନ୍ତି ଏବେ ରଣବୀରଙ୍କୁ ଏହି ଲୁକରେ ଦେଖି ଫିଦା ହୋଇଛନ୍ତି । ସମସ୍ତେ ରଣବୀରଙ୍କୁ ପୋଲିସ ଭୂମିକାରେ ଦେଖିବାକୁ ଡିମାଣ୍ଡ କରିଛନ୍ତି । ଜଣେ ଫ୍ୟାନ ଲେଖିଛନ୍ତି, ରଣବୀର ପୋଲିସବାଲା ହୋଇ ଏକ ଫିଲ୍ମ କରିବା ଦରକାର । କହିରଖୁଖୁ କି, ନିକଟରେ ରୋହିତ ଶେଟ୍ଟୀ 'ପୁଲିସ' ଶୀଘ୍ର ରିଲିଜ ହେବ । ଯେଉଁଥିରେ ସିଦ୍ଧାର୍ଥ ମଲହୋତ୍ରା, ଶିଳ୍ପା ଶେଟ୍ଟୀ, ବିବେକ ଅବରୋଏ ପରି ତାରକା ଓଟିଟିରେ ଏହି ଫିଲ୍ମ ସହ ଡେବ୍ୟୁ କରିବାକୁ ଯାଉଛନ୍ତି ।
ଏହା ମଧ୍ୟ ପଢନ୍ତୁ: 'ଆନିମଲ ପାର୍କ': ଏହି ଦିନରୁ ଆରମ୍ଭ ସୁଟିଂ, ୩ୟ ଭାଗ ବି ଆସିବା ନେଇ ହିଣ୍ଟ୍ ହେଲ ସନ୍ଦୀପ
ରଣବୀର କପୁରଙ୍କ ବିଷୟରେ କହିବାକୁ ଗଲେ, ରଣବୀରଙ୍କ ଫିଲ୍ମ 'ଆନିମଲ'ର ସଫଳତାକୁ ଉପଭୋଗ କରୁଛନ୍ତି । ଗତବର୍ଷ ଡିସେମ୍ବର ୧ରେ ଏହି ଫିଲ୍ମ ରିଲିଜ କରିଥିଲା । ଏହି ଫିଲ୍ମ ରିଲିଜର ୩୪ ଦିନ ପରେ ବି ବକ୍ସ ଅଫିସରେ ତାର ଜଲୱା ଜାରି ରଖିଛି । ଆନିମଲ ଭାରତୀୟ ବକ୍ସ ଅଫିସରେ ୫୪୭ କୋଟି ଆୟ କରିଥିବା ବେଳେ ବିଶ୍ବରେ ୮୯୪ କୋଟି ଆୟ କରି ସଫଳତା ହାସଲ କରିଚି । ଖୁବଶୀଘ୍ର ୯୦୦କୋଟି ଇତିହାସ ରଚିବାକୁ ପ୍ରସ୍ତୁତ । ଏହି ଫିଲ୍ମରେ ରଣବୀରଙ୍କ ବ୍ୟତୀତ ରଶ୍ମିକା ମନ୍ଦାନୀ, ଆନୀଲ କପୁର, ବବି ଦେଓଲ ଏବଂ ତ୍ରିପ୍ତୀ ଡିମ୍ରି ପରି ତାରକା ଅଭିନୟ କରିଛନ୍ତି । ଏହି ଫିଲ୍ମର ସମସ୍ତ ଚରିତ୍ରଙ୍କ ଅଭିନୟକୁ ଖୁବ ପ୍ରଶଂସା କରାଯାଉଛି ।
