ମୁମ୍ବାଇ: ରଣବୀର କପୁର ଅଭିନୀତ ତଥା ସନ୍ଦୀପ ରେଡ୍ଡୀ ବାଙ୍ଗାଙ୍କ ଚଳଚ୍ଚିତ୍ର 'ଆନିମଲ୍' ବର୍ଷ ଆରମ୍ଭରୁ 2023ର ବହୁ ପ୍ରତୀକ୍ଷିତ ଚଳଚ୍ଚିତ୍ର ମଧ୍ୟରୁ ଗୋଟିଏ । ଫିଲ୍ମରୁ ରଣବୀର କପୁରଙ୍କ ଲୁକ୍ ରିଲିଜ୍ ହେବା ଦିନ ଠାରୁ ପ୍ରଶଂସକମାନେ ବହୁତ ଉତ୍ସାହିତ ହୋଇ ଫିଲ୍ମର ଟିଜରକୁ ଅପେକ୍ଷା କରି ରହିଛନ୍ତି । ପୂର୍ବରୁ ସଙ୍କେତ ମିଳୁଥିଲା ଯେ, ସେପ୍ଟେମ୍ବର ଶେଷ ସୁଦ୍ଧା ଟିଜର ଲଞ୍ଚ ହୋଇପାରେ, ଯାହା ରଣବୀରଙ୍କ ଜନ୍ମଦିନ (ସେପ୍ଟେମ୍ବର 28)କୁ ଇଶାରା ଦେଉଥିଲା । ବର୍ତ୍ତମାନ ଏକ ଅପଡେଟରୁ ଜଣାପଡିଛି ଯେ ଟିଜର ପ୍ରକୃତରେ ସେପ୍ଟେମ୍ବର 28ରେ ଲଞ୍ଚ ହେବ ।
ବାଣିଜ୍ୟ ବିଶ୍ଳେଷକ ତରଣ ଆଦର୍ଶ x (ଟ୍ବିଟର)ରେ ଏହି ଖବରକୁ ନିଶ୍ଚିତ କରି କହିଛନ୍ତି କି, ରଣବୀର କପୁରଙ୍କ ଆନିମଲର ଟିଜର ସେପ୍ଟେମ୍ବର 28ରେ ଆସିବ । ପୂରା ଟିମ୍ ରଣବୀର କପୁରଙ୍କ ଜନ୍ମଦିନରେ ଆନିମଲର ଟିଜରକୁ ଉନ୍ମୋଚନ କରିବେ । ନିର୍ଦ୍ଦେଶକ ସନ୍ଦୀପ ରେଡ୍ଡୀ ବାଙ୍ଗାଙ୍କ ଫିଲ୍ମ 1 ଡିସେମ୍ବର 2023ରେ ପ୍ରେକ୍ଷାଳୟକୁ ଆସିବ । ଫିଲ୍ମର ନିର୍ଦ୍ଦେଶକ ସନ୍ଦୀପ ରେଡ୍ଡୀ ଭଙ୍ଗା ମଧ୍ୟ ଏହି ସୂଚନା ତାଙ୍କ ସୋସିଆଲ ମିଡିଆ ହ୍ୟାଣ୍ଡେଲରେ ସେୟାର କରିଛନ୍ତି ।
ନିକଟରେ ଏକ ସାକ୍ଷାତକାରରେ ଫିଲ୍ମର ନିର୍ମାତା ଭୂଷଣ କୁମାର ଏହାର କାଷ୍ଟ କାରଣରୁ ବକ୍ସ ଅଫିସରେ ଏକ ବଡ଼ ହିଟ୍ ହେବାର ସମ୍ଭାବନା ଉପରେ ଭରସା ଦେଖାଇଥିଲେ । ଯେତେବେଳେ ଭୂଷଣ କୁମାରଙ୍କୁ ପଚରାଯାଇଥିଲା କି ରଣବୀର କପୁରଙ୍କ ଜନ୍ମଦିନରେ ଆନିମଲର ଟିଜର ରିଲିଜ ହେବ କି ନାହିଁ, ସେତେବେଳେ ସେ ପରୋକ୍ଷରେ ସୂଚିତ କରିଥିଲେ ଯେ ପ୍ରଶଂସକମାନେ ଏହା ଉପରେ ସମ୍ପୂର୍ଣ୍ଣ ଭାବରେ ଆଶା ରଖିପାରିବେ । 'ତୁ ଝୁଠି ମେଁ ମକ୍କାର' ପରେ ଆନିମଲ ଚଳିତ ବର୍ଷ ତାଙ୍କର ଦ୍ୱିତୀୟ ଫିଲ୍ମ ହେବ, ଯାହା ମୁକ୍ତିଲାଭ କରିବ।
ଏହା ମଧ୍ୟ ପଢନ୍ତୁ: ବାହା ହେବେ କିର୍ତ୍ତୀ ସୁରେଶ ! ପ୍ରତିକ୍ରିୟା ରଖିଲେ ଅଭିନେତ୍ରୀଙ୍କ ବାପା
ଫିଲ୍ମର ରିଲିଜ୍ ବିଷୟରେ ଭୂଷଣ କୁମାର କହିଛନ୍ତି, ‘‘ଆମେ ବହୁତ ଉତ୍ସାହିତ ଏବଂ ଦର୍ଶକମାନେ ମୋ ଅପେକ୍ଷା ଅଧିକ ଉତ୍ସାହିତ ଅଛନ୍ତି । ଏହି ଚଳଚ୍ଚିତ୍ରରେ ସବୁକିଛି ଅଛି । ଏହା ଏକ ଫୁଲ୍ ଅନ୍ ଏଣ୍ଟରଟେନମେଣ୍ଟ । ଏହା ଏକ ସମ୍ପୂର୍ଣ୍ଣ ପ୍ୟାନ୍ ଇଣ୍ଡିଆ ଫିଲ୍ମ । ଯେଉଁଠାରେ ଡ୍ରାମା, ଆକ୍ସନ୍, ଷ୍ଟୋରୀ ଜବରଦସ୍ତ ରହିଛି । ସବୁଠୁ ଖାସ କଥା ହେଉଛି, ରଣବୀର କପୁରଙ୍କ ଏହି ଚମତ୍କାର ପ୍ରଦର୍ଶନ ପୂର୍ବରୁ ଦେଖାଯାଇ ନଥିଲା । ଅନିଲ କପୁର, ବବି ଦେଓଲ ଏବଂ ଅନ୍ୟ ସମସ୍ତେ ଏଥିରେ ଚମତ୍କାର ଅଭିନୟ କରିଛନ୍ତି ।’’
ରଣବୀର କପୁରଙ୍କ ସହ ଅନିଲ କପୁର, ବବି ଦେଓଲ ଏବଂ ରଶ୍ମିକା ମନ୍ଦନାଙ୍କ ସମେତ ଅନେକ ଭେଟେରାନ ତାରକା 'ଆନିମଲ'ରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଫିଲ୍ମର ପୋଷ୍ଟରରେ ରଣବୀର କପୁରଙ୍କୁ ରକ୍ତରେ ଭିଜିଯାଇଥିବା ଏବଂ ଭୟଙ୍କର ଅନ୍ଦାଜରେ ଦେଖିବାକୁ ମିଳିଥିଲା। ଏହି ଚଳଚ୍ଚିତ୍ର ସେପ୍ଟେମ୍ବର 1ରେ ହିନ୍ଦୀ, ତେଲୁଗୁ, ତାମିଲ, କନ୍ନଡ ଏବଂ ମାଲାୟାଲମ୍ ଭାଷାରେ ପ୍ରେକ୍ଷାଳୟରେ ମୁକ୍ତିଲାଭ କରିବ ।
