ହାଇଦ୍ରାବାଦ: ବଲିଉଡ ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ସ୍ବାମୀ ତଥା ନିର୍ମାତା ରାଜ କୁନ୍ଦ୍ରା ଖୁବଶୀଘ୍ର ଫିଲ୍ମ 'UT 69' ରେ ନଜର ଆସିବେ । ଫିଲ୍ମଟି ରାଜ କୁନ୍ଦ୍ରାଙ୍କ ଜୀବନୀ ଉପରେ ଆଧାରିତ ଫିଲ୍ମ ଅଟେ । ଏହି ଫିଲ୍ମ ସହ ସେ ଅଭିନେତା ଭାବେ ଡେବ୍ୟୁ କରିବାକୁ ଯାଉଛନ୍ତି । ବର୍ତ୍ତମାନ ଫିଲ୍ମର ଟ୍ରେଲର ରିଲିଜ ହୋଇଛି । ଏହି ଟ୍ରେଲର ଲଞ୍ଚ ଇଭେଣ୍ଟରେ ରାଜ କୁନ୍ଦ୍ରା ଭାବବିହ୍ବଳ ହୋଇଥିବା ଦେଖିବାକୁ ମିଳିଛି । ଏଥିସହ ଇଭେଣ୍ଟରେ ରାଜ ନିଜ ମାସ୍କ ହଟାଇଥିବା ମଧ୍ୟ ନଜର ଆସିଛନ୍ତି । ତେବେ ସୋସିଆଲ ମିଡିଆରେ ଏହାର ଭିଡିଓ ବେଶ ଭାଇରାଲ ହେବାରେ ଲାଗିଛି ।
ରାଜ କୁନ୍ଦ୍ରାଙ୍କ ଫିଲ୍ମ 'UT 69' ଟ୍ରେଲର ଲଞ୍ଚ ଇଭେଣ୍ଟର ଏକ ଭିଡିଓ ଭାଇରାଲ ହୋଇଛି । ଯେଉଁଥିରେ ରାଜ ନିଜ ପରିବାର ବିଷୟରେ କଥାବାର୍ତ୍ତା କରି ଭାବୁକ ହେବା ସହ କାନ୍ଦୁଥିବା ଦେଖିବାକୁ ମିଳିଛି । ସେ ଭିଡିଓରେ କହୁଛନ୍ତି, 'ଏହି ସହୁ ମୋ ପରିବାର ପାଇଁ ବହୁତ ଦୁଃଖଦାୟକ ଅଟେ । ଯାହା କିଛି ବି କହିବାର ଅଛି ମୋତେ କୁହ, ମୋ ସ୍ତ୍ରୀ ପିଲାଛୁଆଙ୍କୁ ନାହିଁ । କାରଣ ସେମାନେ ତୁମର କିଛି କ୍ଷତି କରିନାହାନ୍ତି ।'
- " class="align-text-top noRightClick twitterSection" data="">
ଫିଲ୍ମର ଟ୍ରେଲର ଆରମ୍ଭରେ ଏକ ମିଡିଆ ଟ୍ରାଏଲରୁ ଦେଖିବାକୁ ମିଳିଛି । ତା’ପରେ ରାଜ କୁନ୍ଦ୍ରା ପୋଲିସଙ୍କ ସହ ଜେଲରେ ଏଣ୍ଟ୍ରି କରନ୍ତି । ସେ ସେମାନଙ୍କ ବନ୍ଦୀମାନଙ୍କ ସହ ରହିବାରେ ଅସୁବିଧାର ସମ୍ମୁଖୀନ ହେଉଛନ୍ତି । ଗୋଟିଏ ସିନରେ ରାଜ କାନ୍ଦୁଥିବା ଦେଖିବାକୁ ମିଳିଛି । ସେପଟେ ଟ୍ରେଲରକୁ ରାଜଙ୍କ ସ୍ତ୍ରୀ ତଥା ଅଭିନେତ୍ରୀ ଶିଳ୍ପା ସେଟ୍ଟୀ ନିଜ ଇନଷ୍ଟାଗ୍ରାମରେ ସେୟାର କରି ଲେଖିଛନ୍ତି, ଶୁଭକାମନା କୁକି, ତୁମେ ଜଣେ ସାହସୀ ବ୍ୟକ୍ତି । ଯାହା ମୁଁ ତୁମ ବିଷୟରେ କହିଆସୁଛି । ଏଠାରେ ତୁମର ଧାରଣା ଏବଂ ସକରାତ୍ମକତା ଦେଖିବାକୁ ମିଳିଛି ।
ଏହା ମଧ୍ୟ ପଢନ୍ତୁ: ପର୍ଣ୍ଣୋଗ୍ରାଫି ମାମଲାରେ ମୁହଁ ଖୋଲିଲେ ରାଜ କୁନ୍ଦ୍ରା, କହିଲେ - '18 ବର୍ଷ ବୟସରେ ପ୍ରଥମ ଥର ପାଇଁ ...'
ସୂଚନା ଥାଉ କି, ଜୁଲାଇ 2021ରେ ପର୍ଣ୍ଣୋଗ୍ରାଫି ଚଳଚ୍ଚିତ୍ର ନିର୍ମାଣ ପାଇଁ ରାଜ କୁନ୍ଦ୍ରାଙ୍କୁ ମୁଖ୍ୟ ଅଭିଯୁକ୍ତ ଭାବେ ମୁମ୍ବାଇ ପୋଲିସ ଗିରଫ କରିଥିଲା । ଯେଉଁଥିପାଇଁ ରାଜ ପ୍ରାୟ 64 ଦିନ ଜେଲରେ ଥିଲେ । ଏବଂ ପରେ ଜାମିନରେ ସେ ବାହାରିଥିଲେ । ବାହାରକୁ ଆସିବା ପରେ ରାଜ ସର୍ବଦା ଗଣମାଧ୍ୟମରୁ ମୁହଁ ଲୁଚାଇ ମାସ୍କ ପିନ୍ଧୁଥିବାର ଦେଖିବାକୁ ମିଳୁଥିଲା । ତେବେ ଫିଲ୍ମରେ ସେ ୨ ମାସ କିପରି ଜେଲରେ ଅତିବାହିତ କରିଛନ୍ତି । ତାହା ଏଥିରେ ଦର୍ଶାଯାଇଛି । ତେବେ ରାଜଙ୍କ ଜୀବନ ଉପରେ ଆଧାରିତ ଏହି ଚଳଚ୍ଚିତ୍ରଟି ନଭେମ୍ବର 3ରେ OTT ପ୍ଲାଟଫର୍ମରେ ମୁକ୍ତିଲାଭ କରିବ । ଫିଲ୍ମର ସୁଟିଂ ମାତ୍ର 18 ଦିନ ମଧ୍ୟରେ ଶେଷ ହୋଇଥିଲା ।
