ହାଇଦ୍ରାବାଦ: କ୍ୟାଟ୍ରିନା କୈଫ, ସିଦ୍ଧାନ୍ତ ଚତୁର୍ବେଦୀ ଏବଂ ଇଶାନ ଖଟ୍ଟରଙ୍କ ଅଭିନୀତ 'ଫୋନ୍ ଭୁତ୍'ର ଟ୍ରେଲର (Phone Bhoot Tralier) ଆଜି(ଅକ୍ଟୋବର 10) ମୁକ୍ତିଲାଭ କରିଛି । କ୍ୟାଟ୍ରିନା କୈଫ ଏକ ସୁନ୍ଦର ଫଟୋ ସେୟାର କରି ଏ ବିଷୟରେ ସୂଚନା ଦେଇଛନ୍ତି । ଏହି ଫିଲ୍ମ ନଭେମ୍ବର ୪ରେ ରିଲିଜ ହେବାକୁ ଯାଉଛି । ଏହାପୂର୍ବରୁ ଫିଲ୍ମଟି ୭ ଅକ୍ଟୋବରରେ ମୁକ୍ତିଲାଭ କରିବାର ଥିଲା ।
- " class="align-text-top noRightClick twitterSection" data="
">
ଫିଲ୍ମର ଟ୍ରେଲର
ଟ୍ରେଲର ଦେଖିବା ପରେ ଜଣା ପଡିଛି ଯେ, କ୍ୟାଟ୍ରିନା କୈଫ ଏକ ଭୁତୁଣୀ ଚରିତ୍ରରେ ଅଛନ୍ତି, ଯିଏ ଆତ୍ମାକୁ ମୁକ୍ତି ଦେବା ପାଇଁ ଇଶାନ ଖଟ୍ଟର ଏବଂ ସିଦ୍ଧାନ୍ତଙ୍କୁ ବାଛନ୍ତି, କାରଣ ଉଭୟଙ୍କ ପାଖରେ ଆତ୍ମାକୁ ଦେଖିବାର ଶକ୍ତି ଅଛି । ଜ୍ୟାକି ଶ୍ରଫ୍ ଆତ୍ମାରାମ ନାମକ ନେଗେଟିଭ୍ ଚରିତ୍ରରେ ଅଭିନୟ କରିଛନ୍ତି । ପୁରା ଟ୍ରେଲର ଭୟଙ୍କର କମେଡିରେ ପରିପୂର୍ଣ୍ଣ ।
ଏହାପୂର୍ବରୁ ଜୁନ୍ ୨୮ରେ କ୍ୟାଟ୍ରିନା କୈଫ ସୋସିଆଲ ମିଡିଆରେ ଫିଲ୍ମର ଏକ ବଡ଼ ପୋଷ୍ଟର ସେୟାର କରି ଏ ବିଷୟରେ ସୂଚନା ଦେଇଥିଲେ । ଫିଲ୍ମର ସେଟରୁ ଅନେକ ଫଟୋ ଏବଂ ଭିଡିଓ ସେୟାର କରାଯାଇଥିଲା । ଏଥିସହିତ ନିକଟରେ ଫିଲ୍ମ 'ଫୋନ୍ ଭୁତ୍'ର ମୋସନ୍ ପୋଷ୍ଟର ମଧ୍ୟ ରିଲିଜ୍ ହୋଇଥିଲା ଯେଉଁଥିରେ ଫିଲ୍ମର ରିଲିଜ୍ ତାରିଖ ଖୁବ୍ ଶୀଘ୍ର ଘୋଷଣା କରାଯିବ ବୋଲି କୁହାଯାଇଥିଲା ।
ଏହାପୂର୍ବରୁ ଜୁନ୍ ୨୭ରେ କ୍ୟାଟ୍ରିନା ସୋସିଆଲ ମିଡିଆରେ ତାଙ୍କ ପ୍ରୋଜେକ୍ଟ ବିଷୟରେ ଏକ ବଡ ଅପଡେଟ୍ ଦେଇଥିଲେ । ଅଭିନେତ୍ରୀ ତାଙ୍କ ଅଫିସିଆଲ୍ ଇନଷ୍ଟାଗ୍ରାମ ହ୍ୟାଣ୍ଡେଲରେ ଫିଲ୍ମର ମୋସନ ପୋଷ୍ଟର ସେୟାର କରିଥିଲେ । ବର୍ତ୍ତମାନ ସେ ଫିଲ୍ମର ପୋଷ୍ଟର ସେୟାର କରି ଲେଖିଛନ୍ତି, ''ଫୋନ୍ ଭୂତ ଦୁନିଆରେ ଆପଣଙ୍କୁ ସ୍ୱାଗତ, ୭ ଅକ୍ଟୋବର ୨୦୨୨ରେ ଆପଣଙ୍କ ନିକଟ ପ୍ରେକ୍ଷାଳୟକୁ ଆସୁଛି ।''
ଏକ୍ସେଲ୍ ଏଣ୍ଟରଟେନମେଣ୍ଟ ବ୍ୟାନରରେ ନିର୍ମିତ ଫିଲ୍ମ'ଫୋନ୍ ଭୁତ୍'କୁ ଗୁରୁମିତ ସିଂ ନିର୍ଦ୍ଦେଶନା ଦେଇଛନ୍ତି । ଏହି ଚଳଚ୍ଚିତ୍ରଟି ରିତେଶ ସିଦ୍ଧୱାନୀ ଏବଂ ଅଭିନେତା ଫରହାନ ଅଖତରଙ୍କ ଦ୍ୱାରା ନିର୍ମିତ । କ୍ୟାଟ୍ରିନା କୈଫ, ସିଦ୍ଧାନ୍ତ ଚତୁର୍ବେଦୀ ଏବଂ ଇଶାନ ଖଟ୍ଟର ୨୦୨୨ ମସିହାରେ 'ଫୋନ୍ ବୁତ' ପାଇଁ ସୁଟିଂ ଆରମ୍ଭ କରିଥିଲେ । ଖବର ଅନୁଯାୟୀ, ଫରହାନ ୧୫ ଜୁଲାଇ ୨୦୨୨ରେ ଏହି ଫିଲ୍ମ ରିଲିଜ କରିବାକୁ ଚାହୁଁଥିଲେ । କାରଣ ଏହି ତାରିଖରେ ତାଙ୍କର ହିଟ୍ ଫିଲ୍ମ 'ଜିନ୍ଦେଗୀ ନା ମିଲେଗି ଦୋବାରା' ରିଲିଜ୍ ହୋଇଥିଲା, ଯାହା ବକ୍ସ ଅଫିସରେ ଭଲ ପ୍ରଦର୍ଶନ କରିଥିଲା ।
