ହାଇଦ୍ରାବାଦ: ଟ୍ରୋଲ ହେଲେ ଆଦିପୁରୁଷ ନିର୍ଦ୍ଦେଶକ ଓମ ରାଉତ ଏବଂ ଫିଲ୍ମର ମୁଖ୍ୟ ଅଭିନେତ୍ରୀ କ୍ରିତି ସାନନ। ନିର୍ଦ୍ଦେଶକ ଓମ ରାଉତ ଅଭିନେତ୍ରୀ କ୍ରିତି ସାନନଙ୍କ ଗାଲରେ କିସ୍ କରିଥିଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଫିଲ୍ମ ରିଲିଜ ପୂର୍ବରୁ ତିରୁପତି ପରେ ତିରୁମାଲା ଭେଙ୍କଟେଶ୍ୱର ମନ୍ଦିର ପରିଦର୍ଶନ କରିଛନ୍ତି ଆଦିପୁରୁଷ ଟିମ୍ । ମନ୍ଦିର ପରିସରରେ କ୍ରିତିଙ୍କୁ ନିର୍ଦ୍ଦେଶକ କିସ୍ କରିଥିବାରୁ ଏହାକୁ ବିରୋଧ କରି ଆଖପାଖର ଲୋକ ତଥା ସୋସିଆଲ ମିଡିଆ ୟୁଜର୍ସ ନିର୍ଦ୍ଦେଶକ ତଥା ଅଭିନେତ୍ରୀଙ୍କୁ ଟ୍ରୋଲ କରିଛନ୍ତି ।
-
Actress Kriti Sanon who is playing the role of #Sita in the movie #Aadipurush and director Om Raut offered prayers at the hill abode of #LordVenkateswara atop Tirumala hills this morning. #AndhraPradesh pic.twitter.com/uYqPkyWCc9
— Ashish (@KP_Aashish) June 7, 2023 " class="align-text-top noRightClick twitterSection" data="
">Actress Kriti Sanon who is playing the role of #Sita in the movie #Aadipurush and director Om Raut offered prayers at the hill abode of #LordVenkateswara atop Tirumala hills this morning. #AndhraPradesh pic.twitter.com/uYqPkyWCc9
— Ashish (@KP_Aashish) June 7, 2023Actress Kriti Sanon who is playing the role of #Sita in the movie #Aadipurush and director Om Raut offered prayers at the hill abode of #LordVenkateswara atop Tirumala hills this morning. #AndhraPradesh pic.twitter.com/uYqPkyWCc9
— Ashish (@KP_Aashish) June 7, 2023
'ଆଦିପୁରୁଷ' ରିଲିଜ ପାଇଁ ପୁରା ଟିମ ଜୋରସୋରରେ ପ୍ରସ୍ତୁତି ଚଲାଇଛନ୍ତି । ଫିଲ୍ମ ରିଲିଜ ପର୍ବରୁ ଜୁନ୍ 6ରେ ଆନ୍ଧ୍ରପ୍ରଦେଶର ତିରୁପତିରେ ଫିଲ୍ମର ପ୍ରି-ରିଲିଜ୍ ଇଭେଣ୍ଟ ଅନୁଷ୍ଠିତ ହୋଇଥିଲା ଯେଉଁଠାରେ ଚଳଚ୍ଚିତ୍ର ନିର୍ମାତା ଭୂଷଣ କୁମାର ଏବଂ ନିର୍ଦ୍ଦେଶକ ଓମ୍ ରାଉତ, ଅଭିନେତା ପ୍ରଭାସ ଏବଂ ଅଭିନେତ୍ରୀ କ୍ରିତି ସାନନ୍ ସାମିଲ ହୋଇ ଫିଲ୍ମର ଆକ୍ସନ ଟ୍ରେଲର ଲଞ୍ଚ୍ କରିଥିଲେ । ଏହାପରେ ଆଜି ଫିଲ୍ମର ପୁରା ଟିମ୍ ତିରୁମାଲା ଭେଙ୍କଟେଶ୍ୱର ମନ୍ଦିର ପରିଦର୍ଶନ କରିଛନ୍ତି । ଏହି ସମୟରେ ନିର୍ଦ୍ଦେଶକ ଓମ୍ ରାଉତ ଅଭିନେତ୍ରୀ କ୍ରିତି ସାନନଙ୍କୁ କିସ କରିଥିଲେ । ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯାହାକୁ ନେଇ ନିର୍ଦ୍ଦେଶକ ତଥା ଅଭିନେତ୍ରୀଙ୍କୁ ଟ୍ରୋଲ୍ର ଶିକାର ହେବାକୁ ପଡ଼ିଛି ।
ଲୋକମାନେ କହିଛନ୍ତି ଯେ, ମନ୍ଦିର ନିକଟରେ ଏହି ପ୍ରକାର କାର୍ଯ୍ୟ ସେମାନଙ୍କର ଧାର୍ମିକ ବିଶ୍ୱାସ ଏବଂ ଭାବନାକୁ କ୍ଷତି ପହଞ୍ଚାଇଛି । ଏହା ହେଉଛି ପାଶ୍ଚାତ୍ୟ ସଂସ୍କୃତି, ଯାହା ବଲିଉଡରେ ଅତି ସାଧାରଣ ହୋଇପାରିଛି । କ୍ରିତି ସାନନ୍ ଫିଲ୍ମ 'ଆଦିପୁରୁଷ'ରେ ମାତା ସୀତା ଭୂମିକାରେ ଅଭିନୟ କରିବାକୁ ଯାଉଛନ୍ତି ଏବଂ ଫିଲ୍ମ ରିଲିଜ୍ ହେବା ପୂର୍ବରୁ ଅଭିନେତ୍ରୀ ଫିଲ୍ମରେ ତାଙ୍କ ଲୁକ୍କୁ ନେଇ ଚର୍ଚ୍ଚାରେ ଥିଲେ । ଏବେ ଉଭୟଙ୍କର ଏଭଳି ବ୍ୟବହାରକୁ ଲୋକେ ବିରୋଧ କରୁଛନ୍ତି । ଏହାସହ ପୂର୍ବରୁ ରାମ, ଲକ୍ଷ୍ମଣ ଏବଂ ରାବଣର ଲୁକ୍କୁ ନେଇ ମଧ୍ୟ ନିର୍ଦ୍ଦେଶକଙ୍କୁ ଟ୍ରୋଲ କରାଯାଇଥିଲା । ତେବେ ଜୁନ୍ 16 ରେ ହିନ୍ଦୀ, ତେଲୁଗୁ, ତାମିଲ, ମାଲାୟାଲମ୍ ଏବଂ କନ୍ନଡରେ ରିଲିଜ ହେବାକୁ ଥିବା ଏହି ଫିଲ୍ମକୁ ଦର୍ଶକ କେତେ ପସନ୍ଦ କରୁଛନ୍ତି ତାହା ଦେଖିବାକୁ ବାକି ରହିଲା ।
ତିରୁପତିରେ 'ଆଦିପୁରୁଷ'ର ପ୍ରି-ରିଲିଜ୍ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହାପୂର୍ବରୁ ପ୍ରଭାସ ସକାଳେ ଭଗବାନ ତିରୁପତି ବାଲାଜୀଙ୍କ ଦର୍ଶନ କରି ଆଶୀର୍ବାଦ ନେଇଥିଲେ । ଚିନ୍ନା ଜିଆର ସ୍ବାମୀ ମୁଖ୍ୟ ଅତିଥି ଭାବରେ ଏହି କାର୍ଯ୍ୟକ୍ରମରେ ମଧ୍ୟ ଯୋଗ ଦେଇଥିଲେ । ଏଥିସହ ପୁରା ଷ୍ଟାର୍ କାଷ୍ଟ ସାମିଲ ହୋଇ ଫିଲ୍ମର ଅନ୍ତିମ ଟ୍ରେଲର ରିଲିଜ କରିଥିଲା । ଯାହା ଦର୍ଶକଙ୍କୁ ପସନ୍ଦ ଆସିଛି ।
