ହାଇଦ୍ରାବାଦ: ସଲମାନ ଖାନଙ୍କ ବଡ଼ ଭାଇ ତଥା ଅଭିନେତା ଓ ନିର୍ମାତା ଅରବାଜ ଖାନ ପୁଣି ବିବାହ ବନ୍ଧନରେ ବାନ୍ଧି ହୋଇଛନ୍ତି । ପ୍ରେମିକା ଶୌରା ଖାନଙ୍କ ସହ ଅରବାଜଙ୍କ ୨୪ ଡିସେମ୍ବରରେ ପଡିଛି ହାତଗଣ୍ଠି । ସୋସିଆଲ ମିଡିଆରେ ନିଜ ପତ୍ନୀଙ୍କ ସହ ଫଟୋ ସେୟାର କରି ବିବାହର ଖୁସି ଖବର ଫ୍ୟାନ୍ସଙ୍କ ସହ ସେୟାର କରିଛନ୍ତି ଅଭିନେତା । ଅଭିନେତାଙ୍କ ବିବାହ ମୁମ୍ବାଇର ଅରବାଜଙ୍କ ଭଉଣୀ ଅର୍ପିତା ଖାନ ଶର୍ମାଙ୍କ ବାସଭବନରେ ହୋଇଥିଲା, ଯେଉଁଥିରେ ଖାନ୍ ପରିବାର ଏବଂ କିଛି ବିଶେଷ ସେଲିବ୍ରିଟି ଯୋଗ ଦେଇଥିଲେ ।
ନବ ବିବାହିତ ଅରବାଜ ଶୌରା ଖାନଙ୍କ ସହ ବିବାହ ପରେ ଇନ୍ଷ୍ଟାଗ୍ରାମରେ ନିଜ ଫଟୋ ସେୟାର କରିଛନ୍ତି । ଫଟୋଗୁଡ଼ିକରେ ଅଭିନେତା ତାଙ୍କ ପତ୍ନୀ ଶୌରାଙ୍କ ସହ ରୋମାଣ୍ଟିକ ଅନ୍ଦାଜରେ ନଜର ଆସିଛନ୍ତି । ଏହି ସମୟରେ ଅରବାଜ ଫ୍ଲାଭାର ପ୍ରିଣ୍ଟ ପ୍ୟାଣ୍ଟ ସୁଟ ପିନ୍ଧିଥିବାବେଳେ ଶୌରା ଫ୍ଲାଭାର ଫ୍ରିଣ୍ଟେଡ ଲେହେଙ୍ଗା ପିନ୍ଧିଥିବାର ନଜର ଆସିଥିଲେ । ଫଟୋ ଗୁଡିକ ସେୟାର କରି ଅରବାଜ ଲେଖିଛନ୍ତି, "ମୋର ପ୍ରିୟଜନଙ୍କ ଉପସ୍ଥିତିରେ, ମୁଁ ମୋର ଲାଇଫଟାଇମ ଲଭ୍ ସହ ଆଜିଠାରୁ ନୂଆ ଜୀବନ ଯାତ୍ରା ଆରମ୍ଭ କରିବାକୁ ଯାଉଛି । ଆମର ବିଶେଷ ଦିନରେ ଆପଣଙ୍କର ସମସ୍ତ ଆଶୀର୍ବାଦ ଏବଂ ଶୁଭେଚ୍ଛା ଆବଶ୍ୟକ ।"
ଅରବାଜ-ଶୌରାଙ୍କ ଏହି ବିବାହ ଉତ୍ସବରେ ପରିବାର ସମେତ ଅନେକ ବଲିଉଡ ସେଲିବ୍ରିଟି ନଜର ଆସିଥିଲେ । ବିବାହ ସମାରୋହ ପୂର୍ବରୁ ଅରବାଜଙ୍କ ପିତାମାତା ସଲିମ ଏବଂ ସଲମା ଖାନ, ହେଲେନ, ଭାଇ ସଲମାନ ଏବଂ ସୋହେଲ୍ ଖାନ୍ଙ୍କ ସହ ପୁଅ ନିର୍ବାଣ ଏବଂ ୟୋହାନ ଏବଂ ଭଉଣୀ ଅଲଭିରା ଖାନ୍ ନଜର ଆସିଥିଲେ । ଏଥିସହ ରବୀନା ଟଣ୍ଡନ, ଝିଅ ରାଶା ଥଡାନି, ରିଦ୍ଧିମା ପଣ୍ଡିତ ଏବଂ ରିତେଶ ଦେଶମୁଖ ଏବଂ ତାଙ୍କ ପତ୍ନୀ ଜେନେଲିଆ ଦେଶମୁଖ ମଧ୍ୟ ଉପସ୍ଥିତ ଥିଲେ । ଏହି ଉତ୍ସବରେ ହର୍ଷଦୀପ କୌର ପର୍ଫର୍ମ କରିଥିଲେ ଏବଂ ନବ ବିବାହିତାଙ୍କ ସହ ଫଟୋ ସେୟାର କରି ଉଭୟଙ୍କୁ ବିବାହର ଶୁଭେଚ୍ଛା ଜଣାଇଛନ୍ତି ।
ସେହିପରି ରବୀନା ମଧ୍ୟ ଅରବାଜଙ୍କୁ ବିବାହ ଶୁଭେଚ୍ଛା ଜଣାଇଛନ୍ତି । ସେ ଇନ୍ଷ୍ଟାଗ୍ରାମରେ ଅରବାଜଙ୍କ ସହ ନାଚୁଥିବା ଏକ ଭିଡିଓ ପୋଷ୍ଟ କରିଛନ୍ତି । ଭିଡିଓରେ ରବୀନା ଏବଂ ଶୌରାଙ୍କ ଏକ ଫଟୋ ମଧ୍ୟ ସୋୟାର କରିଛନ୍ତି । ସେ ଫଟୋ ସେୟାର କରି ଲେଖିଛନ୍ତି, "ମୁବାରକ, ମୁବାରକ, ମୁବାରକ ! ତୁମ ଦୁହିଁଙ୍କ ପାଇଁ ବହୁତ ଖୁସି । ଏବେ ତ ପାର୍ଟି ଆରମ୍ଭ । ମିଷ୍ଟର ଏବଂ ମିସେସ ଶୌରା ଅରବାଜ ଖାନ ।"
ଏହା ମଧ୍ୟ ପଢନ୍ତୁ: ଆଜି ଅରବାଜଙ୍କ ଦ୍ବିତୀୟ ବିବାହ ! ଧରିବେ ଆର୍ଟିଷ୍ଟ ଶୌରା ଖାନଙ୍କ ହାତ ?
ସୂଚନା ଥାଉ କି, ଅରବାଜ ପୂର୍ବରୁ ଅଭିନେତା ତଥା ମଡେଲ ମଲାଇକା ଆରୋରାଙ୍କୁ ବିବାହ କରିଥିଲେ । ୨୦୧୬ରେ ଅଲଗା ହେବା ପରେ ସେମାନେ ୨୦୧୭ରେ ଛାଡ଼ପତ୍ର ନେଇଥିଲେ । ଉଭୟଙ୍କ ଏକ ପୁଅ ଅରହାନ ଖାନ ରହିଛନ୍ତି । ଏହା ପରେ ଅରବାଜ କିଛି ସମୟ ପାଇଁ ଜର୍ଜିଆ ଆଣ୍ଡ୍ରିଆନିଙ୍କୁ ଡେଟ୍ କରିଥିଲେ । ଏହାପରେ ସେ ସେଲିବ୍ରିଟି ମେକଅପ୍ ଆର୍ଟିଷ୍ଟ ଶୌରା ଖାନଙ୍କୁ ଡେଟ୍ କରିଥିଲେ । କୁହାଯାଉଛି ଯେ ରବିନା ମୁଖ୍ୟ ଭୂମିକାରେ ଅଭିନୟ କରୁଥିବା ତାଙ୍କ ନୂଆ ଚଳଚ୍ଚିତ୍ର 'ପାଟନା ଶୁକ୍ଲା'ର ସୁଟିଂ କରୁଥିବାବେଳେ ଅରବାଜ ଶୌରାଙ୍କୁ ଭେଟିଥିଲେ । ତେବେ ବର୍ତ୍ତମାନ ଉଭୟ ସାତଜନ୍ମ ପାଇଁ ସାଥୀ ହୋଇଛନ୍ତି ।
