ମୁମ୍ବାଇ: ବଲିଉଡ ଚର୍ଚ୍ଚିତ ଗାୟିକା ନେହା କକ୍କର (Neha Kakkar)ନିକଟରେ ତାଙ୍କ ଗୀତ 'ଓ ସଜନା' (o sajna) ରିଲିଜ କରିଛନ୍ତି । ଏହି ଗୀତରେ ତାଙ୍କ ସହ କୋରିଓଗ୍ରାଫର ଧନଶ୍ରୀ ବର୍ମା ମଧ୍ୟ ନଜର ଆସିଛନ୍ତି । ନେହା କକ୍କରଙ୍କ ଏହି ଗୀତ ଫାଲଗୁନି ପାଠକଙ୍କ ସୁପରହିଟ୍ ଗୀତ 'ମୈନେ ପାୟଲ ହୈ ଛନକାଇ'ର (Maine Payal Hai Chankai) ରିକ୍ରିଏସନ୍ ଅଟେ । ବର୍ତ୍ତମାନ ଏହି ଗୀତକୁ ନେଇ ନେହା କକ୍କର ଗାୟିକା ଫାଲଗୁନି ପାଠକଙ୍କ ପ୍ରଶଂସକଙ୍କ ଟାର୍ଗେଟକୁ ଆସିଛନ୍ତି ।
- " class="align-text-top noRightClick twitterSection" data="">
ସୋସିଆଲ ମିଡିଆରେ ଗାୟିକା ନେହା କକ୍କରଙ୍କୁ ଟ୍ରୋଲ କରାଯାଉଛି । ୟୁଜର୍ସ ନେହା କକ୍କରଙ୍କୁ ଆଇକନିକ୍ ଗୀତ ବରବାଦ କରିଥିବା ଅଭିଯୋଗ କରୁଛନ୍ତି । ଏସବୁ ମଧ୍ୟରେ ଗାୟିକା ଫାଲଗୁନି ମଧ୍ୟ ନେହା କକ୍କରଙ୍କ ଉପରେ ରାଗିଥିବାର ନଜର ଆସିଛନ୍ତି । ଫାଲଗୁନି ଇନଷ୍ଟାଗ୍ରାମରେ ୟୁଜର୍ସଙ୍କ ଦ୍ୱାରା କରାଯାଇଥିବା ଟ୍ରୋଲ କମେଣ୍ଟ ଏବଂ ମିମ୍ସ ଗୁଡ଼ିକୁ କ୍ରମାଗତ ଭାବରେ ସେୟାର କରୁଛନ୍ତି ।
- " class="align-text-top noRightClick twitterSection" data="
">
ଉଲ୍ଲେଖନୀୟ ଯେ, ନିକଟରେ ନେହା କକ୍କର ଫାଲଗୁନି ପାଠକଙ୍କ ସୁପରହିଟ୍ ଗୀତ 'ମୈନେ ପାୟଲ ହୈ ଛନକାଇ'ର ରିମେକ୍ କରିଛନ୍ତି, ତାଙ୍କ ଗୀତର ନାମ ହେଉଛି 'ଓ ସଜନା' ଯାହା ଏକ ନୂଆ ଅବତାର ଏବଂ ମେଲୋଡି ସହିତ ଶ୍ରୋତାଙ୍କ ସାମ୍ନାକୁ ଆସିଛି । ଏହି ଗୀତରେ ନେହା କକ୍କର ଏକ ଡ୍ୟାନ୍ସ ମଧ୍ୟ କରିଛନ୍ତି । ଏହି ମ୍ୟୁଜିକ୍ ଭିଡିଓରେ ଟିଭି ଷ୍ଟାର ପ୍ରିୟଙ୍କା ଶର୍ମା ମଧ୍ୟ ଅଛନ୍ତି ।
ନେହାଙ୍କ ଏହି ଗୀତ ସୋସିଆଲ ମିଡିଆରେ ଅପବ୍ୟବହାର ହେଉଛି । ନେହାଙ୍କ ଏହି ସ୍ୱର ଏବଂ ଗୀତକୁ ପ୍ରଶଂସକମାନେ ହଜମ କରିପାରୁନାହାନ୍ତି । ଏହି ଗୀତଟି 90 ଦଶକର ଏକ ସୁପରହିଟ୍ ଗୀତ, ଯାହାକି ସେହି ସମୟର ପ୍ରତ୍ୟେକଙ୍କ ମୁହଁରେ ଥିଲା । ଫାଲଗୁନି ପାଠକଙ୍କ ଏହି ଗାତକୁ ଆଜି ବି ସବୁ ଲୋକ ଗୁଣୁଗୁଣାନ୍ତି ।
ଫାଲଗୁନି ପାଠକ ଇନଷ୍ଟାଗ୍ରାମରେ ନେହା କକ୍କରଙ୍କୁ ଟ୍ରୋଲ କରୁଥିବା ଅନେକ ମିମ୍ସ ଏବଂ ମେସେଜ ସେୟାର କରିଛନ୍ତି। ଏଥିରୁ ସ୍ପଷ୍ଟ ଯେ ନେହାଙ୍କ ଏହି ପୁନଃନିର୍ମାଣ ବା ରିକ୍ରିଏସନ୍ ଗୀତରେ ସେ ମଧ୍ୟ ଖୁସି ନୁହଁନ୍ତି । ଫାଲଗୁନି ପାଠକ ନିଜ ପ୍ରଶଂସକଙ୍କ ପ୍ରତିକ୍ରିୟାକୁ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ପ୍ରତ୍ୟେକ ପୋଷ୍ଟରେ ନେହାଙ୍କ ଗୀତକୁ ନେଇ ପ୍ରଶ୍ନ ଉଠିଛି। ଦେଖନ୍ତୁ ଏହି ମିମ୍ସ...।
ଜବାବ ରଖିଲେ ନେହା କକ୍କର
ଫାଲଗୁନି ପାଠକ 'ମୈନେ ପାୟଲ ହୈ ଛନକାଇ'ର (Maine Payal Hai Chankai) ଗୀତକୁ ନେଇ ଏବେ ନେହା କକ୍କର ମୁହଁ ଖୋଲିଛନ୍ତି । ୟୁଜର୍ସଙ୍କ ପ୍ରତିକ୍ରିୟାରେ ନେହା ଲେଖିଛନ୍ତି, ମୁଁ ଜୀବନରେ ଯାହା ହାସଲ କରିଛି, ତାହା ଦୁନିଆରେ କମ୍ ଲୋକଙ୍କ ଭାଗ୍ୟରେ ଥାଏ। ମୁଁ ବହୁତ କମ୍ ବୟସରେ ଖ୍ୟାତି, ଅସଂଖ୍ୟ ସୁପରହିଟ୍ ଗୀତ, ସୁପରଡୁପର୍ ହିଟ୍ ଟିଭି ଶୋ, ବିଶ୍ବ ଭ୍ରମଣ, ପିଲାଙ୍କଠୁ ନେଇ 80-90 ବର୍ଷ ପର୍ଯ୍ୟନ୍ତ ପ୍ରଶଂସକ ଏବଂ କ’ଣ ନୁହେଁ ।
କଣ ଆପଣ ଜାଣିଛନ୍ତି କି ଏସବୁ ମୋତେ କିପରି ମିଳିଲା । ଆଜି ଯାହା ଅଛି ସେଥିପାଇଁ ମୁଁ ଭଗବାନଙ୍କୁ ଧନ୍ୟବାଦ ଦେଉଛି । ପ୍ରତିଭା, ଉତ୍ସାହ, କଠିନ ପରିଶ୍ରମ ଏବଂ ସକରାତ୍ମକତା ଉପରେ ମୋତି ଏସବୁ ମିଳିଛି । ମୁଁ ଭଗବାନଙ୍କର ଏକ ବିଶେଷ ସନ୍ତାନ ଏବଂ ଏଥିପାଇଁ ସମସ୍ତଙ୍କୁ ଧନ୍ୟବାଦ ଜଣାଉଛି । ଏହି ବାର୍ତ୍ତା ସହିତ ନେହା କକ୍କର ସମସ୍ତଙ୍କ ସୁଖମୟ ଜୀବନ କାମନା କରିଛନ୍ତି।
