ହାଇଦ୍ରାବାଦ: ବଲିଉଡ ଅଭିନେତ୍ରୀ ନେହା ଧୁପିଆ ସୋସିଆଲ ମିଡିଆରେ ବହୁତ ସକ୍ରିୟ। ଯଦିଓ ତାଙ୍କୁ ଚଳଚ୍ଚିତ୍ରରେ କ୍ୱଚିତ୍ ଦେଖାଯାଏ, କିନ୍ତୁ ସେ ନିଜ ପ୍ରଶଂସକଙ୍କ ସହ ଯୋଡି ରହିବାକୁ ସୋସିଆଲ ମିଡିଆରେ ପୋଷ୍ଟ ସେୟାର କରନ୍ତି । ନେହା ବର୍ତ୍ତମାନ ଦୁଇଟି ସନ୍ତାନର ମାଆ । ଏହା ସତ୍ତ୍ବେ ବି ଲାଇମଲାଇଟରେ ଆସିବାକୁ ସେ କୌଣସି ସୁଯୋଗ ହାତ ଛଡା କରନ୍ତି ନାହିଁ । ନେହା କେତେବେଳେ ନିଜ କାମ ତ କେତେବେଳେ ଫିଟନେସ ଗୋଲକୁ ସୋସିଆଲ ମିଡିଆରେ ସେୟାର କରନ୍ତି । ଅଭିନେତ୍ରୀ ସୋମବାର ଏମିତି ଏକ ଫଟୋ ସେୟାର କରିଛନ୍ତି, ଯାହାକୁ ଦେଖିଲେ ଆପଣ ବି ଖୁସି ହୋଇଯିବେ ।
ନେହା ସୋମବାର ସୋସିଆଲ ମିଡିଆ ଆକାଉଣ୍ଟ ଇନଷ୍ଟାଗ୍ରାମରେ ମୋଟିଭେସନ୍ର ଫଟୋ ସେୟାର କରିଛନ୍ତି । ଏହି ଫଟୋଗୁଡ଼ିକ ବହୁତ ସୁନ୍ଦର ହୋଇଛି, କାରଣ ନେହା ତାଙ୍କ କୁନି ପୁଅ ସହିତ ଫଟୋ ସେୟାର କରିଛନ୍ତି। ଏହି ଫଟୋରେ ନେହା ତାଙ୍କ 6 ମାସର ପୁଅ ଗୁରିକ୍ ସହ ବ୍ୟାୟାମ କରୁଥିବା ଦେଖିବାକୁ ମିଳିଛି।
- " class="align-text-top noRightClick twitterSection" data="
">
ଏହି ଫଟୋଗୁଡିକୁ ସେୟାର୍ କରି ନେହା ଧୁପିଆ କ୍ୟାପସନରେ ଲେଖିଛନ୍ତି, 'My Monday motivation @guriqdhupiabedi' । ନେହାଙ୍କ ଏହି ଫଟୋଗୁଡ଼ିକ ସେମାନଙ୍କ ପ୍ରଶଂସକଙ୍କ ଦୃଷ୍ଟି ଆକର୍ଷଣ କରୁଛି ଏବଂ ସେମାନେ ଏହାକୁ ଦେଖିବା ମାତ୍ରେ ହିଁ ଲାଇକ୍ ଏବଂ କମେଣ୍ଟ ଦେବା ଆରମ୍ଭ କରିଦେଇଛନ୍ତି। ବ୍ୟାୟାମ ସମୟରେ ମାଆ ଏବଂ ପୁଅର ଏହି ବଣ୍ଡିଂକୁ ଦେଖି ପ୍ରଶଂସକମାନେ ବହୁତ ଖୁସି ହୋଇଯାଇଛନ୍ତି ।
ନେହାଙ୍କ ଏହି ଫଟୋରେ ପ୍ରଶଂସକମାନେ ସୁନ୍ଦର, ଆଶ୍ଚର୍ଯ୍ୟଜନକ ଏବଂ କ୍ୟୁଟ ପରି ମନ୍ତବ୍ୟ ଦେଉଛନ୍ତି । କେବଳ ପ୍ରଶଂସକ ନୁହଁନ୍ତି ବଲିଉଡ ସେଲିବ୍ରିଟିମାନେ ମଧ୍ୟ କମେଣ୍ଟ ଦେଉଛନ୍ତି । କ୍ୟାଟ୍ରିନା କୈଫ, କରିସ୍ମା କପୁର ଏବଂ ଦିଆ ମିର୍ଜାଙ୍କ ସମେତ ଅନେକ ବଲିଉଡ ସେଲିବ୍ରିଟି ଏହି ଫଟୋରେ ସୁନ୍ଦର ସୁନ୍ଦର କମେଣ୍ଟ ଦେଇଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
