ମୁମ୍ବାଇ: ସାଉଥ ଅଭିନେତା ବିଜୟ ବର୍ମା ଏବଂ ସାଉଥ ଲେକପ୍ରିୟ ଅଭିନେତ୍ରୀ ତମନ୍ନା ଭାଟ୍ଟିଆ ବର୍ତ୍ତମାନ ଡେଟିଂ କରୁଥିବା ନେଇ ଶିରୋନାମାରେ ରହିଛନ୍ତି । ନୂଆ ବର୍ଷ ପରଠୁ ଏହି କଥାକଥିତ କପଲ୍ ଚର୍ଚ୍ଚାରେ ରହି ଆସିଛନ୍ତି । ଏହି ଲଭ୍ବାର୍ଡ ନୂଆ ବର୍ଷ ଉତ୍ସବରେ 'କିସ' କରୁଥିବା ଭିଡିଓ ଭାଇରାଲ ହୋଇଥିଲା । ଏହା ପରେ ଉଭୟ ଡେଟିଂ କରୁଥିବା ନେଇ ଚର୍ଚ୍ଚା ଜୋର ଧରିଲା । ଉଭୟ ଏପର୍ଯ୍ୟନ୍ତ ସେମାନଙ୍କ ସମ୍ପର୍କ ବିଷୟରେ କୌଣସି ଖୁଲାସା କରିନଥିବା ବେଳେ ଏହି ପ୍ରେମୀ ଯୁଗଳଙ୍କୁ କିନ୍ତୁ ଅନେକ ଥର ଏକାଠି ଦେଖିବାକୁ ମିଳିଛି । ଏହାରି ମଧ୍ୟରେ ବର୍ତ୍ତମାନ ଉଭୟ ମୁଭି ଡେଟ୍ ନାଇଟରେ ସ୍ପଟ୍ ହୋଇଛନ୍ତି । ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି ।
- " class="align-text-top noRightClick twitterSection" data="
">
ଗତକାଲି ରାତ୍ର ବିଜୟ ତମନ୍ନାଙ୍କୁ PVR ଥିଏଟର୍ରୁ ବାହାରୁଥିବା ଦେଖିବାକୁ ମିଳିଛି । ଏହି ସମୟରେ ଲଭବାର୍ଡଙ୍କୁ କାଜୁଆଲ୍ ଲୁକ୍ରେ ଦେଖିବାକୁ ମିଳୁଛି । ବିଜୟ ବ୍ଲାକ୍ ପ୍ୟାଣ୍ଟରେ ହଳଦିଆ ଟି-ସାର୍ଟ ଏବଂ ବ୍ଲୁ-ବ୍ଲାକ୍ ରଙ୍ଗର ହୁଡି ସହ ଟୋପି ପିନ୍ଧିଥିବା ବେଳେ ତମନ୍ନା ସମସ୍ତ ବ୍ଲାକ୍ ଆଉଟ୍ଫିଟ୍ରେ ନଜର ଆସିଛନ୍ତି । ଉଭୟ ମାସ୍କ ପିନ୍ଧିଥିବା ବେଳେ ଥିଏଟରର ପଛ ପାର୍ଶ୍ୱରୁ ବାହାରୁଥିବା ଦେଖିବାକୁ ମିଳିଛି । ଏହି ଭିଡିଓ ଏବେ ବେଶ ଭାଇରାଲ ହେଉଛି ।
ସେପଟେ ଏକ ସାକ୍ଷାତକାରରେ ପୂର୍ବରୁ ବିଜୟଙ୍କ ସହ ସମ୍ପର୍କକୁ ନେଇ ତମନ୍ନାଙ୍କୁ ପ୍ରଶ୍ନ ପଚରାଯାଇଥିଲା । ସେହି ସମୟରେ ତମନ୍ନା କହିଥିଲେ, “ଆମେ ଏକାଠି ଏକ ଫିଲ୍ମ କରିଛୁ । ଏଭଳି ଗୁଜବ ଚାରିଆଡ଼େ ଚାଲିଥାଏ । ସେଗୁଡିକୁ ନେଇ କମେଣ୍ଟ କରିବା ଆବଶ୍ୟକ ନୁହେଁ । ମୋର ଏ ବିଷୟରେ ଆଉ କିଛି କହିବାର ନାହିଁ ।”
ସୂଚନା ଥାଉ କି, ବିଜୟ ବର୍ମାଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ବିଜୟ ୱେବ୍ ସିରିଜ୍ ଦାହାଡରେ ନଜର ଆସିଛନ୍ତି । ଏହି ସିରିଜ୍ ଆଜି OTTରେ ରିଲିଜ ହୋଇଛି । ଏହି ସିରିଜ୍ ହେଉଛି ସୋନାକ୍ଷୀ ସିହ୍ନାଙ୍କ OTT ଡେବ୍ୟୁ ସିରିଜ, ଯେଉଁଥିରେ ବିଜୟ ନେଗେଟିଭ ରୋଲରେ ନଜର ଆସିଛନ୍ତି । ରେମା କାଗତି ଏବଂ ଜୋୟା ଅଖତର ଏହି ସିରିଜକୁ ଏକାଠି ପ୍ରସ୍ତୁତ କରିଛନ୍ତି । ଏହି ସିରିଜରେ ସୋନାକ୍ଷୀ ସିହ୍ନାଙ୍କ ବ୍ୟତୀତ ଗୁଲଶନ ଦେବୈୟା, ବିଜୟ ଧର୍ମା ଏବଂ ସୋହମ ଶାହଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ । ଅନ୍ୟପକ୍ଷରେ, ତମନ୍ନାଙ୍କ ବିଷୟରେ କହିବାକୁ ଗଲେ ତମନ୍ନା ସୁଜୟ ଘୋଷଙ୍କ ଲଷ୍ଟ୍ ଷ୍ଟୋରୀସ୍-୨ରେ ନଜର ଆସିବ । ଏହା ମଧ୍ୟ କୁହାଯାଉଛି ଯେ, ବିଜୟ ଏହି ସିରିଜ୍ରେ ତମନ୍ନାଙ୍କ ସହ ମୁଖ୍ୟ ଭୂମିକାରେ ନଜର ଆସିବେ । ଏହି ସିରିଜ୍ ପାଇଁ ଉଭୟ ଏକାଠି ଅଡିସନ ପାଇଁ ପ୍ରସ୍ତୁତ ହୋଇଥିଲେ ।
