ଚେନ୍ନାଇ: ସାଉଥ ଅଭିନେତ୍ରୀ ତ୍ରିଶା କ୍ରିଷ୍ଣନ ଏବଂ ମନସୁର ଅଲ୍ଲୀ ଖାନଙ୍କ ମଧ୍ୟରେ ସୃଷ୍ଟି ହୋଇଥିବା ବିବାଦ ଥମିବାର ନେଉନାହିଁ । ଘଟଣାରେ ଆସିଛି ନୂଆ ମୋଡ । ଅଭିନେତା ମନସୁର ଅଲି ଖାନ ବର୍ତ୍ତମାନ ଅଭିନେତ୍ରୀ ତ୍ରିଶା କୃଷ୍ଣନ, ବିଜେପି ନେତା ତଥା ଏନସିଡବ୍ଲୁ (NCW) ସଦସ୍ୟ ଖୁସବୋ ଏବଂ ଅଭିନେତା ଚିରଞ୍ଜୀବୀଙ୍କ ବିରୋଧରେ ମାନହାନି ମକଦ୍ଦମା ଦାୟର କରିବେ ବୋଲି କହିଛନ୍ତି । ସୂଚନା ଥାଉ କି, ନିକଟରେ ତ୍ରିଶାଙ୍କ ବିରୋଧରେ ଦେଇଥିବା ବିବାଦୀୟ ବିବୃତ୍ତି ପାଇଁ ସେ କ୍ଷମା ମାଗିଥିଲେ । ଅଭିନେତ୍ରୀ ମଧ୍ୟ କ୍ଷମା ମଧ୍ୟ କରିଥିଲେ ।
ମନସୁର ଅଲ୍ଲୀ ଖାନ ଏକ ଗଣମାଧ୍ୟମ ସମ୍ମିଳନୀରେ କହିଛନ୍ତି ଯେ ସେ ତ୍ରିଶା, ଅଭିନେତ୍ରୀ କୁଶବୁ ଏବଂ ମେଗାଷ୍ଟାର ଚିରଞ୍ଜୀବୀଙ୍କ ବିଭାଗ ଅଧୀନରେ ମାନହାନି କ୍ଷତିପୂରଣ, ଅପରାଧିକ ତଥା ନାଗରିକ ଶାନ୍ତି ବିରୋଧରେ ମାମଲା ରୁଜୁ କରିବାକୁ ଯାଉଛନ୍ତି । ସେ ତାଙ୍କ ଓକିଲ ଗୁରୁ ଧନଞ୍ଜୟନଙ୍କ ମାଧ୍ୟମରେ କୋର୍ଟରେ ଏହି ମାମଲା ଦାୟର କରିବାକୁ ଯାଉଛନ୍ତି । ତ୍ରିଶା, ଚିରଞ୍ଜୀବୀ ଏବଂ ଖୁସବୋଙ୍କ ବିରୋଧରେ ମାନହାନି ମକଦ୍ଦମା, କ୍ଷତିପୂରଣ ମାମଲା, ଅପରାଧିକ ତଥା ନାଗରିକ ମକଦ୍ଦମା, ପୂର୍ବ ଯୋଜନାବଦ୍ଧ ଦଙ୍ଗା, ୧୦ ଦିନ ଧରି ଜନସାଧାରଣଙ୍କ ଶାନ୍ତି ଭଙ୍ଗ କରିବା ଏବଂ ସମସ୍ତ ବର୍ଗରେ ବ୍ୟଭିଚାରକୁ ଅନ୍ତର୍ଭୁକ୍ତ କରାଯାଇଛି ।
ସେ ଏହା ମଧ୍ୟ କହିଛନ୍ତି ଯେ ମୁଁ ତାଙ୍କୁ 'ପ୍ରକୃତ ଭିଡିଓ' ପଠାଇଛି । ଯାହା ମୁଁ ୧୧ ନଭେମ୍ବର ୨୦୨୩ରେ ସାମ୍ବାଦିକ ସମ୍ମିଳନୀରେ କହିଥିଲି । ଏହା ସମାନ ଭିଡିଓ ଥିଲା ଏବଂ ଠିକ୍ ଗୋଟିଏ ସପ୍ତାହ ପରେ, ୧୯ ନଭେମ୍ବରରେ, ମୋର ଭାଷଣ ପରେ, ଏହାକୁ 'ବେଡରୁମ୍ ସିନ୍' ମନ୍ତବ୍ୟରେ କିଛି ଲୋକ ଏହାକୁ ଏଡିଟ କରି ତ୍ରିଶା କୃଷ୍ଣନଙ୍କ ବିଷୟରେ ଆପତ୍ତିଜନକ ମନ୍ତବ୍ୟ ଦେଇ ସେୟାର କରିଥିଲେ । ମୋ ନାଁର ଅପବ୍ୟବହାର କରାଯାଇଥିବାରୁ ମୁଁ ମୂଳ ଭିଡିଓ ପଠାଇବା ସହ ଅନ୍ୟ କିଛି ପ୍ରମାଣ ସହ ମାମଲା ଦାୟର କରିବାକୁ ଯାଉଛି । ଏହା ପରେ କୋର୍ଟ ମାଧ୍ୟମରେ ସେମାନଙ୍କୁ ନୋଟିସ ପଠାଯିବ ବୋଲି ସେ କହିଛନ୍ତି ।
ସୂଚନା ଅନୁସାରେ, ତ୍ରିଶା ଏବଂ ମନସୁର ନିକଟରେ ରିଲିଜ ଫିଲ୍ମ ଲିଓରେ ନଜର ଆସିଥିଲେ । ଲୋକେଶ କନଗରାଜଙ୍କ ନିର୍ଦ୍ଦେଶିତ ଏହି ଫିଲ୍ମରେ ଥାଲାପତି ବିଜୟଙ୍କ ବିପକ୍ଷରେ ନଜର ଆସିଥିଲେ ତ୍ରିଶା । ଖଳନାୟକ ଭୂମିକାରେ ମନସୁରଙ୍କୁ ଦେଖିବାକୁ ମିଳିଥିଲା । ଫିଲ୍ମର ସଫଳତା ପରେ ମନସୁର ଏକ ସାକ୍ଷାତକାରରେ ତ୍ରିଶାଙ୍କୁ ନେଇ ଏକ ବିବାଦୀୟ ମନ୍ତବ୍ୟ ଦେଇଥିଲେ । ଯାହା ଭାଇରାଲ ପରେ ତ୍ରିଶା ଏହାକୁ ନେଇ ଦୃଢ ନିନ୍ଦା କରିଥିଲେ । ପରେ ଲିଓ ନିର୍ଦ୍ଦେଶକ ଲୋକେଶ କନଗରାଜ, ଚିରଞ୍ଜୀବୀଙ୍କ ପରି ଅନେକ ସାଉଥ୍ ସେଲିବ୍ରିଟି, ଜାତୀୟ ମହିଳା ଆୟୋଗ(NCW) ଏବଂ ସାଉଥ ଭାରତୀୟ କଳାକାର ସଂଘ (SIAA) ଘଟଣାକୁ ନେଇ ନିନ୍ଦା କରିଥିଲେ । ଏପରିକି ସାଉଥ ଭାରତୀୟ କଳାକାର ସଂଘ (SIAA) ଅଭିନେତାଙ୍କୁ ନିଷେଧାଦେଶ ମଧ୍ୟ ଜାରି କରିଥିଲେ ।
ଏହା ମଧ୍ୟ ପଢନ୍ତୁ: ଥାନାକୁ ମାମଲା ଗଲା ପରେ ଚିତିଲେ ମନସୁର, ବିବାଦୀୟ ବୟାନ ପାଇଁ ତ୍ରିଶାଙ୍କୁ ମାଗିଲେ କ୍ଷମା
ଘଟଣା ନେଇ ପୂର୍ବରୁ ଜାତୀୟ ମହିଳା ଆୟୋଗ(NCW) ହସ୍ତକ୍ଷେପ କରିଥିଲେ । ଚେନ୍ନାଇ ପୋଲିସକୁ ଅଭିନେତାଙ୍କ ବିରୁଦ୍ଧରେ ଆଇନଗତ କାର୍ଯ୍ୟନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦେଇଥିଲେ । ତେବେ ଏହି ନିର୍ଦ୍ଦେଶନାମା ଅନୁଯାୟୀ ଚେନ୍ନାଇର ଥାଉଜେଣ୍ଡ ପୋଲିସ୍ ଷ୍ଟେସନରେ ଧାରା ୩୫୪ A ଏବଂ ୫୦୯ B ଅନୁଯାୟୀ ମନସୁର ଅଲ୍ଲୀ ଖାନଙ୍କ ବିରୋଧରେ ଏକ ମାମଲା ରୁଜୁ ହୋଇଥିଲା । ଡିଜିପି ଶଙ୍କର ଜିୱାଲଙ୍କ ନିର୍ଦ୍ଦେଶ ପରେ ଏହି କାର୍ଯ୍ୟାନୁଷ୍ଠାନ ନିଆଯାଇଥିଲା । ପୋଲିସର କାର୍ଯ୍ୟାନୁଷ୍ଠାନ ପରେ ମନସୁର ଅଭିନେତ୍ରୀଙ୍କୁ ସୋସିଆଲ ମିଡିଆ ଜରିଆରେ କ୍ଷମା ପ୍ରାର୍ଥନା ମଧ୍ୟ କରିଥିଲେ । ସେପଟେ ଅଭିନେତ୍ରୀ ମଧ୍ୟ ମନସୁରଙ୍କୁ କ୍ଷମା କରିଥିଲେ । ଏବେ ପୁଣି ମନସୁରଙ୍କ ମାନହାନୀ ମକଦ୍ଦମା କରିବା ମାମଲା ଘଟଣାକୁ କେଉଁ ରୂପ ଦେବ । ତାହା ଆଗାମୀ ଦିନରେ ଜଣାପଡିବ ।
