ହାଇଦ୍ରାବାଦ: ଆକ୍ସନ୍ ପ୍ୟାକ୍ ହୋଇଥିବା ଆଗାମୀ ଚଳଚ୍ଚିତ୍ର 'ଯବାନ୍' ଶାହାରୁଖ ଖାନଙ୍କ ପ୍ରଥମ ଲୁକ୍ ଆଉଟ୍ ହେବା ଦିନ ଠାରୁ ଲାଇମ ଲାଇଟରେ ରହିଛି । 'ପଠାନ' ପରେ ଏହା କିଙ୍ଗ ଖାନଙ୍କ ଦ୍ୱିତୀୟ ବ୍ଲକବ୍ଲଷ୍ଟର ଫିଲ୍ମ ହେବାକୁ ଯାଉଛି । ସାଉଥ ନିର୍ଦ୍ଦେଶକ ଅଟଲି କୁମାର ପ୍ରଥମ ଥର ପାଇଁ ଶାହାରୁଖ ଖାନଙ୍କ ସହ ଏହି ପ୍ରୋଜେକ୍ଟରେ କାମ କରିଛନ୍ତି । ତେବେ କିଙ୍ଗ ଖାନଙ୍କ ସହ କାମ କରିବାର ଅଭିଜ୍ଞତା କିପରି ଥିଲା, ନିର୍ଦ୍ଦେଶକ ଅଟଲି କୁମାର ସୋସିଆଲ ମିଡିଆରେ ଏକ ହୃଦୟସ୍ପର୍ଶୀ ନୋଟ୍ ସେୟାର କରି ତାହା ଜଣାଇଛନ୍ତି ।
ଯବାନ ନିର୍ଦ୍ଦେଶକ ଅଟଲି ଏକ ନୋଟ୍ ଲେଖି ପ୍ରତିକ୍ରିୟା ଦେଇଛନ୍ତି । 'କିଙ୍ଗ ଆପଣଙ୍କ କାହାଣୀ ଜାଣିବା ଠାରୁ ଆରମ୍ଭ କରି ବାସ୍ତବ ଜୀବନରେ ଆପଣଙ୍କ ସହ କାମ କରିବା ପର୍ଯ୍ୟନ୍ତ, ଯେଉଁ ସ୍ବପ୍ନ ମୁଁ ସର୍ବଦା ଦେଖି ଆସିଛି । ମୋତେ ଲାଗୁଛି ଆଜି ମୋର ସେହି ସ୍ବପ୍ନ ପୁରା ହୋଇଛି । ଆପଣଙ୍କୁ ଅନେକ ଧନ୍ୟବାଦ । ଏହି ଚଳଚ୍ଚିତ୍ରଟି ବହୁତ କିଛି ଶିକ୍ଷା ଦେଇଛି । ସିନେମା ପ୍ରତି ଆପଣଙ୍କ ଆଗ୍ରହ, କଠିନ ପରିଶ୍ରମ, ଯାହା ମୁଁ ଗତ ତିନିବର୍ଷ ମଧ୍ୟରେ ଅତି ନିକଟରୁ ଦେଖିଛି, ତାହା ପ୍ରଶଂସନୀୟ। ଏହା କେବଳ ଆରମ୍ଭ ସାର୍ । ମୋତେ ଏହି ସୁଯୋଗ ଦେଇଥିବାରୁ ଆପଣ ଏବଂ ପୁରା ଟିମକୁ ଧନ୍ୟବାଦ ।''
ନିକଟରେ କିଙ୍ଗ ଖାନ ଫିଲ୍ମ 'ଯବାନ' ସହ ଜଡିତ ସମସ୍ତ କାଷ୍ଟ ଏବଂ କ୍ରୁ ସଦସ୍ୟଙ୍କୁ ଧନ୍ୟବାଦ ଜଣାଇଥିଲେ । ସେ ତାମିଲ ଶିକ୍ଷା ଦେବା ସହ ତାଙ୍କ ସହ ଆନ୍ତରିକତା ପ୍ରଦର୍ଶନ କରିଥିବାରୁ ସେ ସାଉଥ ସୁପରଷ୍ଟାର ବିଜୟ ସେତୁପତିଙ୍କୁ ଧନ୍ୟବାଦ ଜଣାଇଥିବାବେଳେ ନିର୍ଦ୍ଦେଶକ ଅଟଲି କୁମାରଙ୍କ ପ୍ରଶଂସା ମଧ୍ୟ କରିଥିଲେ । ଶାହାରୁଖ ତାଙ୍କୁ କହିଲେ, 'ସାର୍ !! ମାସ !! ସବୁକିଛି ପାଇଁ ଧନ୍ୟବାଦ । ଶାହାରୁଖଙ୍କ ଏହି ପୋଷ୍ଟ ପରେ ଏବେ ନିର୍ଦ୍ଦେଶକ ଅଟଲି ଶାହାରୁଖଙ୍କ ପ୍ରଶଂସା ସହ ଧନ୍ୟବାଦ ଜଣାଇଛନ୍ତି ।
ଏହା ମଧ୍ୟ ପଢନ୍ତୁ: ଶାହାରୁଖ ଖାନଙ୍କ ଯବାନ ପ୍ରିଭ୍ୟୁ ଦେଖି ଏମିତି କହିଲେ ସଲମାନ ଖାନ
ଯବାନ୍' ବିଷୟରେ କହିବାକୁ ଗଲେ, ଅଟଲିଙ୍କ ନିର୍ଦ୍ଦେଶିତ ଏହି ଆକ୍ସନ୍ ଫିଲ୍ମରେ ଶାହାରୁଖଙ୍କୁ ବାପା ଏବଂ ପୁଅର ଡବଲ୍ ରୋଲରେ ଦେଖିବାକୁ ମିଳିବ । ଶାହାରୁଖଙ୍କ ଏହି ଫିଲ୍ମ 7 ସେପ୍ଟେମ୍ବରରେ ରିଲିଜ ହେବ । ଏହି ଫିଲ୍ମରେ ଦୀପିକା ପାଦୁକୋନ, ନୟନତାରା, ବିଜୟ ସେତୁପତି ମଧ୍ୟ ନଜର ଆସିବେ । ତେବେ ଦୀପିକା ଏହି ଫିଲ୍ମରେ ଏକ କ୍ୟାମିଓ ରୋଲରେ ନଜର ଆସିବେ । ସୋମବାର ଫିଲ୍ମର ପ୍ରିଭ୍ୟୁ ରିଲିଜ ହୋଇଥିଲା ଯାହାକୁ ଫ୍ୟାନ୍ସ ବେଶ ପସନ୍ଦ କରିଛନ୍ତି । ତେବେ ପଠାନର ସଫଳତା ପରେ ବର୍ତ୍ତମାନ କିଙ୍ଗ୍ ଖାନଙ୍କ ପ୍ରଶଂସକମାନେ ଉତ୍ସାହର ସହ ଯବାନକୁ ଅପେକ୍ଷା କରିଛନ୍ତି ।
