ହାଇଦ୍ରାବାଦ: ସଲମାନ ଖାନ ଏବଂ କ୍ୟାଟ୍ରିନା କୈଫଙ୍କ ଫିଲ୍ମ 'ଟାଇଗର ୩' ଦିପାବଳୀରେ ରିଲିଜ ହୋବାକୁ ଯାଉଛି । ନିକଟରେ ଫିଲ୍ମର ଟିଜର ରିଲିଜ ହୋଇଥିଲା । ଏହାକୁ ଫ୍ୟାନ୍ସ ବେଶ ପସନ୍ଦ କରିବା ସହ ଫିଲ୍ମ ରିଲିଜକୁ ଉତ୍ସାହର ସହ ଅପେକ୍ଷା କରିଛନ୍ତି । ଏହି ପରିପ୍ରେକ୍ଷୀରେ ନିର୍ମାତା ବର୍ତ୍ତମାନ ଫିଲ୍ମର ପ୍ରଥମ ଗୀତ 'ଲେକେ ପ୍ରଭୁ କା ନାମ' ରିଲିଜ୍ କରିଛନ୍ତି । ତେବେ ଗୀତଟି ରିଲିଜ ହେବାର ୩ ଘଣ୍ଟା ମଧ୍ୟରେ ୩ ମିଲିୟନ ଭିୟୁ ମିଳିସାରିଲେଣି ।
- " class="align-text-top noRightClick twitterSection" data="">
ୟଶରାଜ ଫିଲ୍ମସ ସୋସିଆଲ ମିଡିଆରେ ଆଗାମୀ ଫିଲ୍ମ ଟାଇଗର ୩ର ପ୍ରଥମ ଗୀତ 'ଲେକେ ପ୍ରଭୁ କା ନାମ' ରିଲିଜ ହୋଇଛି । ଗୀତରେ କ୍ୟାଟ୍ରିନା ଏବଂ ସଲମାନଙ୍କ ଜବରଦସ୍ତ କେମେଷ୍ଟ୍ରି ଦେଖିବାକୁ ମିଳିଛି । ସୂଚନା ଥାଉ କି, ଏହି ଗୀତକୁ ଲୋକପ୍ରିୟ ଗାୟକ ଅରିଜିତ ସିଂ ଗାଇଥିବା ବେଳେ ସେ ପ୍ରଥମ ଥର ଭାଇଜାନଙ୍କ ପାଇଁ ଟାଇଗର ୩ ସହ ଗୀତ ଗାଇଛନ୍ତି । ୯ ବର୍ଷର ମତଭେଦକୁ ଭୁଲି ଅରିଜିତ ଏବଂ ସଲମାନ ଏହି ଗୀତ ମାଧ୍ୟମରେ ଏକାଠି କାମ କରିଛନ୍ତି ।
ସେପଟେ ଏହି ଗୀତ ରିଲିଜ ହେବା ପରେ ଫ୍ୟାନ୍ସ ଏହାକୁ ବେଶ ପସନ୍ଦ କରିଛନ୍ତି । ୩ ଘଣ୍ଟା ମଧ୍ୟରେ ୩ ମିଲିୟନରୁ ଅଧିକ ଭିୟୁ ମିଳିସାରିଲାଣି । ଅରିଜିତଙ୍କ ସ୍ୱର ସହ ଲୋକମାନେ ସଲମାନ-କ୍ୟାଟ୍ରିନାଙ୍କ ଡ୍ୟାନ୍ସକୁ ମଧ୍ୟ ପ୍ରଶଂସା କରୁଛନ୍ତି । ଜଣେ ପ୍ରଶଂସକ ଲେଖିଛନ୍ତି, 'ମାଷ୍ଟରପିସ୍' । ଆଉ ଜଣେ ଲେଖିଛନ୍ତି, 'ପରଫେକ୍ଟ ପାର୍ଟି ଗୀତ, ସଲମାନ ଭାଇ ଆମେ ତୁମକୁ ଭଲପାଉ।'
ଏହା ମଧ୍ୟ ପଢନ୍ତୁ: ସଲମାନ-ଅରଜିତଙ୍କ ବିବାଦରେ ପୂର୍ଣ୍ଣଚ୍ଛେଦ, ଭାଇଜାନଙ୍କ ପାଇଁ ଗାଇଲେ ଗୀତ
'ଟାଇଗର ୩' ବିଷୟରେ କହିବାକୁ ଗଲେ ଏହା YRF ସ୍ପାଏ ୟୁନିଭର୍ସର ପଞ୍ଚମ ଚଳଚ୍ଚିତ୍ର । ଏବଂ ଟାଇଗର ଫ୍ରାଞ୍ଚାଇଜର ଏହା ହେଉଛି ତୃତୀୟ ଭାଗ । ଫିଲ୍ମ ଟାଇଗର ୩ ହେଉଛି ୟଶ ରାଜ ସ୍ପାଏ ୟୁନିଭର୍ସର ଆକ୍ସନ୍ ଫିଲ୍ମ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ମନୀଷ ଶର୍ମା । ଏହି ଫିଲ୍ମରେ ସଲମାନ ଖାନ ଏବଂ କ୍ୟାଟ୍ରିନା କୈଫଙ୍କ ବ୍ୟତୀତ ବଲିଉଡ ଅଭିନେତା ଇମ୍ରାନ ହାସମୀଙ୍କୁ ଖଳନାୟକ ଭୂମିକାରେ ଦେଖିବାକୁ ମିଳିବ । ଏଥିସହ ପଠାନ ଭାବେ ଶାହାରୁଖ ଏତିରେ କ୍ୟାମିଓ ରୋଲରେ ନଜର ଆସିବେ । ଫିଲ୍ମଟି ଦିପାବଳୀ ଅବସରରେ ନଭେମ୍ବର ୧୨ରେ ରିଲିଜ ହେବ ।
