ବେଙ୍ଗାଲୁରୁ: ରକିଂ ଷ୍ଟାର ୟଶଙ୍କ ଅଭିନୀତ KGF 2 ଫିଲ୍ମ ଗୋଟିଏ ପରେ ଗୋଟିଏ ରେକର୍ଡ ସୃଷ୍ଟି କରିଛି । ଇତିହାସ ପୃଷ୍ଠାରେ ଏହାର ସଫଳତା ଆଉ ଏକ ରେକର୍ଡ ସୃଷ୍ଟି କରିଛି । ହିନ୍ଦୀ ଭର୍ସନ ଫିଲ୍ମ ଭାବେ ବାହୁବଳୀ ପରେ ଏହା ଦ୍ବିତୀୟ ସ୍ଥାନରେ ରହିଛି । ଏହାସହିତ ସୁପରଷ୍ଟାର ଆମିର ଖାନଙ୍କ ଅଭିନୀତ 'Dangal'କୁ ମଧ୍ୟ ଏହା ପଛରେ ପକାଇଛି ।
ପ୍ରଭାସଙ୍କ ଅଭିନୀତ 'ବାହୁବଳୀ ୨'ର ହିନ୍ଦୀ ଭର୍ସନ ମୋଟ ୫୧୦.୯୯ କୋଟି ରୋଜଗାର କରିଥିବାବେଳେ ଦଙ୍ଗଲ ଫିଲ୍ମ ୩୮୭.୩୮ କୋଟି ଟଙ୍କା ରୋଜଗାର କରିଥିଲା । ହେଲେ ଦଙ୍ଗଲକୁ ପଛରେ ପକାଇ ୟଶଙ୍କ କେଜିଏଫ ୨ ରିଲିଜର ୨୧ ଦିନରେ ୩୯୧.୬୫ କୋଟି ରୋଜଗାର କରିଛି । ଏହି ସଫଳତା ପାଇବା ପରେ ହିନ୍ଦୀ ଭର୍ସନରେ ଦ୍ବିତୀୟ ସର୍ବାଧିକ ଫିଲ୍ମ ଭାବେ ଏହା ବକ୍ସ ଅଫିସରେ ରୋଜଗାର କରିଛି ।
ତେବେ ଏ ସମ୍ପର୍କରେ ସିନେମା ଆନାଲିଷ୍ଟ ତରନ ଆଦର୍ଶ ସୂଚନା ଦେଇଛନ୍ତି । ବଲିଉଡ଼ର ଅନ୍ୟତମ ଲୋକପ୍ରିୟ କଳାକାର ତଥା ଭାଇଜାନ ସଲମାନ ଖାନଙ୍କ 'ଟାଇଗର ଜିନ୍ଦା ହେ' ୩୩୯.୧୬ କୋଟି ଟଙ୍କା ରୋଜଗାର କରିଥିବା ବେଳେ ଆମିର ଖାନଙ୍କ PK ୩୪୦.୮ କୋଟି ଟଙ୍କା ଓ ରଣବୀର କପୁରଙ୍କ Sanju ୩୪୨.୫୩ କୋଟି ଟଙ୍କା ରୋଜଗାର କରିଥିଲା ।
