ମୁମ୍ବାଇ: ବଲିଉଡ ଅଭିନେତା କାର୍ତ୍ତିକ ଆର୍ଯ୍ୟନ ତାଙ୍କ ଆଗାମୀ ଫିଲ୍ମ 'ସତ୍ୟପ୍ରେମ କି କଥା' ସହ ଶିରୋନାମାରେ ରହିଛନ୍ତି । ଜୁନ୍ 29ରେ ରିଲିଜ କରିବାକୁ ଥିବା ଏହି ଫିଲ୍ମରେ କାର୍ତ୍ତିକଙ୍କ ବିପକ୍ଷରେ କିଆରା ଆଡଭାନୀ ସହ ନଜର ଆସିବେ । ଫିଲ୍ମର ପ୍ରମୋସନରେ ବ୍ୟସ୍ତ ଅଛନ୍ତି ପୁରା ଟିମ । ନିକଟରେ କାର୍ତ୍ତିକ-କିଆରା ଦିଲ୍ଲୀ ଏବଂ ଜୟପୁର ଏବଂ ଅହମ୍ମଦାବାଦରେରେ ପ୍ରମୋସନ କରୁଥିବା ଦେଖିବାକୁ ମିଳିଥିଲା । ଏହାରି ମଧ୍ୟରେ ବର୍ତ୍ତମାନ ଟ୍ରୋଲର ଶିକାର ହୋଇଛନ୍ତି କାର୍ତ୍ତିକ । କାର୍ତ୍ତିକ ଆର୍ଯ୍ୟନ ମୁମ୍ବାଇ ଅଭିମୁଖେ ଇଣ୍ଡିଗୋ ବିମାନର ଇକୋନୋମି କ୍ଲାସରେ ଯାତ୍ରା କରୁଥିବା ଦେଖିବାକୁ ମିଳିଛି । ଯାହାକୁ ନେଇ ବର୍ତ୍ତମାନ ୟୁଜର୍ସ କାର୍ତ୍ତିକ ଆର୍ଯ୍ୟନଙ୍କୁ ଟ୍ରୋଲ କରୁଛନ୍ତି ।
କାର୍ତ୍ତିକ ଆର୍ଯ୍ୟନଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଭିଡିଓରେ କାର୍ତ୍ତିକ ଆର୍ଯ୍ୟନ୍ ଆକାଶ ରଙ୍ଗର ଆଉଟଫିଟରେ ଇଣ୍ଡିଗୋ ବିମାନର ଇକୋନୋମି କ୍ଲାସରେ ଯାତ୍ରା କରୁଥିବା ଦେଖିବାକୁ ମିଳିଛି । ଅନ୍ୟଟିରେ ଏୟାରପୋର୍ଟ ବାହାରେ ଫ୍ୟାନ୍ସଙ୍କ ସହ ସେଲ୍ଫି ନେଉଥିବା ନଜର ଆସିଛନ୍ତି । ଏହି ଭିଡିଓ ସୋସିଆଲ ମିଡିଆରେ ଭାଇରାଲ ପରେ ୟୁଜର୍ସମାନେ କାର୍ତ୍ତିକଙ୍କୁ ଟ୍ରୋଲ କରିଛନ୍ତି । ୟୁଜର୍ସ ମାନେ କହିଛନ୍ତି ଯେ ବଲିଉଡ ଅଭିନେତାମାନଙ୍କ ଦ୍ୱାରା ଫିଲ୍ମ ପ୍ରମୋଶନର ଏହା ହେଉଛି ନୂଆ ଧାରା । ସୂଚନା ଥାଉ କି, ପୂର୍ବରୁ କାର୍ତ୍ତିକ ଆର୍ଯ୍ୟନ ଷ୍ଟାରର ଫିଲ୍ମ ଶେହଜାଦାର ପ୍ରମୋସନ ସମୟରେ କ୍ରିତି ସାନନଙ୍କ ସହ ଇକୋନୋମି କ୍ଲାସରେ ଯାତ୍ରା କରୁଥିବା ଦେଖିବାକୁ ମିଳିଥିଲା ।
ଜଣେ ୟୁଜର ଲେଖିଛନ୍ତି, ଫିଲ୍ମର ପ୍ରମୋସନ ପାଇଁ ଏହା ଏକ ନୂଆ ଟ୍ରେଣ୍ଡ । ଅନ୍ୟ ଜଣେ ଲେଖିଛନ୍ତି- 'ନୂଆ ଫିଲ୍ମ ବୋଧହୁଏ ରିଲିଜ୍ ହେବାକୁ ଯାଉଛି ।' ଆଉ ଜଣେ ଲେଖିଛନ୍ତି- 'ଚଳଚ୍ଚିତ୍ର ପ୍ରମୋସନରୁ ଏହା ବର୍ତ୍ତମାନ ବାକି ଅଛି ।' କିଛି ଫ୍ୟାନ୍ସ କାର୍ତ୍ତିକଙ୍କୁ ଟ୍ରୋଲ କରିଥିବାବେଳେ ଅନ୍ୟ କେତେକ ଫ୍ୟାନ୍ସ କାର୍ତ୍ତିକଙ୍କ ସମର୍ଥନ ମଧ୍ୟ କରିଛନ୍ତି । ଜଣେ ଲେଖିଛନ୍ତି- 'କାର୍ତ୍ତିକ ଜଣେ ଭଲ ବ୍ୟକ୍ତି । ଯିଏ ଥରେ 2022 ମସିହାରେ ମଧ୍ୟ କାର୍ତ୍ତିକ ମୋର ବନ୍ଧୁଙ୍କ ସହ ସମାନ ବିମାନରେ ଥିଲେ ଏବଂ କାର୍ତ୍ତିକ ସମସ୍ତ ଯାତ୍ରୀଙ୍କ ସହ କଥା ହେଉଥିଲେ।' ଅନ୍ୟ ଜଣେ ଲେଖିଛନ୍ତି- 'ଏହି ବିମାନରେ କୌଣସି ବ୍ୟବସାୟ କ୍ଲାସ ନାହିଁ, ଯାହା ଫଳରେ ସେଲିବ୍ରିଟିମାନେ ଅନେକ ଥର ଇକେନୋମି କ୍ଲାସରେ ଯିବାକୁ ବାଧ୍ୟ ହୁଅନ୍ତି, ଆମେ ହିଁ ଏହାକୁ ପବ୍ଲିସିଟି ଭାବି ଜଜ କରିବା ଆରମ୍ଭ କରିଥାଉ ।'
ସତ୍ୟପ୍ରେମ ଚଳଚ୍ଚିତ୍ରର କାହାଣୀ ବିଷୟରେ କହିବାକୁ ଗଲେ ଫିଲ୍ମର ନିର୍ମାତା ହେଉଛନ୍ତି ସାଜିଦ ନାଦିଆଡାୱାଲା । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ସମୀର ବିଦ୍ବନ୍ସ । ଏହି ଫିଲ୍ମ ଜୁନ 29ରେ ରିଲିଜ କରିବ । ପୂର୍ବରୁ କାର୍ତ୍ତିକ ଏବଂ କିଆରାଙ୍କ ଯୋଡି ଫିଲ୍ମ ଭୁଲାୟା 2ରେ ଦେଖିବାକୁ ମିଳିଥିଲା । ବର୍ତ୍ତମାନ ଏହି ଫିଲ୍ମ ଜରିଆରେ କାର୍ତ୍ତିକ କିଆରାଙ୍କୁ ଦ୍ୱିତୀୟ ଥର ପାଇଁ ବଡ ପରଦାରେ ଏକାଠି ନଜର ଆସିବେ ।
