ମୁମ୍ବାଇ: ସାରା ଦେଶରେ ପାଳନ ହେଉଛି ଦୁର୍ଗାପୂଜା । ତେବେ ମାୟାନଗରୀ ମୁମ୍ବାଇ ମଧ୍ୟରେ ଏଥିରୁ ବାଦ ପଡିନି । ବଲିଉଡ ସେଲିବ୍ରିଟିମାନେ ନର୍ଥ ମୁମ୍ବାଇରେ ପୂଜା ପେଣ୍ଡାଲ ବୁଲିବା ସହିତ ବିଭିନ୍ନ ପ୍ରକାର ଫଟୋ ପୋଷ୍ଟ କରୁଥିବା ଦେଖିବାକୁ ମିଳୁଛି । ପୂଜା ଅବସରରେ ସଜବାଜ ହୋଇ ଫଟୋ ପୋଷ୍ଟ କରୁଛନ୍ତି ଅଭିନେତା ଓ ଅଭିନେତ୍ରୀ । ତେବେ ବଲିଉଡ ତାରକାଙ୍କ ଅନେକ ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଏହାରି ଭିତରେ ଦେଖିବାକୁ ମିଳିଛି କାଜଲଙ୍କ ଫ୍ୟାମିଲି ସହ ଜୟା ବଚ୍ଚନଙ୍କ ଭେଟଘାଟ ବେଳର ଦୃଶ୍ୟ ।
କାଜୋଲ ତାଙ୍କ ଭଉଣୀ ଏବଂ ପୁଅଙ୍କ ସହ ଉତ୍ତର ବମ୍ବେରେ ଆୟୋଜିତ ଦୁର୍ଗା ପୂଜା ପେଣ୍ଡାଲରେ ପହଞ୍ଚି ଦୁର୍ଗା ମାତାଙ୍କର ଦର୍ଶନ କରିଛନ୍ତି । ଏହି ସମୟ ମଧ୍ୟରେ ଜୟା ବଚ୍ଚନ ମଧ୍ୟ ସେଠାରେ ଉପସ୍ଥିତ ଥିବାବେଳେ ତାଙ୍କୁ ଭେଟିଛନ୍ତି କାଜଲ । ଜୟା ବଚ୍ଚନ ଉତ୍ତର ବମ୍ବେରେ ହେଉଥିବା ଦୁର୍ଗା ପୂଜାରେ କାଜୋଲ, ତାଙ୍କ ଭଉଣୀ ତନିଷା ମୁଖାର୍ଜୀ ଏବଂ ପୁଅ ଯୁଗ ଦେବଗନଙ୍କ ସମେତ ମା' ତନୁଜାଙ୍କୁ ଭେଟିଥିବାର ନଜର ଆସିଛନ୍ତି । ଭାଇରାଲ ହେଉଥିବା ଏକ ଭିଡିଓରେ କାଜୋଲ ଜୟା ବଚ୍ଚନଙ୍କ ବସ୍ତ୍ରକୁ ଅତି ସ୍ନେହରେ ସାଇଜ କରୁଥିବାର ଦୃଶ୍ୟ ଦେଖିବାକୁ ମିଳିଛି ।
ଏହା ବି ପଢନ୍ତୁ...Navratri 2023: ଆଜି ମହାଷ୍ଟମୀ, ଫ୍ୟାନ୍ସଙ୍କୁ ଶୁଭେଚ୍ଛା ଜଣାଇଲେ ଓଲିଉଡ ସେଲିବ୍ରିଟି
ସେହି ସମୟରେ ଜୟା ବଚ୍ଚନ ମଧ୍ୟ ହସି ହସି କାଜଲଙ୍କ ସହ କଥାବାର୍ତ୍ତା କରୁଥିବାର ନଜର ଆସିଛନ୍ତି । ଆଉ ଏକ ଭିଡିଓରେ କାଜଲ ତାଙ୍କ ମା' ଏବଂ ଭଉଣୀଙ୍କ ସହ ଫଟୋ ପାଇଁ ପୋଜ୍ ଦେଉଥିବାର ନଜର ଆସିଛନ୍ତି । ଏହାସହ ଆଉ ଏକ ଭିଡିଓରେ ସେ ତାଙ୍କ ପୁଅ ଯୁଗକୁ ଆଲିଙ୍ଗନ କରୁଥିବାର ଦେଖିବାକୁ ମିଳିଛି । କାଜୋଲଙ୍କ ବ୍ୟତୀତ ଜୟା ବଚ୍ଚନ, ଶରବାନୀ ମୁଖାର୍ଜୀ, ଅନୁପମା ଧାରାବାହିକର ଅଭିନେତ୍ରୀ ରୁପାଲି ଗାଙ୍ଗୁଲି ଏବଂ ସୁମୋନା ଚକ୍ରବର୍ତ୍ତୀଙ୍କ ସମେତ ଅନେକ ଅଭିନେତ୍ରୀଙ୍କୁ ଦେଖିବାକୁ ମିଳିଛି ।
ଏହି ଭିଡିଓ ଭାଇରାଲ ହେବା ପରେ ୟୁଜର୍ସଙ୍କ ପ୍ରତିକ୍ରିୟା ମଧ୍ୟ ଦେଖିବାକୁ ମିଳିଛି । ଏହି ଭିଡିଓରେ କମେଣ୍ଟ କରି ଜଣେ ୟୁଜର ଲେଖିଛନ୍ତି, 'ଜୟା ସ୍ମାଇଲ ବି କରନ୍ତି...wow', ଆଉ ଜଣେ ଲେଖିଛନ୍ତି, 'ସମସ୍ତ ସୁନ୍ଦରୀ ଏକା ସାଙ୍ଗରେ' । ତେବେ ଏହି ସେଲିବ୍ରିଟିମାନେ ପୂଜା ମଣ୍ଡପ ବୁଲି ମା'ଙ୍କ ଦର୍ଶନ କରି ଆଶୀର୍ବାଦ ନେବା ସହ ପରସ୍ପରକୁ ଭେଟି କଥାବାର୍ତ୍ତା ହୋଇଛନ୍ତି ।
