ଭୂମିକମ୍ପ ଭିତରେ ଜାପାନରୁ ଫେରିଲେ ଜୁନିଅର ଏନଟିଆର

Jr Ntr Returns From Japan: ଜାପାନ ଭୂମିକମ୍ପ ନେଇ ଦୁଃଖ ପ୍ରକାଶ କରିଛନ୍ତି ଜୁନିଅର ଏନଟିଆର । କିଛି ଦିନ ହେଲା ଅଭିନେତା ଜାପାନରେ ରହିଥିବା ବେଳେ ବର୍ତ୍ତମାନ ଭାରତ ଫେରିଛନ୍ତି । ତେବେ ଏନେଇ ସେ ସୋସିଆଲ ମିଡିଆରେ ସୂଚନା ଦେଇଥିବା ବେଳେ ଜାପାନ ସ୍ଥିତିକୁ ନେଇ ଚିନ୍ତାପ୍ରକଟ କରିଛନ୍ତି । ଅଧିକ ପଢନ୍ତୁ

ହାଇଦ୍ରାବାଦ: ଜାପାନ ପାଇଁ ନୂଆବର୍ଷ ୨୦୨୪ ଭୟଙ୍କର ରହିଛି । ବର୍ଷର ପ୍ରଥମ ଦିନରେ ଶକ୍ତିଶାଳୀ ଭୂକମ୍ପ ଝଟକା ଦେଶବାସୀଙ୍କୁ ସ୍ତବ୍ଧ କରିଦେଇଛି । ଜାପାନରେ ପ୍ରକୃତି ତାଣ୍ଡବ ରଚିଛି । ବର୍ଷ ଆରମ୍ଭରେ ଦେଶରେ ଭୂମିକମ୍ପ ହୋଇଛି । ଫଳରେ 8 ଜଣଙ୍କ ମୃତ୍ୟୁ ହୋଇଥିବା ବେଳେ ବର୍ତ୍ତମାନ ବ୍ୟାପକ କ୍ଷୟକ୍ଷତି ହୋଇଥିବା ସୂଚନା ମିଳିଛି । ଏହାରି ମଧ୍ୟରେ ବର୍ତ୍ତମାନ ଜାପାନରୁ ସୁରକ୍ଷିତ ଭାବେ ଭାରତ ଫେରିଛନ୍ତି ସାଉଥ୍ ସୁପରଷ୍ଟାର ଜୁନିଅର ଏନଟିଆର । ଭାରତ ଫେରିବା ପରେ ସେ ଜାପାନର ସ୍ଥିତିକୁ ନେଇ ଚିନ୍ତାପ୍ରକଟ କରିବା ସହ ଶୀଘ୍ର ସବୁ ଠିକ ହୋଇଯାଉ ବୋଲି କାମନା କରିଛନ୍ତି ।

• Back home today from Japan and deeply shocked by the earthquakes hitting. Spent the entire last week there, and my heart goes out to everyone affected.
  Grateful for the resilience of the people and hoping for a swift recovery. Stay strong, Japan 🇯🇵

  — Jr NTR (@tarak9999) January 1, 2024 " class="align-text-top noRightClick twitterSection" data="

  Back home today from Japan and deeply shocked by the earthquakes hitting. Spent the entire last week there, and my heart goes out to everyone affected.
  Grateful for the resilience of the people and hoping for a swift recovery. Stay strong, Japan 🇯🇵

  — Jr NTR (@tarak9999) January 1, 2024

  ">

  Back home today from Japan and deeply shocked by the earthquakes hitting. Spent the entire last week there, and my heart goes out to everyone affected.
  Grateful for the resilience of the people and hoping for a swift recovery. Stay strong, Japan 🇯🇵

  — Jr NTR (@tarak9999) January 1, 2024

ଜୁନିଅର ଏନଟିଆର ନିଜ ପରିବାର ସହ କ୍ବାଲିଟି ଟାଇମ ବିତାଇବା ପାଇଁ ସର୍ବଦା ଦେଶ ବାହାରକୁ ଭ୍ୟାକେସନରେ ଯାଇଥାନ୍ତି । ନିକଟରେ ସେ ନୂଆବର୍ଷ ପାଳନ ପାଇଁ ପରିବାର ସହ ଜାପାନ ଯାଇଥିଲେ । ଜାପାନରେ ଭୂମିକମ୍ପର କିଛି ଘଣ୍ଟା ମଧ୍ୟରେ ସେ ଭାରତ ଫେରିଛନ୍ତି । ତେବେ ନିଜ ଦେଶକୁ ଫେରିବା ପରେ ଅଭିନେତା ଜାପାନ ସ୍ଥିତି ଜାଣି ଚିନ୍ତାପ୍ରକଟ କରିଛନ୍ତି । ସେ ଏକ୍ସରେ ଲେଖିଛନ୍ତି, 'ଜାପାନରୁ ମୁଁ ଆଜି ଘରକୁ ଫେରିଛି ଏବଂ ସେଠାରେ ହୋଇଥିବା ଭୂମିକମ୍ପ ମୋତେ ଆଶ୍ଚର୍ଯ୍ୟ କରିଛି । ପୂର୍ବ ସପ୍ତାହ ମୁଁ ସେଠାରେ ଥିଲି । ବର୍ତ୍ତମାନ ମୁଁ ଭାରତ ଫେରିଛି । ସମସ୍ତ ପ୍ରଭାବିତ ଲୋକଙ୍କ ପାଇଁ ମୁଁ ଦୁଃଖିତ । ଯେଉଁ ଲୋକ ଭୂକମ୍ପରୁ ବଞ୍ଚିବାରେ ସକ୍ଷମ ହୋଇଛନ୍ତି ସେମାନଙ୍କ ପାଇଁ ମୁଁ ଖୁସି । ମୁଁ ଆଶା କରୁଛି ଜାପାନରେ ସବୁକିଛି ଶୀଘ୍ର ଠିକ ହୋଇଯିବ । ମଜବୁତ ରୁହ, ଜାପାନ ।''

ସୂଚନା ଥାଉକି, ଜାନୁଆରୀ ୧ରେ ଅଭିନେତା ନିଜ ପତ୍ନୀ ଏବଂ ପିଲାମାନଙ୍କ ସହ ହାଇଦ୍ରାବାଦ ଏୟାରପୋର୍ଟରେ ସ୍ପଟ ହୋଇଥିଲେ । ସେ ଜାପାନରୁ ଖ୍ରୀଷ୍ଟମାସ ଏବଂ ନୂଆବର୍ଷ ପାଳନ ପାଇଁ ଯାଇଥିବା ବେଳେ ବର୍ତ୍ତମାନ ସେ ଭ୍ୟାକସନ ସାରି ଭାରତ ଫେରିଛନ୍ତି । ୱାର୍କପ୍ରଣ୍ଟ କଥା କହିବାକୁ ଗଲେ, ଜୁନିଅର ଏନଟିଆରଙ୍କୁ ଆଗାମୀ ଫିଲ୍ମ 'ଦେବରା'ରେ ଦେଖିବାକୁ ମିଳିବ । ଗତକାଲି ଅର୍ଥାତ୍ ଜାନୁଆରୀ ୧ରେ ନିର୍ମାତା ଫିଲ୍ମର ନୂଆ ପୋଷ୍ଟର ରିଲିଜ କରି ଫିଲ୍ମର ପ୍ରଥମ ଝଲକ ଜାନୁଆରୀ ୮ରେ ଆସିବା ନେଇ ଘୋଷଣା କରିଥିଲେ ।

ଏହା ମଧ୍ୟ ପଢନ୍ତୁ: ନୂଆବର୍ଷରେ ଫ୍ୟାନ୍ସଙ୍କୁ ଜୁନିଅର ଏନଟିଆରଙ୍କ ଭେଟି, ଏହିଦିନ ଦେଖାଇବେ ଫିଲ୍ମର ପ୍ରଥମ ଝଲକ

ନିର୍ଦ୍ଦେଶକ କୋର୍ଟଲା ଶିବା ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି । ପୂର୍ବରୁ ଏହି ଫିଲ୍ମର ନାଁ NTR 30 ଥିଲା । ପରେ ଏହାର ନାଁ ଘୋଷଣା କରିଥିଲେ ନିର୍ମାତା । ଫିଲ୍ମର ନାଁ ପରବର୍ତ୍ତୀ ସମୟରେ 'ଦେବରା' ଘୋଷଣା କରିଥିଲେ । ଏହି ଫିଲ୍ମରେ ଏନଟିଆରଙ୍କ ବ୍ୟତୀତ ବଲିଉଡ ଅଭିନେତ୍ରୀ ଜାହ୍ନବୀ କପୁର, ଅଭିନେତା ସୈଫ ଅଲି ଖାନ ମଧ୍ୟ ନଜର ଆସିବେ । ଏହି ଫିଲ୍ମ ସହ ଉଭୟ ସୈଫ ଏବଂ ଜାହ୍ନବୀ ଟଲିଉଡରେ ଡେବ୍ୟୁ କରିବାକୁ ଯାଉଥିବା ବେଳେ ପ୍ରଥମ ଥର ପାଇଁ Jr. ଏନଟିଆରଙ୍କ ସ୍କ୍ରିନ୍‌ ସେୟାର କରିବେ ।