ହାଇଦ୍ରାବାଦ: ବଲିଉଡର 'ବାଦଶାହ' ଶାହରୁଖ ଖାନଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ପଠାନ'ରୁ(Pathaan Movie) ଜନ୍ ଆବ୍ରାହାମଙ୍କ ପ୍ରଥମ ଲୁକ୍ ଜାରି କରାଯାଇଛି । ଶାହାରୁଖ ଖାନ ସୋସିଆଲ ମିଡିଆରେ ଜନ୍ଙ୍କ ପ୍ରଥମ ଲୁକ୍ ସେୟାର କରିଛନ୍ତି । ଜନ୍ ପ୍ରଥମ ଲୁକ୍ ପୋଷ୍ଟରରେ ଏକ ଦମଦାର ଷ୍ଟାଇଲରେ ନଜର ଆସିଛନ୍ତି ।
- " class="align-text-top noRightClick twitterSection" data="
">
ଶାହରୁଖ ଖାନ 'ପଠାନ'ରୁ ଜନ୍ ଆବ୍ରାହମଙ୍କ(John Abraham First Look) ପ୍ରଥମ ଲୁକକୁ ଜାରି କରି ଲେଖିଛନ୍ତି, "ଏହା ଅତ୍ୟନ୍ତ କଠିନ, ପଠାନରୁ ଜନ୍ ଆବ୍ରାହାମ, ୨୫ ଜାନୁୟାରୀ ୨୦୨୩ରେ ଆପଣଙ୍କ ନିକଟସ୍ଥ ସିନେମାଘରେ #YRF50 ସହିତ #ପଠାନ୍ ସେଲିବ୍ରେଟ କରନ୍ତୁ । ଏହି ଫିଲ୍ମ ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ମୁକ୍ତିଲାଭ କରୁଛି ।
ଏଥିସହିତ, ଜନ୍ ପଠାନରେ ତାଙ୍କର ପ୍ରଥମ ଲୁକ୍ର ଫଟୋ ସେୟାର କରି ଲେଖିଛନ୍ତି, 'ଆଜୀବନ ମିଶନ୍ ଆରମ୍ଭ ହେବାକୁ ଯାଉଛି, ୨୫ ଜାନୁୟାରୀ ୨୦୨୩ରେ ଆପଣଙ୍କ ନିକଟସ୍ଥ ପ୍ରେକ୍ଷାଳୟରେ ।
- " class="align-text-top noRightClick twitterSection" data="
">
ଶାହାରୁଖ ଖାନଙ୍କ ଆଗାମୀ ପ୍ରକଳ୍ପ
'ପଠାନ୍' ଏବଂ 'ଡଙ୍କି' ଭଳି ବଡ଼ ଚଳଚ୍ଚିତ୍ର ଶାହାରୁଖ ଖାନଙ୍କ ହାତରେ ଅଛି । 'ପଠାନ୍' ବିଷୟରେ କହିବାକୁ ଗଲେ ଏହି ଚଳଚ୍ଚିତ୍ର ଆସନ୍ତା ବର୍ଷ ଜାନୁୟାରୀ ୨୫ରେ ମୁକ୍ତିଲାଭ କରିବ। ଏହି ଚଳଚ୍ଚିତ୍ରରେ ଶାହାରୁଖ ଖାନ, ଜନ୍ ଅବ୍ରହାମ ଏବଂ ଦୀପିକା ପାଦୁକୋନ ପ୍ରମୁଖ ଭୂମିକାରେ ନଜର ଆସିବେ । ଏହି ଫିଲ୍ମରେ ସଲମାନ ଖାନଙ୍କର ଏକ କ୍ୟାମୋ ଥିବା କୁହାଯାଉଛି । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ସିଦ୍ଧାର୍ଥ ଆନନ୍ଦ ।
ଏଥିସହିତ ଶାହାରୁଖ ଖାନ ନିର୍ଦ୍ଦେଶକ ରାଜକୁମାର ହିରାନୀଙ୍କ ସହ ଫିଲ୍ମ 'ଡଙ୍କି'ରେ ସାଇନ୍ କରିଛନ୍ତି । ଏହା ଏକ ସାମାଜିକ-ଡ୍ରାମା କମେଡି ଚଳଚ୍ଚିତ୍ର, ଯେଉଁଥିରେ ଶାହାରୁଖ ଖାନଙ୍କୁ ସର୍ଦ୍ଦାର ଭୂମିକାରେ ଦେଖିବାକୁ ମିଳିବ । ରାଜକୁମାର ହିରାନୀଙ୍କ ସହ ଏକ ଭିଡିଓ ସେୟାର କରି ଶାହାରୁଖ ଖାନ ମଧ୍ୟ ଏହି ଫିଲ୍ମ ଘୋଷଣା କରିଛନ୍ତି।
ଏହା ବ୍ୟତୀତ ଶାହରୁଖ ଖାନଙ୍କ ଫିଲ୍ମ 'ଜବାନ'କୁ ନେଇ ପ୍ରଶଂସକମାନେ ମଧ୍ୟ ଉତ୍ସାହିତ ଅଛନ୍ତି, ଯାହା ୨ ଜୁନ୍ ୨୦୨୩ରେ ମୁକ୍ତିଲାଭ କରିବାକୁ ଯାଉଛି । ଏହି ଚଳଚ୍ଚିତ୍ରର ନିର୍ଦ୍ଦେଶକ ହେଉଛନ୍ତି ଏଟଲି ।
