ମୁମ୍ବାଇ: ବଲିଉଡ ସୁପରଷ୍ଟାର ଶାହାରୁଖ ଖାନଙ୍କ ପ୍ରଶଂସକମାନେ ଯେଉଁ ମୁହୂର୍ତ୍ତକୁ ଅପେକ୍ଷା କରିଥିଲେ, ସେହି ମୁହୂର୍ତ୍ତ ଆସିଯାଇଛି । ବହୁ ପ୍ରତିକ୍ଷୀତ ଚଳଚ୍ଚିତ୍ର 'ଜବାନ'ର ଟ୍ରେଲର ଆଜି (31 ଅଗଷ୍ଟ) ରିଲିଜ ହୋଇଛି । ଶାହାରୁଖଙ୍କ ଫିଲ୍ମ 'ଜବାନ'ର ଟ୍ରେଲର ରିଲିଜ ହେବା ମାତ୍ରେ ସୋସିଆଲ ମିଡିଆରେ ଭାଇରାଲ ହୋଇଛି । ଶାହାରୁଖ ଖାନ ଜଣେ 'ଜବାନ' ଭଳି ଦମଦାର ଦେଖାଯାଉଛନ୍ତି । ଟ୍ରେଲରରେ ଏକାସାଙ୍ଗରେ ଅନେକ ପ୍ରକାରର ଫ୍ଲେବର ଦେଖିବାକୁ ମିଳିଛି । ଶାହାରୁଖଙ୍କ ପଠାନ ପରେ ପ୍ରଶଂସକ ଜବାନର ଅପେକ୍ଷାରେ ଥିଲେ । ଏବେ ଲାଗୁଛି ପଠାନ ଉପରେ ଜବାନ୍ ଭାରି ପଡିବ ।
- " class="align-text-top noRightClick twitterSection" data="">
ଜବାନରେ ଶାହରୁଖଙ୍କ ବିପକ୍ଷରେ ନୟନତାରା ଅଛନ୍ତି । ଏହି ଚଳଚ୍ଚିତ୍ର ସହିତ ନୟନତାରା ବଲିଉଡରେ ଡେବ୍ୟୁ କରୁଛନ୍ତି । ଯଦିଓ ଦୀପିକା ପାଦୁକୋନଙ୍କର ଏହି ଫିଲ୍ମରେ ଏକ ସ୍ୱତନ୍ତ୍ର କ୍ୟାମୋ ଅଛି । ଟିଜରରେ ଅଭିନେତ୍ରୀଙ୍କ ଝଲକ ସମସ୍ତଙ୍କୁ ପାଗଳ କରିଦେଇଥିଲା । ଶାଢୀ ପିନ୍ଧି ଦୀପିକା ଶତ୍ରୁମାନଙ୍କୁ ଏକ ଶିକ୍ଷା ଦେଉଥିବାର ନଜର ଆସିଥିଲେ । ଏହି ଚଳଚ୍ଚିତ୍ରରେ ବିଜୟ ସେଥୁପତି ଖଳନାୟନ ଭୂମିକାରେ ଅଛନ୍ତି । ଏହି ଚଳଚ୍ଚିତ୍ରକୁ ନେଇ କିଙ୍ଗ ଖାନଙ୍କ ପ୍ରଶଂସକମାନେ ବହୁତ ଉତ୍ସାହିତ ଅଛନ୍ତି । ଟ୍ରେଲର ପରେ ଜବାବ ଫିଲ୍ମକୁ ନେଇ ଫ୍ୟାନ୍ସଙ୍କ ଉତ୍ସାହ ଆହୁରି ବଢିଯାଇଛି । ବିଶ୍ୱାସ କରାଯାଉଛି ଯେ ଶାହରୁଖ ଖାନଙ୍କ ଏହି ଚଳଚ୍ଚିତ୍ର ବର୍ତ୍ତମାନ ପର୍ଯ୍ୟନ୍ତ ହିନ୍ଦୀ ସିନେମାର ସମସ୍ତ ରେକର୍ଡ ଭାଙ୍ଗିପାରେ । ଏହି ଫିଲ୍ମ 7 ସେପ୍ଟେମ୍ବରରେ ରିଲିଜ ହେବାକୁ ଯାଉଛି ।
କେମିତି ହୋଇଛି ଜବାନର ଟ୍ରେଲର ?
ଶାହାରୁଖ ଖାନ ଏବଂ ନୟନତାରାଙ୍କ ଅଭିନୀତ ଚଳଚ୍ଚିତ୍ର ଜବାନର ଟ୍ରେଲର 2.45 ମିନିଟର ଅଟେ, ଯାହା ଆକ୍ସନ୍ ଦୃଶ୍ୟରୁ ଆରମ୍ଭ ହେଉଛି । ଟ୍ରେଲରରେ ଏହା ଦର୍ଶାଯାଇଛି ଯେ ଏହା ମୁମ୍ବାଇରେ ଏକ ମେଟ୍ରୋ ଟ୍ରେନର ଏକ ବ୍ୟସ୍ତବହୁଳ ସ୍ଥାନରୁ ଆରମ୍ଭ ହୋଇଛି । ଏହା ପରେ ଶାହାରୁଖ ଖାନ ଟ୍ରେଲରରେ ଖାକି ୟୁନିଫର୍ମରେ ନଜର ଆସିଛନ୍ତି । ଏହି ସମୟରେ ଶାହାରୁଖ ଖାନଙ୍କ ଟ୍ରେଲରରେ ଅନେକ ଚରିତ୍ର ଦେଖିବାକୁ ମିଳୁଛି । ଟ୍ରେଲରରେ ବାଲ୍ଡ ଲୁକରେ ଶାହାରୁଖଙ୍କ ଏକ ଭିଲେନ୍ ଲୁକ୍ ଅଛି ଏବଂ ଅନ୍ୟ ପଟେ ସେ ମଧ୍ୟବିତ୍ତ ପରିବାରର ବ୍ୟକ୍ତି ପରି ଦେଖାଯାଉଛନ୍ତି । ଗୋଟିଏ ଦୃଶ୍ୟରେ ସେ ଦୀପିକା ପାଦୁକୋନଙ୍କ ସହ କୁସ୍ତି କରୁଥିବା ଦେଖିବାକୁ ମିଳିଛି । ଟ୍ରେଲରର ଶେଷରେ, ଶାହାରୁଖ ଖାନ ଏକ ସଂଳାପ କୁହନ୍ତି ଯାହା ଫ୍ୟାନ୍ସଙ୍କ ହୋସ୍ ଉଡାଇଦେବ ।
30 ଅଗଷ୍ଟରେ ଚେନ୍ନାଇରେ ଇଭେଣ୍ଟ
ଟ୍ରେଲର ରିଲିଜ୍ ପୂର୍ବରୁ ଚେନ୍ନାଇରେ 30 ଅଗଷ୍ଟ ସନ୍ଧ୍ୟାରେ ଜବାନକୁ ନେଇ ଏକ ପ୍ରି-ରିଲିଜ୍ ଇଭେଣ୍ଟ ମଧ୍ୟ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ଶାହରୁଖ, ଅଟଲେ, ବିଜୟ ସେଥୁପତି, ସୁନୀଲ ଗ୍ରୋଭର, ରିଦ୍ଧି ଡୋଗ୍ରା ଯୋଗ ଦେଇଥିଲେ । ସେହି ଇଭେଣ୍ଟରେ ଶାହାରୁଖ ଜିନ୍ଦା ବନ୍ଦା ଏବଂ ଚେନ୍ନାଇ ଏକ୍ସପ୍ରେସର 1..2..3..4 ଗୀତରେ ନାଚିଥିଲେ । ଏହି କାର୍ଯ୍ୟକ୍ରମରେ ହଜାର ହଜାର ଶାହାରୁଖଙ୍କ ପ୍ରଶଂସକ ଉପସ୍ଥିତ ଥିଲେ।
