ହାଇଦ୍ରାବାଦ: ସୁପରଷ୍ଟାର ଶାହାରୁଖ ଖାନଙ୍କ ଜବାନ ରିଲିଜ ପରେ ପ୍ରଥମ ଦିନର ପ୍ରଥମ ଶୋ' ଦେଖିବାକୁ ବିଭିନ୍ନ ସ୍ଥାନର ଥିଏଟରରେ ପ୍ରବଳ ଭିଡ ଦେଖିବାକୁ ମିଳିଛି । ସୋସିଆଲ ମିଡିଆରେ ଫିଲ୍ମକୁ ନେଇ ଦମଦାର ପ୍ରତିକ୍ରିୟା ମଧ୍ୟ ଦେଉଛନ୍ତି । ଫିଲ୍ମକୁ ବ୍ଲକବ୍ଲଷ୍ଟର କହି ପ୍ରଶଂସା କରୁଛନ୍ତି ଫ୍ୟାନ୍ସ । ଏହାରି ମଧ୍ୟରେ ବର୍ତ୍ତମାନ ଫିଲ୍ମର ନିର୍ଦ୍ଦେଶକ ଅଟଲି କୁମାର ଏବଂ ତାଙ୍କ ପତ୍ନୀ ପ୍ରିୟା ଅଟଲି ପ୍ରଥମ ଶୋ' ଦେଖିବାକୁ ଥିଏଟରରେ ପହଞ୍ଚିଛନ୍ତି ।
ଆଜି ସକାଳେ ଅଟଲି ଇନଷ୍ଟାଗ୍ରାମରେ ତାଙ୍କ ପତ୍ନୀ ପ୍ରିୟା ଅଟଲିଙ୍କ ସହ ଏକ ଫଟୋ ସେୟାର କରିଛନ୍ତି । ଏହି ଦମ୍ପତି ଜବାନ ଲେଖାଥିବା ହ୍ବାଇଟ୍ ଟି-ସାର୍ଟରେ ନଜର ଆସିଛନ୍ତି । ତାମିଲନାଡୁର ଚେନ୍ନାଇର ରୋହିଣୀ ଥିଏଟରକୁ ଯିବାବେଳେ ଏହି ଦମ୍ପତି କାର ଭିତରେ ଏକ ସେଲଫି କ୍ଲିକ୍ କରିଥିଲେ । ଇନଷ୍ଟାଗ୍ରାମରେ ଏହି ଫଟୋ ସେୟାର କରି ଅଟଲି ଲେଖିଛନ୍ତି, "ଯବାନଙ୍କ ପ୍ରଥମ ଶୋ'କୁ ଯିବା ବାଟରେ"। ଏହି ଫୋଷ୍ଟ ସେୟାର ହେବା ମାତ୍ରେ ଫ୍ୟାନ୍ସ ଏହାକୁ ଲାଇକ କରିବା ସହ ଲାଲ ହାର୍ଟ ଇମୋଜି ଦେଇଛନ୍ତି ।
- " class="align-text-top noRightClick twitterSection" data="">
ଜବାନଙ୍କ ସହ ଅଟଲି ସାଉଥର ଯୁବ ନିର୍ଦ୍ଦେଶକ ଭାବେ ବେଶ ଲୋକପ୍ରିୟତା ହାସଲ କରିଥିବା ବେଳେ ବର୍ତ୍ତମାନ ହିନ୍ଦୀ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ନିଜର ଯାଦୁ ଦେଖାଇଛନ୍ତି । ଜବାନ ସହ ଅଟଲି ବଲିଉଡରେ ନିର୍ଦ୍ଦେଶକ ଭାବେ ଡେବ୍ୟୁ କରିଛନ୍ତି । ଏବଂ ଶାହାରୁଖ ଖାନଙ୍କ ସହ ମଧ୍ୟ ଅଟଲି ପ୍ରଥମ ଥର ପାଇଁ କାମ କରିଛନ୍ତି । ଶାହାରୁଖଙ୍କ ପ୍ରଡକ୍ସନ୍ କମ୍ପାନୀ ରେଡ୍ ଚିଲିସ୍ ଏଣ୍ଟରଟେନମେଣ୍ଟ ଦ୍ୱାରା ନିର୍ମିତ ହୋଇଥିବା ବେଳେ ଶାହାରୁଖଙ୍କ ସମେତ ସାଉଥ୍ ବିୟୁଟି ନୟନତାରାଙ୍କ ସହ ବିଜୟ ସେଥୁପତି ଏବଂ ସଂଜୟ ଦତ୍ତ ମଧ୍ୟ ମୁଖ୍ୟ ଭୂମିକାରେ ନଜର ଆସିଛନ୍ତି । ଦୀପିକା ପାଦୁକୋନଙ୍କୁ ଏଥିରେ କ୍ୟାମିଓ ରୋଲରେ ଦେଖିବାକୁ ମିଳିଛି । ତେବେ ନୟନତାରାଙ୍କ ସହ ବିଜୟ ସେଥୁପତିଙ୍କ ସହ ପ୍ରଥମ ଥର ପାଇଁ କାମ କରିଛନ୍ତି ଶାହାରୁଖ ।
ଏହା ମଧ୍ୟ ପଢନ୍ତୁ: ଏକ୍ସରେ ଜବାନ ସୁନାମି, ଥିଏଟର ବାହାରେ ବାଣ ଫୁଟାଇ ନାଚ ଗୀତରେ ମସଗୁଲ ଫ୍ୟାନ୍ସ
ସୂଚନା ଥାଉ କି, ପ୍ରଥମ ଶୋ' ପାଇଁ ଥିଏଟର ବାହାରେ ସେଲିବ୍ରେସନ କରାଯାଇଥିବା ବେଳେ ଭିତରେ ଫିଲ୍ମ ଦେଖି ଫ୍ୟାନ୍ସ ଶାହାରୁଖଙ୍କ ସହ ଡ୍ୟାନ୍ସ କରୁଛନ୍ତି । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଶାହାରୁଖ ଭିଡିଓ ପୋଷ୍ଟ କରି ପ୍ରଥମ ଶୋ' ଦେଖିବାକୁ ଆସିଥିବା ଫ୍ୟାନ୍ସଙ୍କୁ ଧନ୍ୟବାଦ ଦେଇଛନ୍ତି । ଫ୍ୟାନ୍ସଙ୍କ ଏକ ଭିଡିଓ ସେୟାର କରି ଟ୍ବିଟରରେ ଶାହାରୁଖ ଲେଖିଛନ୍ତି, ଲଭ୍ ୟୁ ପୁଅ ଏବଂ ଝିଅମାନେ । ମୁଁ ଆଶା କରେ ଆପଣ ମନୋରଞ୍ଜନକୁ ଉପଭୋଗ କରିବେ । ତୁମ ସହ ମୁଁ ବି ଥିଏଟରରେ ଫିଲ୍ମ ରିଲିଜ ପାଇଁ ଚେଇଁ ରହିଥିଲି । ବହୁତ ଭଲପାଇବା ଏବଂ ଧନ୍ୟବାଦ । ଏଥିସହ ଫିଲ୍ମ ସିନ୍ ଭାଇରାଲ ନେଇ ଅଭିନେତାଙ୍କ ଫ୍ୟାନ ପେଜ୍ ଫ୍ୟାନ୍ସକୁ କୌଣସି ସିନ ନ ଭାଇରାଲ କରିବାକୁ ଅନୁରୋଧ କରିଛନ୍ତି।
