ହାଇଦ୍ରାବାଦ: ଆଜି 76ତମ ସ୍ବାଧୀନତା ଦିବସ ପାଳନ କରୁଛି ଦେଶ । ଦେଶବାସୀଙ୍କ ପାଇଁ ଏହା ଐତିହାସିକ ଓ ସଂକଳ୍ପର ଦିନ । ସବୁଠି ଫର୍ ଫର୍ ହୋଇ ଉଡୁଛି ତ୍ରିରଙ୍ଗା । ଦିଲ୍ଲୀରୁ ପଲ୍ଲୀ ସବୁଠି ଉତ୍ସବମୁଖର । ସ୍ୱାଧୀନତା ଦିବସର ଏହି ଖାସ୍ ଅବସରରେ ରୋମାଣ୍ଟିକ ଚଳଚ୍ଚିତ୍ର ଧଡକ ସହିତ ବଲିଉଡ ଇଣ୍ତଷ୍ଟ୍ରିରେ ଏଣ୍ଟ୍ରି କରିଥିବା ଅଭିନେତା ଇଶାନ ଖଟ୍ଟର ଏବଂ ମୃଣାଳ ଠାକୁରଙ୍କ ଚଳଚ୍ଚିତ୍ର 'ପିପ୍ପା'ର ଟିଜର ରିଲିଜ ହୋଇଛି।
- " class="align-text-top noRightClick twitterSection" data="">
ଏହି ଟିଜରକୁ ଚଳଚ୍ଚିତ୍ରର ମୁଖ୍ୟ କଳାକାର ମୃଣାଳ ଠାକୁର ଏବଂ ଇଶାନ ଖଟ୍ଟର ସୋସିଆଲ ମିଡିଆରେ ସେୟାର କରିଛନ୍ତି । 1 ମିନିଟ୍ 7 ସେକେଣ୍ଡର ଏହି ଭିଡିଓରେ, 1971 ଯୁଦ୍ଧର ଝଲକ ଦେଖିବାକୁ ମିଳୁଛି । ଭିଡିଓରେ ପୂରା ଦେଶ ରେଡିଓରେ ଦେଶର ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ କଥା ଶୁଣୁଥିବାର ନଜର ଆସିଛନ୍ତି। ଭିଡିଓରେ ପ୍ରଧାନମନ୍ତ୍ରୀ କହୁଛନ୍ତି କି, 'କିଛି ଘଣ୍ଟା ପୂର୍ବରୁ ପାକିସ୍ତାନ ଭାରତୀୟ ଏୟାରଫିଲ୍ଡରେ ଏୟାର ଷ୍ଟ୍ରାଇକ କରିଛି । ମୁଁ, ଭାରତର ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ପାକିସ୍ତାନ ସହ ଯୁଦ୍ଧ ଘୋଷଣା କରୁଛି । ଜୟ ହିନ୍ଦ...।
ଏହି ସମୟରେ ଟିଜରରେ ମୃଣାଳ ଠାକୁର ଏବଂ ଇଶାନ ଖଟ୍ଟରଙ୍କ କିଛି ଦୃଶ୍ୟ ଦେଖିବାକୁ ମିଳୁଛି। ଭିଡିଓରେ ଇଶାନ ଯୁଦ୍ଧକ୍ଷେତ୍ରରେ ନଜର ଆସିଛନ୍ତି । ଟିଜରରେ ଅଭିନେତାଙ୍କୁ ଦେଖିଲେ ଲାଗୁଛି ଯେ, ତାଙ୍କ ଭୂମିକା ବହୁତ ଦମଦାର ହେବାକୁ ଯାଉଛି । ଟିଜର ଭିଡିଓ ସହିତ ଫିଲ୍ମର ରିଲିଜ୍ ତାରିଖ ମଧ୍ୟ ଘୋଷଣା କରାଯାଇଛି। ସୂଚନା ଅନୁଯାୟୀ, ଇଶାନ ଖଟ୍ଟରଙ୍କ ଏହି ଚଳଚ୍ଚିତ୍ର 2 ଡିସେମ୍ବର 2022 ରେ ରିଲିଜ୍ ହୋଇପାରେ ।
ଏହି ଚଳଚ୍ଚିତ୍ର ବିଷୟରେ କହିବାକୁ ଗଲେ 'ପିପ୍ପା' ଏକ ଓ୍ବାର ଫିଲ୍ମ । 'ଏୟାରଲିଫ୍ଟ'ର ନିର୍ମାତା ରାଜା କୃଷ୍ଣ ମେନନଙ୍କ ନିର୍ଦ୍ଦେଶିତ 'ପିପ୍ପା' ଚଳଚ୍ଚିତ୍ରରେ ଇଶାନ ବ୍ରିଗେଡିୟର ବଳରାମ ସିଂ ମେହେତାଙ୍କ ଭୂମିକାରେ ଅଭିନୟ କରିବେ । ଏହି ଫିଲ୍ମ ବ୍ରିଗେଡିୟର୍ ବଳରାମ ସିଂ ମେହେତାଙ୍କ ପୁସ୍ତକ 'ଦି ବର୍ନିଂ ଚାଫିସ୍' ଉପରେ ଆଧାରିତ । 'ପିପ୍ପା' ରବୀନ୍ଦ୍ର ରାନ୍ଧୱା, ତନମୟ ମୋହନ ଏବଂ ରାଜା କୃଷ୍ଣ ମେନନଙ୍କ ଦ୍ୱାରା ଲିଖିତ ।
