ହାଇଦ୍ରାବାଦ: ପୁଣି ଥରେ ମାଆ ହେବାକୁ ଯାଉଛନ୍ତି ବଲିଉଡ ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନ । ବର୍ତ୍ତମାନ ସୋସିଆଲ ମିଡିଆରେ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ଏକ ଭିଡିଓ ଖୁବ୍ ଭାଇରାଲ ହେବାରେ ଲାଗିଛି । ଏହି ଭିଡିଓରେ ଐଶ୍ୱର୍ଯ୍ୟା କଳା ଆଉଟ୍ଫିଟ୍ରେ ନଜର ଆସିଛନ୍ତି । କେବଳ ସେତିକି ନୁହେଁ, ଐଶ୍ୱର୍ଯ୍ୟା ତାଙ୍କ ପେଟକୁ ହାତରେ ଲୁଚାଇଥିବାର ମଧ୍ୟ ନଜର ଆସିଛନ୍ତି । ଏହା ଦେଖି ପ୍ରଶଂସକମାନେ ଅନୁମାନ କରୁଛନ୍ତି କି ଐଶ୍ୱର୍ଯ୍ୟା ଗର୍ଭବତୀ ଅଛନ୍ତି । ଏହି ଫଟୋରେ ତାଙ୍କର ପେଟ ସାମାନ୍ୟ ବାହାରକୁ ବାହାରିଛି ଯାହାକୁ ସୋସିଆଲ ମିଡିଆରେ ବେବି ବମ୍ପ୍ କୁହାଯାଉଛି । ତେବେ ସୋସିଆଲ ମିଡିଆରେ ଭାଇରାଲ ହେଉଥିବା ଖବରରେ କେତେ ସତ୍ୟତା ଅଛି, ତାହା ଏପର୍ଯ୍ୟନ୍ତ ଜଣାପଡି ନାହିଁ ।
- " class="align-text-top noRightClick twitterSection" data="
">
ନିକଟରେ ଐଶ୍ୱର୍ଯ୍ୟା ରାୟ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ମୁମ୍ବାଇ ବିମାନବନ୍ଦରରେ ଦେଖିବାକୁ ମିଳିଥିଲା । ଯେଉଁ ଠାରେ ସେ ଝିଅ ଆରାଧ୍ୟା ବଚ୍ଚନଙ୍କ ସହ ଥିଲେ । ତିନିଜଣ ନ୍ୟୁୟର୍କରୁ ଭେକେସନ୍ ଏନ୍ଜୟ କରି ଫେରିଛନ୍ତି । ସବୁଥର ପରି ବିମାନବନ୍ଦରରେ ଐଶ୍ୱର୍ଯ୍ୟା ଝିଅ ଆରାଧ୍ୟାଙ୍କ ହାତ ଧରିଥିବାର ନଜର ଆସିଥିଲେ । ଏହି ସମୟରେ ଅଭିଷେକ ବଚ୍ଚନ ମଧ୍ୟ ଉଭୟଙ୍କ ପଛରେ ଆସୁଥିବାର ନଜର ଆସିଥିଲେ । ଏହି ତିନିଜଣଙ୍କର ଏକ ଭିଡିଓ ଦିନକୁ ଦିନ ଭାଇରାଲ ହେବାରେ ଲାଗିଛି ଏବଂ ଏହା ସହିତ ଐଶ୍ୱର୍ଯ୍ୟା ଗର୍ଭବତୀ ଥିବା କଥା ମଧ୍ୟ ସାମ୍ନାକୁ ଆସିବାରେ ଲାଗିଛି । କିନ୍ତୁ ଏହି ଖବରକୁ ଗୁଜବ କୁହାଯାଉଛି।
ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଏହା ଦେଖିବାକୁ ମିଳିଛି ଯେ, ଐଶ୍ୱର୍ଯ୍ୟା ଏକ କଳା ଆଉଟ୍ଫିଟ୍ରେ ଅଛନ୍ତି । ଅଭିନେତ୍ରୀ ଏକ ଲମ୍ବା ପୋଷାକ ପିନ୍ଧିଛନ୍ତି, ଯାହାକି ବହୁତ ଢିଲା ଏବଂ ମାସ୍କ ପିନ୍ଧିଛନ୍ତି । ଏହି ସମୟରେ ଐଶ୍ୱର୍ଯ୍ୟା ପୂର୍ବପରି ତାଙ୍କ ଝିଅ ଆରାଧ୍ୟାଙ୍କ ହାତ ଧରିଥିଲେ । ଆଶ୍ଚର୍ଯ୍ୟର କଥା, ଏହି ଭିଡିଓରେ ଐଶ୍ୱର୍ଯ୍ୟା ତାଙ୍କ ପେଟକୁ ହାତରେ ଲୁଚାଇଥିବାର ନଜର ଆସିଛନ୍ତି ।
ସୋସିଆଲ ମିଡିଆ ୟୁଜର୍ସ ଐଶ୍ୱର୍ଯ୍ୟାଙ୍କ ଏହି ଭିଡିଓ ଉପରେ ଭିନ୍ନ ଭିନ୍ନ କମେଣ୍ଟ ଦେଉଛନ୍ତି । ଜଣେ ୟୁଜର ଲେଖିଛନ୍ତି, 'ସେ ଗର୍ଭବତୀ ତେଣୁ ସେ ନିଜକୁ ଘୋଡାଉଛନ୍ତି।' ଅନ୍ୟ ଜଣେ ୟୁଜର ଲେଖିଛନ୍ତି, 'ଗର୍ଭଧାରଣକୁ ଏତେ ଲୁଚାଇବା କଣ ଦରକାର ?' ତୃତୀୟ ୟୁଜର ଲେଖିଛନ୍ତି, 'କ'ଣ ସେ ଗର୍ଭବତୀ କି ?'
ଏହା ବି ପଢନ୍ତୁ: ପୁଣି ଗର୍ଭବତୀ ଅଛନ୍ତି କି ବେବୋ ? ୟୁଜର୍ସଙ୍କ ପ୍ରଶ୍ନର ଦେଲେ ଜବାବ୍
ତେବେ ଏହା ପ୍ରଥମ ଘଟଣା ନୁହେଁ ଯେ, ଐଶ୍ୱର୍ଯ୍ୟା ରାୟଙ୍କ ଗର୍ଭଧାରଣ ଖବର ଭାଇରାଲ ହେବାରେ ଲାଗିଛି । ଏହା ପୂର୍ବରୁ ମଧ୍ୟ କରୀନା କପୁରଙ୍କୁ ନେଇ ଏମିତି ଏକ ଖବର ଭାଇରାଲ ହୋଇଥିଲା । କିଛି ସମୟ ପୂର୍ବରୁ କରୀନା ଏହି ଗୁଜବ ଖବର ଉପରୁ ପରଦା ଉଠାଇଥିଲେ । କରୀନା ନିଜ ଇନଷ୍ଟାଗ୍ରାମରେ ସ୍ପଷ୍ଟ କରିଥିଲେ ଯେ, ସେ ଗର୍ଭବତୀ ନାହାନ୍ତି । ସେହିପରି ସୈଫ ଲେଖିଥିଲେ କି, କରୀନା ନିଜ ଦେଶର ଜନସଂଖ୍ୟାରେ ପ୍ରଥମରୁ ହିଁ ପୂରା ଯୋଗଦାନ ଦେଇଛନ୍ତି । ଉଭୟଙ୍କର ପ୍ରତିକ୍ରିୟା ଦେଖିବା ପରେ ପ୍ରଶଂସକଙ୍କ ମୁହଁ ଚୁପ୍ ହୋଇଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
