ହାଇଦ୍ରାବାଦ: ଖୁବଶୀଘ୍ର ହାତକୁ ଦି'ହାତ ହେବେ ଆମୀର ଖାନଙ୍କ ଝିଅ ଇରା ଖାନ । ଇରା ଜାନୁଆରୀରେ ନିଜ ବୟଫ୍ରେଣ୍ଡ ନୁପୁର ଶିଖରେଙ୍କୁ ବିବାହ କରିବେ । ବର୍ତ୍ତମାନ ଉଭୟଙ୍କ ବିବାହ ପୂର୍ବ କାର୍ଯ୍ୟକ୍ରମ ଆରମ୍ଭ ହୋଇଛି । ଯାହାର ଝଲକ ଦେଖାଇଛନ୍ତି ଇରା । ସୋସିଆଲ ମିଡିଆରେ ବିବାହ ସମାରୋହର କିଛି ଭିଡିଓ ଏବଂ ଫଟୋ ସେୟାର କରିଛନ୍ତି ଇରା । ଏହି ସମାରୋହରେ ଆମୀରଙ୍କ ପୂର୍ବ ପତ୍ନୀ କିରଣ ରାଓ ମଧ୍ୟ ସାମିଲ ହୋଇଛନ୍ତି ।
ଇରା ନିଜ ଇନ୍ଷ୍ଟାଗ୍ରାମ ଷ୍ଟୋରୀରେ ବିବାହ ସମାରୋହର ଅନେକ ଫଟୋ ଏବଂ ଭିଡିଓ ସେୟାର କରିଛନ୍ତି । ଭିଡିଓରେ ଅତିଥିଗଣ ମହାରାଷ୍ଟ୍ରିଆନ୍ ଖାଦ୍ୟର ମଜା ନେଉଥିବାର ଦେଖିବାକୁ ମିଳିଛି । ଏଥିସହ ଏଥିରେ ଆମୀରଙ୍କ ପୂର୍ବ ପତ୍ନୀ କିରଣ ରାଓ ଏବଂ ଆଜାଦ ରାଓ ଖାନଙ୍କୁ ମଧ୍ୟ ଦେଖିବାକୁ ମିଳିଛି । ଉଭୟ ଏକାଠି ବସି ଖାଉଥିବା ନଜର ଆସିଛନ୍ତି । ଏଥିସହ ସେ ଏକ ଫଟୋ ସେୟାର କରିଛନ୍ତି । ଯେଉଁଥିରେ ସେ ଇରା ନିଜ ସାଙ୍ଗମାନଙ୍କ ସହ ପୋଜ୍ ଦେଉଥିବାର ନଜର ଆସିଛନ୍ତି । ଏହି ସମୟରେ ଇରା ଲାଲ ରଙ୍ଗର ଶାଢ଼ୀରେ ପାରମ୍ପରିକ ଲୁକ୍ରେ ନଜର ଆସିଛନ୍ତି ।
ସେହିପରି ଇରାଙ୍କ ସାଙ୍ଗ ତଥା ଲିଟିଲ ଥିଙ୍ଗ୍ସ ଅଭିନେତ୍ରୀ ମିଥିଲା ପାଳକର ଏହି ସାମରୋହରେ ସାମିଲ ହୋଇଛନ୍ତି । ଏବଂ ସେ ଇନଷ୍ଟାଗ୍ରାମରେ ଇରା ଏବଂ ନୁପୁରଙ୍କ ସହ ମିଶି ଏକ ଫଟୋ ସେୟାର କତରିଛନ୍ତି । ଏବଂ ସେ ଲେଖିଛନ୍ତି, ବିବାହ କାର୍ଯ୍ୟକ୍ରମ ଆରମ୍ବ ହୋଇଛି । ସୂଚନା ଥାଉ କି, ଇରା-ନୁପୁର ଜାନୁଆରୀ ୩ରେ ବିବାହ କରିଥାନ୍ତେ । ମିଡିଆ ରିପୋର୍ଟ ଅନୁସାରେ, ଉଭୟଙ୍କ ବିବାହ ତାରିଖ ଘୁଞ୍ଚିଥିବା ବେଳେ ଜାନୁଆରୀ ୧୩ରେ ବିବାହ କରିବେ ଇରା-ନୁପୁର ।
ଏହା ମଧ୍ୟ ପଢନ୍ତୁ: ଭାବି ସ୍ବାମୀଙ୍କ ସହ ପ୍ରିଓ୍ବେଡିଂ ଫଟୋସୁଟ୍ କଲେ ଇରା; ଲେଖିଲେ ତୁମେ ମୋର Blue Sky
ସୂଚନା ଥାଉ କି, ଇରା ଖାନ, ଆମୀର ଖାନ ଏବଂ ତାଙ୍କର ପ୍ରଥମ ପତ୍ନୀ ରୀନା ଦତ୍ତାଙ୍କ ଝିଅ । ଏବଂ ଜୁନୈଦ ଖାନ ରୀନା ଦତ୍ତାଙ୍କ ପୁଅ । ରୀନାଙ୍କଠାରୁ ଛାଡ଼ପତ୍ର ପରେ ଆମିର କିରଣ ରାଓଙ୍କୁ ବିବାହ କରିଥିଲେ । 2005ରେ ଆମିର ଏବଂ କିରଣଙ୍କ ଚଳଚ୍ଚିତ୍ର 'ଲଗାନ'ର ସେଟରେ ସାକ୍ଷାତ ହୋଇଥିଲା । ଦୁହିଁଙ୍କର ଏକ ପୁଅ ଆଜାଦ ରାଓ ଖାନ ଅଛନ୍ତି, ଯିଏ ଆଇଭିଏଫ ମାଧ୍ୟମରେ ଜନ୍ମ ହୋଇଥିଲେ । ଦୁଇ ବର୍ଷ ପୂର୍ବେ ଆମିର କିରଣଙ୍କୁ ମଧ୍ୟ ଛାଡପତ୍ର ଦେଇଥିଲେ ।
