ହାଇଦ୍ରାବାଦ: ଖୁବଶୀଘ୍ର ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ଇରା ଖାନ । ନିକଟରେ ଆମୀର ଖାନଙ୍କ ଝିଅ ଇରା ଖାନଙ୍କର ନିର୍ବନ୍ଧ ପ୍ରେମିକ ନୁପୁର ଶିଖରଙ୍କ ସହ ହୋଇଥିଲା । ୨୦୨୪ରେ ତାଙ୍କର ବିବାହ ହେବାକୁ ଯାଉଥିବା ବେଳେ ଉଭୟ ଏନେଇ ପ୍ରସ୍ତୁତି ଆରମ୍ଭ କରିଦେଇଛନ୍ତି । ବିବାହ ପୂର୍ବରୁ ଇରା ନିଜର ଭାବି ସ୍ବାମୀଙ୍କ ସହ ପ୍ରିଓ୍ବେଡିଂ ଫଟୋ ସୁଟ୍ ପାଇଁ ପର୍ତ୍ତୁଗାଲ ଯାଇଥିବା ବେଳେ ସେଠାରୁ କିଛି ଫଟୋ ସୋସିଆଲ ମିଡିଆରେ ସେୟାର କରିଛନ୍ତି ।
ଇରା ଖାନ ସୋମବାର ଦିନ ତାଙ୍କ ପ୍ରେମିକା ନୁପୁର ଶିଖରଙ୍କ ସହ ଠିଆ ହୋଇଥିବା ସମୟର ଏକ ଫଟୋ ଇନଷ୍ଟାଗ୍ରାମରେ ସେୟାର କରିଛନ୍ତି । ଫଟୋରେ ଏହି ଯୋଡି ଷ୍ଟାଇଲିସ୍ ପୋଷାକ ପିନ୍ଧିଥିବାର ନଜର ଆସିଛନ୍ତି । ନୁପୁର ଏକ ରଙ୍ଗୀନ ଟି-ସାର୍ଟ ପିନ୍ଧିଥିବା ବେଳେ ଇରା ଗୋଲାପୀ ଟି-ସାର୍ଟ ସହ ଧଳା ରଙ୍ଗର ଏକ ଜ୍ୟାକେଟ ପିନ୍ଧିଥିବାର ନଜର ଆସିଛନ୍ତି । ତେବେ ଆମୀରଙ୍କ ଝିଅ ଇରା ଫଟୋ ସେୟାର କରି ଲେଖିଛନ୍ତି, 'ୟୁ ଆର ମାଇ ବ୍ଲୁ ସ୍କାଏ' ।
କିଛି ଦିନ ପୂର୍ବରୁ ଇରା ଖାନ ନୁପୁରଙ୍କ ସହ ପ୍ରି-ଓ୍ବେଡିଂ ଫଟୋ ସୁଟ୍ ଆରମ୍ଭ କରିଥିଲେ । ଏନେଇ ଇରା କେଲବନ୍ ଏବଂ ଉଖାନାରୁ ଅନେକ ଫଟୋ ସୋସିଆଲ ମିଡିଆରେ ସେୟାର କରିଥିଲେ । ଫଟୋରେ ଏହି ଯୋଡି ହସୁଥିବା ଏବଂ ପରସ୍ପରକୁ ଆଲିଙ୍ଗନ କରୁଥିବା ଦେଖିବାକୁ ମିଳିଛି । ଏକ ଫଟୋରେ ଇରା ନୁପୁରଙ୍କ ହାତରେ ଏକ ଫୁଲମାଳ ଗୁଡ଼ାଉଥିବାର ନଜର ଆସିଛି ।
ଏହା ମଧ୍ୟ ପଢନ୍ତୁ: ଇରା-ନୁପୁରଙ୍କ ବିବାହ ତାରିଖ ଘୋଷଣା କଲେ ଆମୀର ଖାନ, କହିଲେ ‘ମୁଁ ସେଦିନ ବହୁତ କାନ୍ଦିବି’
ପ୍ରକାଶ ଥାଉକି, ଇରା ଏବଂ ନୁପୁର 2024 ଜାନୁଆରୀ 3ରେ କୋର୍ଟରେ ବିବାହ କରିବେ । ଦୁଇ ବର୍ଷ ଡେଟିଂ କରିବା ପରେ ଊଭୟ ନଭେମ୍ବର 2022ରେ ନିର୍ବନ୍ଧ କରିଥିଲେ । ପାର୍ଟିରୁ ଆମିର ଖାନ ଏବଂ ତାଙ୍କ ପରିବାରର ଅନେକ ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା । ଏଥିସହ ଏହି କପଲ୍ ଗ୍ରାଣ୍ଡ ସମାରୋହରେ ୩ ଦିନିଆ ବିବାହ ପାଇଁ ଯୋଜନା କରୁଛନ୍ତି । ଆମୀର ଖାନ ଏବେ ଠାରୁ ତାଙ୍କ ଝିଅର ବିବାହ ସମାରୋହ ପ୍ରସ୍ତୁତି କରିବା ଆରମ୍ଭ କରିଦେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
