ହାଇଦ୍ରାବାଦ: ଟେଲିଭିଜନ ଜଗତର ଜଣାଶୁଣା ଅଭିନେତ୍ରୀ ମୋନି ରୟ ପୁଣି ଥରେ ଚର୍ଚ୍ଚାକୁ ଆସିଛନ୍ତି। ଅଭିନେତ୍ରୀ ପୂର୍ବରୁ ହିଁ ତାଙ୍କ ପ୍ରଶଂସକଙ୍କୁ ନିଜର ଆକର୍ଷଣୀୟ ଫଟୋ ସହିତ ପାଗଳ କରିସାରିଛନ୍ତି, କିନ୍ତୁ ଏଥର ଚର୍ଚ୍ଚାକୁ ଆସିବା ପଛର କାରଣ ଅନ୍ୟ କିଛି । ବାସ୍ତବରେ, ମୋନି ରୟ ତାଙ୍କ ବିବାହ ପରଠାରୁ ସୋସିଆଲ ମିଡିଆରେ ବହୁତ ସକ୍ରିୟ । ଏହି ଆଧାରରେ ମୋନି ସୋସିଆଲ ମିଡିଆରେ ଏକ ଫଟୋ ସେୟାର କରିଛନ୍ତି । ଏହି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଫଟୋଟି ସାଧାରଣ ଫଟୋ ନୁହେଁ, ଏଥିରେ ତାଙ୍କ ସହ ବଲିଉଡର ସୁପରହିରୋ ହ୍ରିତିକ୍ ରୋଶନ ନଜର ଆସିଛନ୍ତି ।
- " class="align-text-top noRightClick twitterSection" data="
">
ତେବେ କହିରଖୁଛୁ ଯେ, ହ୍ରିତିକ ଏବଂ ମୋନି ପ୍ରଥମ ଥର ପାଇଁ ଏକାଠି ନଜର ଆସିଛନ୍ତି । ସେଥିପାଇଁ ପ୍ରଶଂସକଙ୍କ ପାଇଁ ଏହା ଏକ ଆଶ୍ଚର୍ଯ୍ୟଜନକ ବିଷୟ । ଦ୍ୱିତୀୟ କଥା ହେଉଛି ପ୍ରଶଂସକମାନେ ମୋନି ଏବଂ ହ୍ରିତିକଙ୍କ ଏହି ସେଲଫିକୁ ବହୁତ ପସନ୍ଦ କରିଛନ୍ତି । ମୋନି ରୟ ଏହି ସେଲଫି ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଇନଷ୍ଟାଗ୍ରାମରେ 22 ମିଲିୟନରୁ ଅଧିକ ପ୍ରଶଂସକ ମୋନିଙ୍କୁ ଫଲୋ କରନ୍ତି ।
ମୋନି ରୟ ଏବଂ ହ୍ରିତିକ ରୋଶନଙ୍କ ଯୋଡିକୁ ସୋସିଆଲ ମିଡିଆରେ ବହୁତ ପ୍ରଶଂସା କରାଯାଉଛି । କେହି କେହି ପ୍ରଶଂସକ କମେଣ୍ଟରେ 'ହଟ ଯୋଡି' ବୋଲି ଲେଖୁଛନ୍ତି । ଜଣେ ପ୍ରଶଂସକ କମେଣ୍ଟରେ ଲେଖିଛନ୍ତି, 'ହଟ ହଟର ହଟେଷ୍ଟ' । ଏଥିସହିତ, ଆଉ ଜଣେ ପ୍ରଶଂସକ ହ୍ରିତିକ ଏବଂ ମୋନିଙ୍କୁ ଏକାଠି କାମ କରିବାକୁ ନିବେଦନ କରିଛନ୍ତି। ଏହି ପ୍ରଶଂସକ ଲେଖିଛନ୍ତି, ସେଲଫିରେ କେମେଷ୍ଟ୍ରି ଭଲ ଅଛି, ତୁମେ ଦୁହେଁ ଏକାଠି କାମ କରିବା ଉଚିତ୍ ।
ତେବେ କହିବାକୁ ଗଲେ, ଇନଷ୍ଟାଗ୍ରାମରେ ହ୍ରିତିକ-ମୋନିଙ୍କ ଫଟୋରେ 4.50 ଲକ୍ଷରୁ ଅଧିକ ଲାଇକ୍ ମିଳିସାରିଲାଣି । ତେବେ ଏହି ସେଲଫି ଏକ ବିଜ୍ଞାପନ ସୁଟ୍ ସମୟର । ବର୍ତ୍ତମାନ ଦୁହେଁ ଏକାଠି ଏକ ବିଜ୍ଞାପନ କରିଛନ୍ତି । ଫଟୋରେ, ମୋନି ରୟ ଏବଂ ହ୍ରିତିକ ରୋଶନ କଳା ପୋଷାକ ପିନ୍ଧିଛନ୍ତି । ଏହି ସେଲଫି ଏମଷ୍ଟର୍ଡମରେ ନିଆଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
