ହାଇଦ୍ରାବାଦ: ନିକଟରେ ମୁକ୍ତିଲାଭ କରିଥିବା ନିର୍ଦ୍ଦେଶକ କରଣ ଜୋହରଙ୍କ ଫିଲ୍ମ ‘ରକି ଔର୍ ରାନୀ କି ପ୍ରେମ କହାନୀ’ ପ୍ରଶଂସକଙ୍କ ପ୍ରଶଂସା ସାଉଁଟି ଚାଲିଛି । ଏହାରି ମଧ୍ୟରେ ସବୁଠାରୁ ଅଧିକ ଟ୍ରେଣ୍ଡ୍ କରୁଛି ଧର୍ମେନ୍ଦ୍ର ଓ ଶବାନା ଆଜମୀଙ୍କ ଚୁମ୍ବନ ଦୃଶ୍ୟ । ଏହି ଦୃଶ୍ୟକୁ ନେଇ ପୂର୍ବରୁ ଅନେକ ଚର୍ଚ୍ଚା ହୋଇସାରିଛି । ଏବେ ବି ଏହି ଦୃଶ୍ୟକୁ ନେଇ ଜବରଦସ୍ତ ପ୍ରତିକ୍ରିୟା ଆସୁଥିବା ବେଳେ ପତ୍ନୀ ହେମା ମାଳିନୀ ପୁଣି ଏକ ଆଶ୍ଚର୍ଯ୍ୟଜନକ ପ୍ରତିକ୍ରିୟା ଦେଇଛନ୍ତି । ଶୁଣିବାକୁ ମିଳୁଛି ଯେ, ଧର୍ମେନ୍ଦ୍ରଙ୍କ ପରେ ଏଥର ହେମା ମାଳିନୀ ମଧ୍ୟ ବଡ ପରଦାରେ ଲିପଲକ୍ କରୁଥିବା ନଜର ଆସିବେ ।
ନିକଟରେ ଏକ ସାକ୍ଷାତକାରରେ ଧର୍ମେନ୍ଦ୍ର ଏବଂ ଶବାନା ଆଜମୀଙ୍କ ଚୁମ୍ବନ ଦୃଶ୍ୟ ଉପରେ ହେମା ମାଳିନୀ ପ୍ରତିକ୍ରିୟା ପ୍ରକାଶ କରିଛନ୍ତି । ଇଣ୍ଡିଆ ଡଟ୍ କମ୍ ସହିତ ଏକ ବାର୍ତ୍ତାଳାପରେ ସେ କହିଛନ୍ତି ଯେ, ଫିଲ୍ମର ଡିମାଣ୍ଡ ଉପରେ ତାଙ୍କୁ ଅନସ୍କ୍ରିନ କିସ୍ ଉପରେ କୌଣସି ଆପତ୍ତି ନାହିଁ । ଯେତେବେଳେ ଏକ ସାକ୍ଷାତକାରରେ ହେମା ମାଳିନୀଙ୍କୁ ପଚରାଯାଇଥିଲା ଯେ, ସେ ଧର୍ମେନ୍ଦ୍ର ଏବଂ ଶବାନା ଆଜମୀଙ୍କ ପରି ଅନସ୍କ୍ରିନ କିସ୍ କରିବାରେ କମ୍ଫଟ ଅନୁଭବ କରିବେ କି ? ସେତେବେଳେ ସେ ଦୃଢ ଭାବରେ ଉତ୍ତର ଦେଇ କହିଥିଲେ, ‘‘କାହିଁକି କରିବିନି, ସଂପୂର୍ଣ୍ଣ ଭାବେ କରିବି । ଯଦି ଏହା ଭଲ, ଯଦି ଫିଲ୍ମ ସହିତ ଏହା ତାଳମେଳ ଖାଉଛି, ତାହାଲେ... ବୋଧହୁଏ ମୁଁ ଏହା କରିପାରିବି ।’’
