ହାଇଦ୍ରାବାଦ: ହ୍ରିତିକ ରୋଶନଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଫାଇଟର' ଖୁବଶୀଘ୍ର ପ୍ରେକ୍ଷାଳୟରେ ମୁକ୍ତିଲାଭ ପାଇଁ ପ୍ରସ୍ତୁତ । ଏହି ଫିଲ୍ମରେ ପ୍ରଥମ ଅନସ୍କ୍ରିନ ଯୋଡି ଦୀପିକା ପାଦୁକୋନ ଏବଂ ହ୍ରିତିକ ରୋଶନଙ୍କୁ ଏକାଠି ଦେଖିବାକୁ ମିଳିବ । ନିକଟରେ ଫିଲ୍ମର ସମସ୍ତ ଚରିତ୍ରର ଲୁକ, ଟିଜର ଏବଂ ପ୍ରଥମ ଗୀତ ରିଲିଜ ହୋଇଥିଲା । ଯାହା ଫ୍ୟାନ୍ସଙ୍କୁ ବେଶ ପସନ୍ଦ ଆସିଥିଲା । ଏହାରି ମଧ୍ୟରେ ବର୍ତ୍ତମାନ ନିର୍ମାତା ଫିଲ୍ମର ୨ୟ ଗୀତ 'ଇସ୍କ ଜେସା କୁଛ' ରିଲିଜ କରିଛନ୍ତି । ଗୀତରେ ହ୍ରିତିକ ରୋଶନ ଏବଂ ଦୀପିକା ପାଦୁକୋନଙ୍କ ଲଭ ରୋମାନ୍ସ ଦର୍ଶକଙ୍କୁ ଫିଦା କରିଛି ।
- " class="align-text-top noRightClick twitterSection" data="">
ଏହି ଗୀତରେ ବିଶାଲ-ଶେଖର, ଶିଳ୍ପା ରାଓ ଏବଂ ମେଲୋ ଡି ନିଜର ସ୍ୱର ଦେଇଥିବା ବେଳେ ଗୀତକୁ ବିଶାଲ ଏବଂ ଶେଖର ରଚନା କରିଛନ୍ତି । ବୋସ୍କୋ-ସିଜର ଏହାକୁ କୋରିଓଗ୍ରାଫ କରିଛନ୍ତି । ଗୀତରେ ଦୀପିକା ଏବଂ ହ୍ରିତିକଙ୍କ ଜବରଦସ୍ତ ରୋମାନ୍ସ ସହ ଉଭୟଙ୍କ ହଟ୍ ଲୁକ ଏବଂ ଡ୍ୟାନ୍ସ ଦେଖିବାକୁ ମିଳିଛି । ସୋସିଆଲ ମିଡିଆରେ ଗୀତ ରିଲିଜ ହେବା ମାତ୍ରେ ଭାଇରାଲ ହୋଇଛି । ରିଲିଜର ୨ ଘଣ୍ଟା ମଧ୍ୟରେ ୭ ଲକ୍ଷରୁ ଅଧିକ ଭ୍ୟୁ ମିଳିଛି ।