ହାଇଦ୍ରାବାଦ: ଜନ୍ ଆବ୍ରାହମ୍, ଅର୍ଜୁନ କପୁର, ଦିଶା ପଟାନି ଏବଂ ତାରା ସୂତାରିଆଙ୍କ ଅଭିନୀତ ଚଳଚ୍ଚିତ୍ର 'ଏକ ଭିଲେନ୍ ରିଟର୍ନ'ର ଟ୍ରେଲର ଗୁରୁବାର (ଜୁନ୍ 30) ରେ ମୁକ୍ତିଲାଭ କରିଛି । ଏହାପୂର୍ବରୁ ଫିଲ୍ମର ପୋଷ୍ଟର ରିଲିଜ ହୋଇଥିଲା । ଫିଲ୍ମର ଟ୍ରେଲର ଖୁବ୍ ଦମ୍ଦାର ହୋଇଛି । ଫିଲ୍ମର ଟ୍ରେଲର ରିଲିଜ୍ ହେବା ପରେ ଫିଲ୍ମ ଦେଖିବା ପାଇଁ ଫ୍ୟାନ୍ସମାନଙ୍କ ମଧ୍ୟରେ ଉତ୍ସାହ ଆହୁରି ଅଧିକ ବଢି ଯାଇଛି ।
- " class="align-text-top noRightClick twitterSection" data="">
ଟ୍ରେଲର ଆରମ୍ଭରୁ ଶେଷ ପର୍ଯ୍ୟନ୍ତ ଦର୍ଶକଙ୍କୁ ବାନ୍ଧି ରଖିବ । ତେବେ ଏହି ଭିଲେନ୍ର କାହାଣୀରେ କିଏ ଭିଲେନ୍ ଏବଂ କିଏ ହିରୋ କିଛି ସ୍ପଷ୍ଟ ଜଣାପଡୁ ନାହିଁ । ଜନ୍, ଅର୍ଜୁନ, ତାରା ଏବଂ ଦିଶା ନିଜ ମଧ୍ୟରେ ଭିଲେନ୍ ଏବଂ ହିରୋ ଖେଳ ଖେଳୁଛନ୍ତି, ଯାହା ଦର୍ଶକଙ୍କୁ ବି ବାୟା କରିଦେଇଛି । ଟ୍ରେଲରରେ ଏତେ ସସପେନ୍ସ ରହିଛି ଯେ, ଏହା ଦର୍ଶକଙ୍କୁ ଥିଏଟର ଯିବାକୁ ବାଧ୍ୟ କରିବ ।
ଆଠ ବର୍ଷ ପୂର୍ବେ ମୁକ୍ତିଲାଭ କରିଥିବା ରିତିଶ ଦେଶମୁଖ, ସିଦ୍ଧାର୍ଥ ମଲହୋତ୍ରା ଏବଂ ଶ୍ରଦ୍ଧା କପୁରଙ୍କ ଅଭିନୀତ 'ଏକ ଭିଲେନ୍' ବକ୍ସ ଅଫିସରେ 100 କୋଟି ଟଙ୍କା ରୋଜଗାର କରିବାରେ ସଫଳ ହୋଇଥିଲା। ବର୍ତ୍ତମାନ 'ଏକ ଭିଲେନ୍ ରିଟର୍ନସ୍' ଦର୍ଶକଙ୍କୁ କେତେ ମନୋରଞ୍ଜନ କରିବ, ଏହା ପୁରା ଫିଲ୍ମ ଦେଖିବା ପରେ ହିଁ ଜଣା ପଡିବ ।
ଏହା ବି ପଢନ୍ତୁ: Ek Villain Returnର ଫାଷ୍ଟ ଲୁକ୍ ପୋଷ୍ଟର ଆଉଟ୍, ଜାଣନ୍ତୁ କେବେ ରିଲିଜ୍ ହେବ ଟ୍ରେଲର
ଏହାପୂର୍ବରୁ, ଫିଲ୍ମର ପ୍ରଥମ ପୋଷ୍ଟରରେ ସମସ୍ତ ଚରିତ୍ରର ଦମଦାର ଲୁକ୍ ସାମ୍ନାକୁ ଆସିଥିଲା । ଫିଲ୍ମର ଷ୍ଟାରକାଷ୍ଟରେ ଫିଲ୍ମର ପୋଷ୍ଟର ସେୟାର କରି ସମାନ କ୍ୟାପସନ ଦିଆଯାଇଥିଲା । ଏହା ସହିତ ଫିଲ୍ମର ଟ୍ରେଲର କେବେ ରିଲିଜ ହେବ ସେନେଇ ମଧ୍ୟ ସୂଚନା ଦିଆଯାଇଥିଲା । ଫିଲ୍ମ ଏକ ଭିଲେନ୍ ଫିଲ୍ମର ସିକ୍ୱେଲ୍ 8 ବର୍ଷ ପରେ ଆସିଛି, ଯାହାକୁ ମୋହିତ ସୂରୀଙ୍କ ନିର୍ଦ୍ଦେଶନା ଦେଇଛନ୍ତି । ଏହି ଚଳଚ୍ଚିତ୍ରଟି ଜୁଲାଇ 29ରେ ସିନେମା ଘରେ ମୁକ୍ତିଲାଭ କରିବାକୁ ଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
