ହାଇଦ୍ରାବାଦ: ବଲିଉଡ ଅଭିନେତ୍ରୀ ଦୀପିକା ପାଦୁକୋନ ବର୍ତ୍ତମାନ ମୁମ୍ବାଇ ପହଞ୍ଚିଛନ୍ତି । ଏୟାରପୋର୍ଟରେ ଅଭିନେତ୍ରୀଙ୍କୁ ଦେଖିବାକୁ ମିଳିଛି । ସୂଚନା ଅନୁସାରେ, ନିକଟରେ ଅଭିନେତ୍ରୀ ଲସ୍ ଆଞ୍ଜେଲ୍ସର ୨୦୨୩ ଏକାଡେମୀ ମ୍ୟୁଜିୟମ ଗାଲାରେ ଯୋଗ ଦେଇଥିଲେ । ଏହି ଗାଲାରେ ସେ ସେଲିନା ଗୋମେଜ, ଦୁଆ ଲିପା ଏବଂ ଲିଓନାର୍ଡୋ ଡିକାପ୍ରିଓଙ୍କ ପରି ହଲିଉଡର ବିଶିଷ୍ଟ ବ୍ୟକ୍ତିଙ୍କ ସହ ସାମିଲ ହୋଇଥିଲେ । ତେବେ ଏହି କାର୍ଯ୍ୟକ୍ରମରେ ଦୀପିକା ପ୍ରଥମ ଭାରତୀୟ ଅଭିନେତ୍ରୀ ଭାବେ ସାମିଲ ହୋଇ ଦେଶ ପାଇଁ ଗୌରବ ଆଣିଛନ୍ତି ।
ଲସ୍ ଆଞ୍ଜେଲ୍ସରରୁ ବର୍ତ୍ତମାନ ଭାରତ ଫେରିଛନ୍ତି ଦୀପିକା ପାଦୁକୋନ । ଆଜି(ବୁଧବାର) ସକାଳେ ମୁମ୍ବାଇ ଏୟାରପୋର୍ଟରେ ନଜର ଆସିଛନ୍ତି । ଇନଷ୍ଟାଗ୍ରାମରେ ଏକ ପାପରାଜିଙ୍କ ଦ୍ବାରା ସେୟାର କରାଯାଇଥିବା ଏକ ଭିଡିଓରେ ଦୀପିକାଙ୍କୁ ବ୍ଲାକ୍ ଆଉଟଫିଟ୍ରେ ଦେଖିବାକୁ ମିଳିଛି । ବ୍ଲାକ୍ ପ୍ୟାଣ୍ଟ, ଟି-ସାର୍ଟ, ଏବଂ ଜ୍ୟାକେଟ୍ ସହ ବ୍ଲାକ୍ ଚଷମାରେ ଖୁବ ସୁନ୍ଦର ଲାଗୁଥିଲେ ଅଭିନେତ୍ରୀ । ତେବେ ଦୀପିକାଙ୍କ ଏହି ଭିଡିଓ ଏବେ ବେଶ ଭାଇରାଲ ହେବାରେ ଲାଗିଛି । ଏହାକୁ ଫ୍ୟାନ୍ସ ବେଶ ପସନ୍ଦ କରିଛନ୍ତି । ଜଣେ ଫ୍ୟାନ ଲେଖିଛନ୍ତି, ଭାରତର ସଫଳ ମହିଳା ଦୀପିକା ପାଦୁକୋନ । ଆଉ ଜଣେ ଲେଖିଛନ୍ତି, Just Looking Like a Wow । ବ୍ଲାକ ଲୁକରେ ବେଶ ସୁନ୍ଦର ଲାଗୁଛନ୍ତି ।
ସୂଚନା ଥାଉ କି, ଭାରତୀୟ ଗୀତ ନାଟୁ-ନାଟୁ ଓସ୍କାର 2023 ରେ ପୁରସ୍କାର ଜିତି ଇତିହାସ ସୃଷ୍ଟି କରିଥିଲା । ଏହି ସମୟରେ ହୋଷ୍ଟ ଭାବେ ଦୀପିକା ଏଥିରେ ସାମିଲ ହୋଇ ଦେଶ ପାଇଁ ଗୌରବ ଆଣିଥିଲେ । ଏବେ ପୁଣି ସେ ଦେଶକୁ ଗର୍ବିତ କରିଛନ୍ତି । ଦୀପିକା ପାଦୁକୋନ ନିକଟରେ ଏକାଡେମୀ ମ୍ୟୁଜିୟମ ଗାଲାରେ ଯୋଗ ଦେଇଥିଲେ । ଏହି ସମୟରେ ସେ ବାଇଗଣୀ ରଙ୍ଗର ୱେଲଭେଟ ଗାଉନରେ ନଜର ଆସି ସମସ୍ତଙ୍କୁ ଦିୱାନା କରିଥିଲେ ।
ଏହା ମଧ୍ୟ ପଢନ୍ତୁ: ଦୀପିକାଙ୍କ ପ୍ରଥମ ଲୁକ୍ ଆଉଟ୍, ପାଇଲଟ ଭୂମିକାରେ ଆସିଲେ ନଜର
ଦୀପିକା ପାଦୁକୋନଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ହ୍ରିତିକ ରୋଶନଙ୍କ ସହ ପାଦୁକୋନଙ୍କ ଆଗାମୀ ଚଳଚ୍ଚିତ୍ର ଫାଇଟରରେ ନଜର ଆସିବେ । ଗତକାଲି(ମଙ୍ଗଳବାର) ନିର୍ମାତାମାନେ ତାଙ୍କ ଲୁକ୍ ସେୟାର କରିବା ସହ ତାଙ୍କ ଚରିତ୍ର ବିଷୟରେ ପ୍ରକାଶ କରିଥିଲେ । ଏହି ଫିଲ୍ମରେ ସେ ଜଣେ ପାଇଲଟ ଭୂମିକାରେ ନଜର ଆସିବେ । ତେବେ ଏହି ଫିଲ୍ମ 2024 ଜାନୁଆରୀ 25ରେ ରିଲିଜ୍ ହେବ ।
