ଭୁବନେଶ୍ୱର: ଓଡ଼ିଶାରେ ପ୍ରଥମ ଥର ରିଲିଜ୍ ହେଲା ବଲିଉଡ ଚଳଚ୍ଚିତ୍ରର ଟ୍ରେଲର । ବଲିଉଡ ସୁପରଷ୍ଟାର ହ୍ରିତିକ୍ ରୋଶନ୍ ଷ୍ଟାରର୍ ଫିଲ୍ମ ‘ବିକ୍ରମ ବେଦା’ର ଟ୍ରେଲର ଭୁବନେଶ୍ୱର ମହାରାଜା ଫିଲ୍ମ ହଲରେ ରିଲିଜ ହୋଇଛି । ଭାରତର ୯ଟି ହଲ ମଧ୍ୟରୁ ଓଡ଼ିଶାର ଗୋଟିଏ ହଲରେ ଫିଲ୍ମ ବିକ୍ରମ ବେଦାର (Vikram Vedha) ଟ୍ରେଲର ରିଲିଜ ହୋଇଛି । ଅଭିନେତା ହ୍ରିତିକ୍ ରୋଶନ୍ ଫ୍ୟାନ କ୍ଳବ ପକ୍ଷରୁ ଫ୍ୟାନମାନେ ଟ୍ରେଲର ଦେଖିବା ସହ ସେଲିବ୍ରେସନ୍ କରିଛନ୍ତି ।
ସିନେମା ବେଶ୍ ଲୋକାଦୃତ ହେବାସହ ଭଲ ଲାଭ ହେବ ବୋଲି ସିନେମା ହଲ ପକ୍ଷରୁ ଆଶା କରାଯାଇଛି । ଫିଲ୍ମ ବିକ୍ରମ ବେଦା ଟ୍ରେଲର ଦୁବାଇର ଗୋଟିଏ ହଲରେ ମଧ୍ୟ ରିଲିଜ୍ ହୋଇଛି । ଆଜି ଦେଶର ଅନ୍ୟାନ୍ୟ ସିନେମା ହଲରେ ରିଲିଜ୍ ହେବ । ସୁପର ଥାର୍ଟି ଓ ୱାର ଭଳି ବ୍ଲକ ବଷ୍ଟର ଫିଲ୍ମ ସୁପର ହିଟ୍ ହୋଇଥିଲା ବେଳେ, ଆସନ୍ତା ୩୦ ତାରିଖରେ ସାରା ବିଶ୍ୱରେ ରିଲିଜ୍ ହେଉଛି ଆକ୍ସନ୍ ଓ ସସପେନ୍ସ ଭରା ସିନେମା ବିକ୍ରମ ବେଦା । ଏହି ସିନେମାରେ ଅଭିନେତା ସୈଫ୍ ଅଲ୍ଲୀ ଖାନ୍ ଏବଂ ହ୍ରିତିକ୍ ରୋଶନଙ୍କ ଦମଦାର ଆକ୍ସନ ଦର୍ଶକ ଦେଖିବାକୁ ପାଇବେ ।
ତେବେ ଟ୍ରେଲର ଦେଖିବା ପାଇଁ ହଲରେ ପହଁଚିଥିଲେ ଅଭିନେତା ହ୍ରିତିକ ରୋଶନଙ୍କ ଫ୍ୟାନ୍ସ । ପ୍ରାୟ ୧୦୦ରୁ ଅଧିକ ଫ୍ୟାନ୍ସଙ୍କ ଭିଡ ଦେଖିବା ପାଇଁ ମିଳିଥିଲା । ସେହିପରି ହ୍ରିତିକ୍ ରୋଶନ ଫ୍ୟାନ୍ କ୍ଲବ ପକ୍ଷରୁ ସେଲିବ୍ରେସନ ମଧ୍ୟ କରାଯାଇଛି । ଅନେକ ଦିନ ପରେ ହ୍ରିତିକ୍ ରୋଶନଙ୍କର ସିନେମା ରିଲିଜ ହେଉଥିବାରୁ ଭଲ ବ୍ୟବସାୟ କରିବ ବୋଲି ମହାରାଜା ହଲର ମ୍ୟାନେଜର ଲିଙ୍ଗରାଜ ପଣ୍ଡା କହିଛନ୍ତି । ସୁପର ୩୦ ଏବଂ ୱାର ଭଳି ବ୍ଲକ ବଷ୍ଟର ଫିଲ୍ମ ଭଳି ଏହି ରିମେକ ମୁଭି କେତେ ସଫଳତା ହାସଲ କରୁଛି ତାହା ଉପରେ ସମସ୍ତଙ୍କର ନଜର ରହିବ।
ତେବେ ଆସନ୍ତା ୩୦ ତାରିଖରେ ଏହି ଫିଲ୍ମଟି ରିଲିଜ୍ ହେବା ପାଇଁ ଯାଉଛି । ଏହି ଫିଲ୍ମକୁ ବେଶ୍ ଉତ୍ସାହର ସହ ଅପେକ୍ଷା କରିଛନ୍ତି ଦର୍ଶକ । ଆକ୍ସନ, ଥ୍ରୀଲର, ସସପେନ୍ସ ଭରା ଏହି ସିନେମାରେ ହ୍ରିତିକଙ୍କ ସହ ସୈଫ୍ ଅଲ୍ଲୀ ଖାନ ମଧ୍ୟ ନଜର ଆସିବେ । ତେବେ ସବୁଠୁ ରୋମାଞ୍ଚକର କଥା ହେଉଛି ଯେ ଏହି ଫିଲ୍ମରେ ହ୍ରିତିକ୍ ତିନିଟି ଭିନ୍ନ ଭିନ୍ନ ରୂପରେ ନଜର ଆସିବେ । ତେବେ ଏହା ଏକ ଆକ୍ସନ ସିନେମା ହୋଇଥିବା ବେଳେ ସବୁ ଜୋନ୍ ପାଇଁ ଫିଟ ଥିବା ହ୍ରିତିକଙ୍କ ସିନେମା ପୁଣି ଥରେ ସୁପରହିଟ ହେବ ବୋଲି ଫ୍ୟାନ୍ସ କହିଛନ୍ତି।
