ହାଇଦ୍ରାବାଦ: ବଲିଉଡର 'ବାଦଶାହ' ଶାହାରୁଖ ଖାନଙ୍କ ସହ 'ଜବାନ' ଚଳଚ୍ଚିତ୍ର ସାଉଥ ଫିଲ୍ମ ଇଣ୍ଡଷ୍ଟ୍ରିର ଯୁବ ନିର୍ଦ୍ଦେଶକ ଅଟଲି ପୁଣି ଥରେ ଫ୍ୟାନ୍ସଙ୍କୁ ଖୁସି ଖବର ଦେଇଛନ୍ତି । ଅଟଲି ବର୍ତ୍ତମାନ ଶାହାରୁଖ ଖାନ ଏବଂ ସାଉଥ ସୁପରଷ୍ଟାର 'ଥାଲାପତି' ବିଜୟଙ୍କ ସହ ଏକ ଫିଲ୍ମ କରିବାକୁ ଯାଉଛନ୍ତି । ବର୍ତ୍ତମାନ କୁହାଯାଉଛି ଯେ, ଏହି ଟାୟୋ ଭାରତୀୟ ବକ୍ସ ଅଫିସରେ ଆହୁରି ବଡ଼ ଧମାକା କରିବେ । ନିକଟରେ ହୋଇଥିବା ସାକ୍ଷାତକାରରେ ଅଟଲି ଏହା ପ୍ରକାଶ କରିଛନ୍ତି । ଅଟଲି କହିଛନ୍ତି ଯେ ଶାହାରୁଖ ଖାନ ଏବଂ ବିଜୟ ନିଜେ ଏହା ଉପରେ କାମ କରିବାକୁ ତାଙ୍କ ନିକଟକୁ ଆସିଥିଲେ ।
ସାଉଥର ହିଟ୍ ନିର୍ଦ୍ଦେଶକଙ୍କ ତାଲିକାରେ ଥିବା ଅରୁଣ କୁମାର ଓରଫ ଅଟଲି ଶାହାରୁଖ ଖାନଙ୍କ ସହ 'ଜବାନ' କରିଥିଲେ । ଏହି ଚଳଚ୍ଚିତ୍ର 1100 କୋଟିରୁ ଅଧିକ ଟଙ୍କା ବିଶ୍ବବ୍ୟାପୀ ବ୍ୟବସାୟ କରିବା ସହ ଲୋକପ୍ରିୟତା ହାସଲ କରିଥିଲା । ଏଥିସହ ଶାହାରୁଖ ଖାନଙ୍କ କ୍ୟାରିଅରରେ ସର୍ବାଧିକ ରୋଜଗାର କରୁଥିବା ଚଳଚ୍ଚିତ୍ର ହେଉଛି 'ଜବାନ୍' । ଶାହାରୁଖ ଏବଂ ଅଟଲି ପ୍ରଥମ ଥର ପାଇଁ ଏକାଠି କାମ କରିଥିଲେ । ଜବାନ ପରେ ବର୍ତ୍ତମାନ ଅଟଲି ପୁଣି ଥରେ ଶାହାରୁଖ ଖାନଙ୍କ ସହ ବକ୍ସ ଅଫିସରେ ଏକ ଧମାକା କରିବାକୁ ପ୍ରସ୍ତୁତ ହେଉଛନ୍ତି । ଏକ ସାକ୍ଷାତକାରରେ ଅଟଲି ପ୍ରକାଶ କରିଛନ୍ତି ଯେ ବିଜୟ ଏବଂ ଶାହାରୁଖ ଖାନ ଏକାଠି କାମ କରିବାକୁ ଇଚ୍ଛା ପ୍ରକାଶ କରିଛନ୍ତି ଏବଂ ଅଟଲି ମଧ୍ୟ ଏହା ଉପରେ କାମ ଆରମ୍ଭ କରିଛନ୍ତି । ସ୍କ୍ରିପ୍ଟ ଉପରେ କାମ ଚାଲିଛି ବୋଲି ଅଟଲି କହିଛନ୍ତି ।
