ହାଇଦ୍ରାବାଦ: ବଲିଉଡ ଅଭିନେତା ରଣବୀର କପୁର, ଅନିଲ କପୁର ଏବଂ ବବି ଦେଓଲଙ୍କ ଅଭିନୀତ ଆକ୍ସନ୍-ଥ୍ରୀଲର ଫିଲ୍ମ 'ଆନିମଲ'ରୁ ଖଳନାୟକ ବବି ଦେଓଲଙ୍କ ପ୍ରଥମ ଲୁକ୍ ପ୍ରକାଶ ପାଇଛି । ଏହାପୂର୍ବରୁ ନିକଟରେ ରଶ୍ମିକା ମନ୍ଦାନା, ରଣବୀର କପୁର ଏବଂ ଅନିଲ କପୁରଙ୍କ ପ୍ରଥମ ଲୁକ୍ ପ୍ରକାଶ ପାଇଥିଲା । ଫିଲ୍ମ 'ଆନିମଲ'ରେ ଅନିଲ କପୁର ରଣବୀର କପୁରଙ୍କ ପିତା ଭୂମିକାରେ ଅଭିନୟ କରିବାକୁ ଯାଉଛନ୍ତି । ଆଜି (ସେପ୍ଟେମ୍ବର 26) ଫିଲ୍ମ 'ଆନିମଲ'ରୁ ବବିଙ୍କର ପ୍ରଥମ ଲୁକ୍ ପ୍ରକାଶ ପାଇଛି । ନିର୍ଦ୍ଦେଶକ ସନ୍ଦୀପ ରେଡ୍ଡୀ ଭଙ୍ଗା ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି, ଯିଏ ଦକ୍ଷିଣ ଅଭିନେତା ବିଜୟ ଦେବରକୋଣ୍ଡାଙ୍କ ସହ 'ଅର୍ଜୁନ ରେଡ୍ଡୀ' ଏବଂ ସାହିଦ କପୁରଙ୍କ ସହ 'କବୀର ସିଂ' ନିର୍ମାଣ କରିଛନ୍ତି ।
- " class="align-text-top noRightClick twitterSection" data="">
ଫିଲ୍ମର ନିର୍ଦ୍ଦେଶକ ସନ୍ଦୀପ ରେଡ୍ଡୀ ଭଙ୍ଗା ନିଜ ଇନ୍ଷ୍ଟାଗ୍ରାମରେ ଆନିମଲ ଫିଲ୍ମରୁ ରଶ୍ମିକା ମନ୍ଦାନାଙ୍କ ପ୍ରଥମ ଲୁକ୍ ସେୟାର କରିଥିଲେ । ପୋଷ୍ଟରରେ ରଶ୍ମିକାଙ୍କ ସରଳତା ପ୍ରଶଂସକଙ୍କ ହୃଦୟ ଜିତୁଛି । ଶାଢ଼ୀ ଏବଂ ମଙ୍ଗଳସୁତ୍ର ପିନ୍ଧିଥିବା ରଶ୍ମିକା ଆଖି ତଳକୁ କରି ଚାହିଁଛନ୍ତି । ତାଙ୍କ ମୁହଁରେ ସାମାନ୍ୟ ହସ ମଧ୍ୟ ରହିଛି । ଏହି ପୋଷ୍ଟର ସେୟାର କରିବାବେଳେ ଅଭିନେତ୍ରୀ କ୍ୟାପସନରେ ଲେଖିଥିଲେ, ତୁମର ଗୀତାଞ୍ଜଳି । ଏହାର ଅର୍ଥ ହେଉଛି ଫିଲ୍ମରେ ରଶ୍ମିକାଙ୍କ ଚରିତ୍ରର ନାମ ଗୀତାଞ୍ଜଳି ହେବାକୁ ଯାଉଛି । ରଶ୍ମିକା ମନ୍ଦାନା ‘ଆନିମଲ'ରେ ରଣବୀର କପୁରଙ୍କ ସହ ସ୍କ୍ରିନ୍ ସ୍ପେସ୍ ସେୟାର କରିବାକୁ ପ୍ରସ୍ତୁତ ଅଛନ୍ତି ।
ଏହା ମଧ୍ୟ ପଢନ୍ତୁ: Animal: ଆନିମଲର ପ୍ରି-ଟିଜର ରିଲିଜ, ଦମଦାର ଲୁକରେ ନଜର ଆସିଲେ ରଣବୀର
ତରଣ ଆଦର୍ଶ ମଧ୍ୟ ରଶ୍ମିକାଙ୍କ ପୋଷ୍ଟର ସେୟାର କରିଥିଲେ। ସେପ୍ଟେମ୍ବର 28 ସକାଳ 10 ଟାରେ ଆନିମଲର ଟିଜର ରିଲିଜ ହେବ ବୋଲି ମଧ୍ୟ ସେ ସୂଚନା ଦେଇଥିଲେ । ଏହାପୂର୍ବରୁ ଫିଲ୍ମ ନିର୍ଦ୍ଦେଶକ ଅନିଲ କପୁର ଏବଂ ରଣବୀର କପୁରଙ୍କ ପ୍ରଥମ ଲୁକ୍ ସେୟାର କରିଥିଲେ । ଏହି ଫିଲ୍ମରେ ଅନିଲ କପୁର ଅଭିନେତା ରଣବୀର କପୁରଙ୍କ ପିତା ବଲବୀରଙ୍କ ଭୂମିକାରେ ନଜର ଆସିବେ ।
ଫିଲ୍ମ କେବେ ରିଲିଜ ହେବ ?
ଉଲ୍ଲେଖନୀୟ ଯେ, ପୂର୍ବରୁ 'ଆନିମଲ' ସେପ୍ଟେମ୍ବରରେ ପ୍ରେକ୍ଷାଳୟରେ ମୁକ୍ତିଲାଭ କରିବାର ଥିଲା । କିନ୍ତୁ ‘ଜବାନ’କୁ ଦୃଷ୍ଟିରେ ରଖି ନିର୍ମାତାମାନେ ‘ଆନିମଲ’ ରିଲିଜ୍ ତାରିଖ ସ୍ଥଗିତ ରଖିବାକୁ ନିଷ୍ପତ୍ତି ନେଇଥିଲେ । ଅବଶ୍ୟ, ନିର୍ମାତାଙ୍କ ଏହି ନିଷ୍ପତ୍ତି ମଧ୍ୟ ଯଥାର୍ଥ ବୋଲି ବିବେଚନା କରାଯାଏ । ବର୍ତ୍ତମାନ ଏହି ଚଳଚ୍ଚିତ୍ରଟି ଡିସେମ୍ବର 1ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି । ଏହି ଚଳଚ୍ଚିତ୍ରରେ ରଣବୀର କପୁର, ଅନିଲ କପୁର ଏବଂ ରଶ୍ମିକା ମନ୍ଦାନା, ବବି ଦେଓଲ ଏବଂ ତୃପ୍ତି ଡିମ୍ରି ମଧ୍ୟ ପ୍ରମୁଖ ଭୂମିକାରେ ନଜର ଆସିବେ। ‘ଆନିମଲ' ଫିଲ୍ମଟି ହିନ୍ଦୀ, ତେଲୁଗୁ, ତାମିଲ, କନ୍ନଡ, ମାଲାୟାଲମ୍ ଭଳି 5ଟି ଭାଷାରେ ସିନେମା ହଲ୍ରେ ରିଲିଜ ହେବ ।
